Jemis 2:20 - Nyindrou

²⁰ Ou lolo-ou ndramak, buku ou atehei budon tam le in ta Kindrei, ya ou bamekes kandriyen mwasin Kindrei aso-ok ja bwe, budon tam badeh, ari moson bwe. Sebwe ou anya atanam le ta kati sahou dah nadeh? Mwasin ta ou anuhun sahou badu bolo buk ndrabun asehek i buku doh:

Jemis 2:20 Referans Kwoze

Jemis 2:26

Taha ndratanan, buku malawi taha ruwani bada taha mwan o badih, badeh basa taha le kameh erah udu api. Buku le, are mwan o badih atehei budon laleyah, ya budon tan doh bamekes ari kandriyen mwasin bwe, budon ta iy mwan o badih doh badeh, ndrasahan i buku bada kei, kohan aliy bwe.

Jemis 2:17

Kandriyen ta budon handru tataha badeh, buku le aliy ale. Buku budon taha handru baluwi budon taha ta amekes kandriyen mwasin ma aseben iri mwan ma badih rayah ja bwe, ya budon taha handru badeh, kameh ari moson bwe, i lakou laleyah. Ya, buku taha bamekes gok mwasin ta aseben ndramak ari ja bwe, budon tataha badeh, ari katin bwe.

La-ukei ta Pol atorou ili tiri lau badu kon Rom 1:21

Iri tanan Kindrei badeh, udu kede-eh, arile iri batudun ma bamasiye iy bwe, ma badeu wurah bala tan ta lakou mwasin iy amekes i tiri, bwe. Ya eme budon tiri badeh inyon; bolo iri mara-ei idih na lulik, ma iri bala tanan ndra-in ma mwasin udu heh bwe.

Galesiya 6:3

I buku none ari ndramak anya kasakau anya, iy le ai, iy le amwenen kameh wendreyani iy.

Jemis 1:26

Buku none ari mwan o badih iy anya, iy lau ta Kindrei ma iy atudun iy handru, arile iri batondrok boho iri bamwenen bwe, iri ndrawendreyani iri amwenen, ya eme ma budon hawe salom tiri doh badeh, ari moson ta aliy bwe.

Taitus 1:10

Tasah, iri lau solo-an ba-en hamon ta sahou ta Kindrei bwe. Iri asehek sahou laleyah ma wendreya iri lau. Iri lau ta wendreya doh badeh, iri lau ala ta asan ku-i iri, ya udu bolo iri doh badeh, iri Juwis solo-an.

1 Timoti 1:6

Oro rayah ndraruwani budon doh, ya oro ndra-en hamon ta sahou laleyah.

Kolosi 2:8

Ya, aha katondrok aha kamwenen. Kora-on iri lau rayah kadeu sahou laleyah, ma sahou yoyou kewek taha ta iri budon solo-an ta aha ka-en hamon ta aliy. Ma iri kameh kawendreyani aha ta sahou dah, ma aha kameh anuhun boho iri. Iri lau doh badeh, akohok tanan ta tubu iri, ma tiri malawin ndra-in ale atondrok iri lakou badu kandrah, ma kon munyak. Iri tanan sahou ta Krais bwe.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

La-ukei ta Pol atorou ili tiri lau badu kon Rom 3:28

Eme ma, taha atanan, buku mwan o badih atehei budon handru in ta Jises imek ta sikine kandriyen ndra-in tan mara-ei iu, Kindrei winiyan aloh iy mwasin mara-ei. Arile, are mwan o badih in hamon le ta batanau Kindrei mene edeu i mine Moses, Kindrei kameh winiyan basehek anya, iy mwasin mara-ei, bwe. Winiyan bwe!

La-ukei ta Pol atorou ili tiri lau badu kon Rom 9:20

Arile, ou saba ndramak handru, ya ou anya asehek sahou i buku badeh, ki ta Kindrei? Buku none ari ndramak kabonei ndren, ya iy kamekes kun ano, kun keme ja katiye i ta ndramak nane ta amekes iy anya, “Ou bamekes jo bamwenen bwe oh”? Aisaya 29:16; 45:9