Jemis 1:5 - Nyindrou

⁵ Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

Jemis 1:5 Referans Kwoze

Tarou ta Jon 15:7

“Buku aha ahis hawek ma aha tawi iri sahou tek udu ndrine aha ihis, aha winiyan ndremenya jo ta iri saba lakou aha aso-ok. Jo kameh winiyan atehei ewek taha.

Jemis 3:17

Arile, iri tanan ma lakou mara-ei mwasin taha akohok badeh, udu kandrah eme leheya taha kamekes kandriyen mwasin ki buku doh: Taha kasahan ha-un, ma taha kamekes mwasin ki ta nadu tine taha iri rayah ja, taha kanuhun sahou tiri mwan ma badih rayah ja, taha katikisiy lau rayah ja, taha kamekes mwasin ki tiri, ma taha badeh, sawasai.

Tarou ta Jon 14:13

Ma jo kameh amekes iri lakou marakon, buku aha ndremenya tama in ta nyarak. Eme ma tama kameh akohok nyaran i tinan i san ta nadun amwenen.

1 Jon 3:22

Taha winiyan akohok iri lakou ereu tan eme, buku taha ndremenya iy, tasah taha badeh, anuhun sahou batanau tan, ma amekes iri kandriyen ta amekes iy kasekesek.

Jemis 5:16

Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.

Tarou ta Jon 4:10

Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”

Jemis 1:17

Iri lakou hawe ndramas mwasin labai mari badeh, marakon badu kandrah eme andri. Ya, tama taha Kindrei badeh, mesekei lomadan marakon badu kandrah, iy le amwenen badeh, suni iri lakou marakon mwasin doh eme andri tataha. Iy badeh, mwasin labai ma iy batobolowe kandriyen tan bala bame bwe, buku ari lakou, an bwidi malawi iri asahan, an anya ya tobolowe malawi iri lakou a lawe ano a mo-on ja. Arile Kindrei badeh, batobolowe iy bala bame bwe, iy ta udu le buku doh.

Metiu 11:20

In bolo iri kon tinan ra-on mene, Jises amekes lahou tinan udu mada iri, arile iri batubuni ndrine iri bwe, eme Jises ibolosen ili tiri lau badu kon tinan nane doh.

2 Korin 2:16

Ta iri lau are san ta ili bolo jih, ta gok ahi amekes ma ta sahou ahi atiye badeh, asahan i buku manahu lakou kameh imek. Arile sahou ma gok ahi amekes ere ndrokowa iri mwan ma badih are san ta ili kandrah, asahan i buku manahu lakou kohan udu aliy kahis. Are lau handru winiyan amekes iri gok doh?

Tarou ta Mak 16:14

Ano hamon ja badeh, Jises asahan hawe oro lau tan ma ronoh ari le, ya oro badeh, manyah an andri aimon nyamon. Ya eme iy tiye sahou boto-on i toro, tasah, ta budon toro handru ba-en tan bwe, ma ndrine oro ndrabadok. Ma oro badeh, mene budon toro handru ba-en toro lau mene anyolom iy hamon ta iy amak eme loken ja bwe.