Jemis 2:17 - Nyindrou

¹⁷ Kandriyen ta budon handru tataha badeh, buku le aliy ale. Buku budon taha handru baluwi budon taha ta amekes kandriyen mwasin ma aseben iri mwan ma badih rayah ja bwe, ya budon taha handru badeh, kameh ari moson bwe, i lakou laleyah. Ya, buku taha bamekes gok mwasin ta aseben ndramak ari ja bwe, budon tataha badeh, ari katin bwe.

Jemis 2:17 Referans Kwoze

Jemis 2:26

Taha ndratanan, buku malawi taha ruwani bada taha mwan o badih, badeh basa taha le kameh erah udu api. Buku le, are mwan o badih atehei budon laleyah, ya budon tan doh bamekes ari kandriyen mwasin bwe, budon ta iy mwan o badih doh badeh, ndrasahan i buku bada kei, kohan aliy bwe.

Jemis 2:14

Aha nadu tine mwan ma badih ta Kindrei, buku ari taha anya, “Jo atehei budon tek mara-ei badeh, in le ta Jises Krais,” arile iy badeh, bamekes kandriyen mwasin ma ba-en hamon ta budon handru bwe, eme budon handru ta i ndramak doh badeh, ari moson bwe. Sebwe iri budon handru buku doh badeh, winiyan basebenei ndramak ales udu mada sahou ta Kindrei hamon kameh eme bwe.

1 Timoti 1:5

Budon laba tinan jo asehek dah badeh, ta kandriyen ta tikisiy. Kandriyen ta tikisiy badeh, kasahan kudu ndrine ndramak mwasin keme len. Kaleheya kandriyen mwasin ta bar lewen, ma hawe budon handru.

1 Korin 13:13

Kabwai, arile kandriyen ma taloh le. Kandriyen ma taloh kameh winiya bano bwe, oro kameh alih kahis le: Kandriyen ta atehei budon tataha kili ta Kindrei le ari; kandriyen ta atondrok Kindrei le ari; ma kandriyen ta aso-ok ndramak ari, ari. Kandriyen ari le udu bwele-e oro ma taloh badeh, kandriyen ta atehei ndrine taha mwasin ta aso-ok ndramak ari, ari.

1 Tesalonaika 1:3

Tasah, aso asolom, badeh, aso abudon i ta budon taha ale eme tutuni kandriyen taha nane mwasin, aha a-en hamon ta aliy, ma ta sa-ar taha, aha amekes ta a-en hamon ta kandriyen ta tikisi nadu tine aha iri rayah ja. Aha atondrok le Laban tataha Jises Krais kameh eme hamon ta akohok taha. Idoh le badeh, bwidi ndrine aha abadok ja, ta iri maha-an mari anya kasahan.

1 Korin 13:3

Ano, i buku jo katehei iri lakou tek marakon kili tiri lau ndra-in, tiri lakou bwe, ma iri lau katawi jo, ma kasulumwi jo kandrakak ki-iu ki nyara salom, arile buku jo baso-ok ma batehei ndrinek mwasin bala tiri bwe, iri kandriyen tek marakon doh kameh winiya baseben se jo bwe!

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.