Jemis 2:21 - Nyindrou

²¹ Bwena mene tubu taha Abraham atehei nadun Aisik i bwele-e mada koto-ok anya ki nyara salom ki ta Kindrei. Eme ma, udu kabatana doh badeh, Kindrei anyolom lahou tan, ma iy aloh Abraham ndramak mwasin labai ta madan.

Jemis 2:21 Referans Kwoze

Tarou ta Jon 8:39

Iri ame asehek i ta Jises, “Ahi nadu Abraham.” Ano Jises asehek ili tiri ja, “Buku aha nadu Abraham handru eh, ya aha kamekes lakou kili le buku iy ndramekes.

La-ukei ta Pol atorou ili tiri lau badu kon Rom 4:16

Eme ya, Kindrei kameh edeu lakou mene iy tandrakan i ta Abraham kameh i tare lundriyen oro le atehei budon toro handru in tan. Ya eme Kindrei kameh tikisi oro ma edeu lakou tan mari i toro laleyah le. Bala toro le are baha batanau malen, ma hawe bala toro are atehei budon toro handru i buku Abraham le, bwe. I toro ma lubuk. Tasah, iy badeh, tama taha mari.

Metiu 12:37

Ehe, sahou doh handru! Tasah, Kindrei kameh aleben aha ta sahou mene aha ndrasihidiy. Ma, na idoh Kindrei kameh aloh aha lau mwasin deh lau ndra-in, kandriyen tan ndra-in udu badan.”

Jemis 2:24

Ya idah aha ndratana aha, Kindrei basehek anya ndramak kameh asahan mwasin na budon tan le bwe, iy badeh, aso-ok budon tam hawe kandriyen ta gok tam ale kudu mwasin ta madan.

Jemis 2:18

I buku ari ndramak anya, “Lau rayah badeh, tawi ihis budon handru, arile lau rayah ja badeh, amekes kandriyen mwasin. Sebwe budon ma la-uh doh i le randra.” Jo kasehek ki buku doh, “Buku none ou atehei budon tam boto-on i ta Kindrei, arile ou tanam ta amekes kandriyen mwasin bwe, ki buku sah handru jo ki tanan kandriyen ta budon tam in ta Kindrei nane? Arile, jo anya kamekes kandriyen mwasin ale, ya kandriyen mwasin doh kameh leheyani budon tek boto-on in ta Kindrei nane.”

La-ukei ta Pol atorou ili tiri lau badu kon Rom 4:12

Iy ale badeh, tama iri lau rayah asan ku-i iri. Iri basani ku-i iri laleyah bwe, iri ale anyolom san tubu iri Abraham edek aliy. Ya iri ka le buku iy katehei budon tiri handru ki ta Kindrei i buku none mene na len basani iy bwe.

La-ukei ta Pol atorou ili tiri lau badu kon Rom 4:1

Abo, taha kasehek tubu taha Abraham ki buku sah bah? Saba tanan iy ndra aliy, ya ma iy takalahei?

La-ukei ta Pol atorou ili tiri lau badu kon Rom 3:20

Tasah, Kindrei atehei batanau tan eme tataha, ta leheya taha ta kandriyen ndra-in tataha i buku sah. Batanau tan le doh, winiyan bamani kandriyen ndra-in tataha bwe. Eme ma, ari ndramak winiyan basahan mwasin ta mada Kindrei na lahou iy amekes in hamon ta batanau malen, bwe.

Aposel 7:2

Ya, eme Stiben asumon anya, “Wurah lomada ado nadu tine, ma hawe ado tama, ado kanuhun jo! Kindrei badu bolo lomadan mene asahan hawe tubu taha Abraham na len iy mene manyah udu Mesopotemiya mwena, ano iy barala baramanyah barado Haran.

Tarou ta Jon 8:53

Budon tam kede-eh anya ou bwena labai ma ou ado bwele-en labai ta Abraham ja nadeh? Abraham ma iri propet badeh, ndramak ndra-au ndra bwena. Ya ou anya, ou are lau handru?”

Tarou ta Luk 16:30

“Eme iy anya, ‘Tama Abraham, ki buku none ari lau ndrasu-u, ya iy kamak ki loke, idoh mwasin ai. Winiyan tiye tanan i toro, ma idah kameh, oro ruwani kandriyen ndra-in toro ai.’

Tarou ta Luk 16:24

Eme iy aloh, ‘Tama Abraham, ou tikisi jo, ya ou suni Lasarus katehei andra limen ki ta gwa keme ta kalimek, ya kanyala. Tasah, jo akohok isi laba tinan labai, udu bolo jih dah!’

Tarou ta Luk 1:73

ta sahou tandrakan tan mene iy tandrakan i ta Abraham:

Metiu 3:9

Ya ado sabudon ado ma satiye ado sala buku doh: ‘Aso badeh tama aso Abraham, eme ya aso anya, aso mwasin le ai.’ Arile bwe. Jo katiye tado kamwenen: Kindrei winiyan mesekei bek dah asahan i nadu Abraham.

Hiburu 11:17

Abraham atehei budon tan mara-ei handru in le ta Kindrei, kabatana Kindrei mene none iy. Kindrei mene tiye Abraham, ta iy katehei nadun Aisik ki nyara salom, eme ma Abraham anya kedeu nadun ari le nane doh ki nyara salom kili ta Kindrei. Handru, Kindrei mene ndratandrakan iy i buku doh, “Lundriyem oro hamon kameh asahan solo-an labai, in hamon ta san ta nadum Aisik amwenen.” Jenesis 21:12 I buku iy kidi Aisik, ano iy katehei iy ki buku salom kili ta Kindrei, badeh, iy ndrasani san ta lundriyen oro ta asola ndra-au. Arile, bwe, Abraham badeh atehei budon tan abadok labai in ta Kindrei, eme ma iy anya kedeu Aisik ki nyara salom kili ta Kindrei.