Jemis 2:19 - Nyindrou

¹⁹ Buku none ou badeh, atehei budon tam anya, Kindrei badeh, ari le. Mwasin. Arile, badeh, lakou laleyah. Tasah, iri malawin ndra-in abudon buku aliy ale, ya iri anoh ma totoreh, tasah Kindrei kameh atehei iri ala ta mada sahou, ma iri kameh ala bolo jih. Ya budon tiri le nane winiyan bamesekei iri asahan mwasin ta mada Kindrei bwe.

Jemis 2:19 Referans Kwoze

Tarou ta Luk 4:34

“Ei! Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei!”

Tarou ta Mak 1:24

Eme iy aloh, “Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei.”

Metiu 8:29

Eme ya uru ndremenya Jises ma uru arah i buku doh, “Ou Nadu Kindrei, ou anya amekes sasah keme taru? Ou ame dah ta adeu sisi-in eme taru, bwena ta len amwenen ta aliy?”

Aposel 16:17

Iy doh badeh, edek in hamon ta Pol hawe aso marakon, ma iy aloh anya, “Oro lau dah ala tiye sahou ta koha ado kameh udu le buku doh, badeh, oro lohowan ta Kindrei ere bwele-e kindrei mari badu loken.”

Galesiya 3:20

Arile, na len Kindrei amekes sahou tandrakan i ta Abraham iy ba-en hamon ta kandriyen doh bwe. Kindrei le ari asehek sahou amwenen i ta Abraham, ma amekes sahou tandrakan hawen. Eme ma, sahou tandrakan doh badeh, lakou laba tinan labai ja, ma sakalawi batanau malen mari ta Moses.

Aposel 19:15

Arile, na len ari, iri amekes lahou toro badeh, ma malawin ndra-in tiye i toro anya, “Jises hawe Pol badeh, jo tanan uru ai, ya ado, are lau bah?”

Tarou ta Mak 5:7

Eme Jises tiye i tan, “Ou malawin ndra-in, ou ame len ta ndramak badeh.” Eme iy anyar bohon i tinan anya, “Jises Nadu Kindrei, ou anya amekes sasah keme tek? Jo tandrakan ta nyara Kindrei, ou samekes sisi-in same tek.”

1 Timoti 2:5

Tasah, Kindrei badeh, iy Kindrei le ari, ma hawe ndramak awas ari le udu ndrokowa Kindrei hawe taha ndramak, badeh Krais Jises le.

Tarou ta Mak 12:29

Eme Jises anya, “Lakou laba tinan handru asah idoh, ‘Aha kanuhun, aha lau badu Isra-el, Laban badeh, iy le ari, iy Kindrei tataha.

1 Korin 8:6

Kindrei tataha badeh ari le. Iy badeh, tama taha mari. Iy bwidi iri lakou marakon ma taha tan amwenen. Jises Krais le ari badeh, iy Laban tataha. Iri lakou marakon iy amekes, iy le badeh, edeu kohan eme tataha.

La-ukei ta Pol atorou ili tiri lau badu kon Rom 3:30

Tasah, Kindrei ari le doh kabwe. Iy le kameh anyolom kandriyen tiri lau asan ku-i iri, ma iy anyolom kandriyen tiri lau basan ku-i iri bwe; buku iri ma lubuk atehei le budon tiri handru in ta Jises imek ta sikine kandriyen ndra-in tiri, iy winiyan aloh iri ma lubuk mwasin mara-ei.

Tarou ta Jon 17:3

Kohan handru udu luluwen kameh udu le buku doh. Moson ta aliy i buku doh: Oro katanan ou, ou le ari Kindrei handru, ma oro katanan Jises Krais, iy nane, ou suni iy eme.

La-ukei atorou Jut 1:6

Ya ado kabudon iri angelo mene, iri bwale iri ateu gok mwasin Kindrei edeu i tiri, ya iri ndraruwani kon mwasin tiri. Eme ya Kindrei ndrasawei iri na sen ta ere le buku doh, ya iy ndratehei iri ndrala bolo kou lulik ere le buku doh, ta atondrok le len laba tinan ta sahou asahan.

Jemis 2:8

Buku aha a-en hamon ta batanau ari le mwasin nane Kindrei atehei eme tataha anya, “Ou aseken iri lau ari ari badu hawem, i le buku ou aso-ok ou le,” Lebitikus 19:18 idoh mwasin. Jo ari sahou ta aliy bwai.

1 Korin 8:4

Ya buku sah handru? Idoh mwasin ta taha winiya aimon iri nyamon ale nane iri lau adeu ili niri kindrei ta wasai, deh bwe? Taha ndratanan ndra bwena. Kindrei ale iri amekes na sukumada kei udu bolo kon munyak dah, ari koha iri bwe, sukumada kei laleyah. Kindrei solo-an bwe, Kindrei le ari kabwe.

Rebelesen 20:10

Balik badeh, ndrawendreyani iri mwan ma badih doh, eme ma Kindrei akahei iy ma buruwen ales amwenen ili bolo lek laba tinan, ta jih nyarahan labai anya udu ta bek solpa. Nyabwe munyak uru propet ta wendreya badeh, are aliy bwena; eme oro ma taloh kameh akohok sisi-in, ben, len, ben, len ta udu le buku don ai.

La-ukei atorou Jut 1:4

Lau rayah badu lulik badeh, ndratobwak ndrame bolo taha lau ta Kindrei, taha tanan iri bwe. Iri propet bwena mene atorou nyala iri lau doh kameh ales are ta mada sahou ta Kindrei ta ndra-in tiri. Iri badeh, tebelese ma tubuni tikisiy ta Kindrei i buku kandriyen ta karei. Iri ale badeh, baso-ok Jises Krais, Laban tataha ari le doh bala buku tinan tiri bwe.

Tarou ta Mak 7:9

Eme ja iy tiye i tiri, “Batu aha ndrala labai, ya eme aha baseken batanau ta Kindrei bwai, eme ma aha tawi kandriyen taha le.

Aposel 24:25

Arile, Pol asehek iri sahou nane ili le, ma iy asehek ta lau ka-en hamon tiri kandriyen mwasin, ma iri katondrok manyah tiri kamwenen, ma iri samekes kandriyen ndra-in. Ma iy asehek ta nyala len hamon, Kindrei kameh seleya manyah ta lau marakon. Peliks anuhun iri sahou doh, ma bwidi iy inoh mara-ei labai. Ma iy tiye Pol i buku doh, “Ou au ai. Buku len rasan ja, jo baraloh ou barame, ma ou barame baratou jo ja.”

Jona 4:4

Laban eme asumon sahou ta Jona anya, “Ou abolosen badeh, katin sah?”

Jona 4:9

Kindrei eme tiye ta Jona i buku doh: “Badamalou badeh asara eme bwidiy ou abolosen neh? Ou abolosen badeh, katin sah?” Jona eme asehek sahou ja, “Ehe, losen tek badeh amwenen. Jo ibolosen badeh, winiyan bwidiy jo kimek ki-iu.”