Jemis 2:23 - Nyindrou

²³ Buk ndrabun badeh, asehek i buku doh, “Abraham atehei budon tan handru in ta Kindrei, eme ma Kindrei aloh iy ndramak mwasin mara-ei ta madan.” Jenesis 15:6 Ya Kindrei ale aloh Abraham badeh, i buku, “Kawas tan handru.” Ya, kati sahou “atehei budon tan mara-ei in ta Kindrei” doh badeh, asahan eme lewan ta kandriyen nane Abraham amekes i ta nadun Aisik.

Jemis 2:23 Referans Kwoze

Jenesis 15:6

Eme badeh Abram atehei budon tan handru in ta Laban, tasah ta katin doh badeh Laban sekesek ma aseken iy ma aloh iy mwasin labai tan.

Galesiya 3:6

Aha badeh, kalomondra tekedek ta Abraham se: I buku buk ndrabun ndratiye, “Abraham atehei budon tan handru in ta Kindrei, eme ma Kindrei aloh iy ndramak mwasin mara-ei ta madan.” Jenesis 15:6

La-ukei ta Pol atorou ili tiri lau badu kon Rom 11:2

Kindrei badeh, winiyan bakahei iri Isra-el bwe, tasah ndra mwena mwena ndra-au iy tanan ta iri badeh, lau tan amwenen. Aha bala tana aha bwe? Tarou mene torowenei udu bolo buk ndrabun asehek nyala Alaija mene ibolosen ma iy asalom i ta Kindrei ma iy asehek kandriyen tiri Isra-el i buku doh,

Galesiya 3:22

Arile bwai! Sahou ta Kindrei ndratiye anya lau mwan ma badih badu kon munyak mara-ei badeh, ado bolo kowah ta karei ma lomondra ndra-in. Kindrei le alelei lakou doh asahan tasah, iy anya katehei nyosowan mwasin tan mene iy tandrakan badeh, ki tiri lau heh atehei budon tiri handru in ta Jises Krais.

La-ukei ta Pol atorou ili tiri lau badu kon Rom 9:17

Tasah, sahou mene ndratorowenei tiye i ta Parou asah i buku doh: “Jo mene atehei ou asahan kabin ta anyehe budon ta jo badeh, kaleheya boto-on tek kewek tam. Ya eme ma iri lau kameh winiyan atudun nyarak ma atiye sahou tek i tiri lau badu kon munyak mara-ei.” Eksodus 9:16

Tarou ta Luk 4:21

Ano iy tiye i toro, “Sahou nane ado ndranuhun badeh, ndrasahan handru na len dah.”

Tarou ta Mak 15:27

Ya udu hawen ale iri atahi uru lau la-uh ta bahana ado kabeden. Ari ereu minen salin, ya ari ereu minen kamweu.

Tarou ta Mak 12:10

Handru labai, sebwe ado banyolom sahou doh ereu bolo buk ndrabun ta Kindrei bwe nadeh, sahou i buku doh, ‘Bek ale iri lau ta atah asiu bwale iri, na dah, iy ndrasahan kati ndru ta ka-u asiu bek.

1 Pita 2:6

Buk ndrabun tiye i buku doh: “Aha kanuhun, jo ndranyowonyani bek ari kabwe, ta asahan ndru ta kabede asiu ta ateu asiu kudu boto-on. Bek doh badeh, iy mwasin ya iy boto-on labai. Idah jo atehei iy ereu mandrei Sayon. Ya are lau atehei budon tan handru in tan kameh iy winiyan bani bwilima bwe.” Aisaya 28:16

2 Timoti 3:16

Malawin Mwasin ta Kindrei atehei budon ili tiri lau, ma iri torowenei sahou tan ili bolo buk ndrabun. Eme ma, iri tarou marakon udu bolo buk dah, iri mwasin, ma iri adeu tanan eme tataha ta sahou handru. Ma iri leheya taha ta kandriyen ndra-in tataha, ma lowosa tekedek tataha kamwenen, ma leheya taha ta kandriyen mwasin ma amwenen.

Aposel 1:16

ma iy tiye anya, “Ado nadu tine mwan ma badih, sahou ta Kindrei mwena mene Malawin Ndrabun mene ndratiye udu boho Debit tiye nyala Judas mene udu bwena tiri eme ateu Jises badeh, ndrasahan handru.

Jemis 2:24

Ya idah aha ndratana aha, Kindrei basehek anya ndramak kameh asahan mwasin na budon tan le bwe, iy badeh, aso-ok budon tam hawe kandriyen ta gok tam ale kudu mwasin ta madan.