Jemis 2:25 - Nyindrou

²⁵ Buku Rahap badeh, badih ta madasarah, iy tone uru lau ma la-uh mene Josuwa suni uru ala ta anyolom bolo kon Jeriko, ya Rahap leheyani uru a hamon a san ari ja. Ya idoh le, iy asahan mwasin na kandriyen tan ta tone uru lau ma la-uh nane doh. Ya Kindrei bwetenei kandriyen ta Rahap nane, ma iy aloh iy badih mwasin ta madan.

Jemis 2:25 Referans Kwoze

Hiburu 11:31

Rahap, iy badih ari ta bada belei, arile iy atehei budon tan boto-on handru in ta Kindrei, iy eme aseben uru lau la-uh badu Isra-el mene ala anya kanyolom saba lakou handru udu bolo kon Jeriko. Eme ma iy bamak bwe, bala buku iri lau nane banuhun boho Kindrei bwe.

Metiu 21:31

Ya uru nah ma la-uh doh are lau handru in hamon ta budon ta tama uru?” Eme oro lau nane anya, “Nadun kadok.” Eme Jises tiye toro i buku doh, “Jo asehek tado handru, iri lau ta akohok luk ta takis taha ma hawe iri badih ta madasarah kameh ala bwena ala bolo tondrok ta Kindrei.

Metiu 1:5

Salmon atehei Bowas, Bowas badeh tinen Rahap, Bowas atehei Obet, Obet badeh tinen Rut, Obet atehei Jesi,

Jemis 2:22

Aha kanyolom kamwenen. Budon hawe kandriyen ta Abraham badeh, asahan ari le. Budon tan mara-ei badeh, asahan eme lewan, in hamon le tiri kandriyen mwasin iy amekes.

Jemis 2:18

I buku ari ndramak anya, “Lau rayah badeh, tawi ihis budon handru, arile lau rayah ja badeh, amekes kandriyen mwasin. Sebwe budon ma la-uh doh i le randra.” Jo kasehek ki buku doh, “Buku none ou atehei budon tam boto-on i ta Kindrei, arile ou tanam ta amekes kandriyen mwasin bwe, ki buku sah handru jo ki tanan kandriyen ta budon tam in ta Kindrei nane? Arile, jo anya kamekes kandriyen mwasin ale, ya kandriyen mwasin doh kameh leheyani budon tek boto-on in ta Kindrei nane.”

Jemis 2:24

Ya idah aha ndratana aha, Kindrei basehek anya ndramak kameh asahan mwasin na budon tan le bwe, iy badeh, aso-ok budon tam hawe kandriyen ta gok tam ale kudu mwasin ta madan.