Jemis 2:26 - Nyindrou

²⁶ Taha ndratanan, buku malawi taha ruwani bada taha mwan o badih, badeh basa taha le kameh erah udu api. Buku le, are mwan o badih atehei budon laleyah, ya budon tan doh bamekes ari kandriyen mwasin bwe, budon ta iy mwan o badih doh badeh, ndrasahan i buku bada kei, kohan aliy bwe.

Jemis 2:26 Referans Kwoze

Jemis 2:20

Ou lolo-ou ndramak, buku ou atehei budon tam le in ta Kindrei, ya ou bamekes kandriyen mwasin Kindrei aso-ok ja bwe, budon tam badeh, ari moson bwe. Sebwe ou anya atanam le ta kati sahou dah nadeh? Mwasin ta ou anuhun sahou badu bolo buk ndrabun asehek i buku doh:

Jemis 2:17

Kandriyen ta budon handru tataha badeh, buku le aliy ale. Buku budon taha handru baluwi budon taha ta amekes kandriyen mwasin ma aseben iri mwan ma badih rayah ja bwe, ya budon taha handru badeh, kameh ari moson bwe, i lakou laleyah. Ya, buku taha bamekes gok mwasin ta aseben ndramak ari ja bwe, budon tataha badeh, ari katin bwe.

Jemis 2:14

Aha nadu tine mwan ma badih ta Kindrei, buku ari taha anya, “Jo atehei budon tek mara-ei badeh, in le ta Jises Krais,” arile iy badeh, bamekes kandriyen mwasin ma ba-en hamon ta budon handru bwe, eme budon handru ta i ndramak doh badeh, ari moson bwe. Sebwe iri budon handru buku doh badeh, winiyan basebenei ndramak ales udu mada sahou ta Kindrei hamon kameh eme bwe.

Tarou ta Luk 23:46

Eme Jises aloh bohon i loke, anya, “Tama! Jo atehei kohak handru ewek minem.” Iy tiye sahou doh ano le badeh, kohan ano ma iy imek.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.