Jemis 1:4 - Nyindrou

⁴ Buku none ado atehei budon handru in ta Kindrei, ma ado a-en hamon ta sahou handru, idoh kameh winiyan sebenei ado ta ales boto-on, ta iri lakou anya kasahan tado. Eme ma, ado kameh asahan lau handru ta Kindrei, ma winiyan barah ta lakou mwasin tan bwe.

Jemis 1:4 Referans Kwoze

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

Tarou ta Luk 21:19

Arile, i buku none ado le kabadok ado, idah kameh, ado le winiyan sebenei koha ado handru.

Metiu 5:48

Ou ado le mwasin handru i le buku tamam udu kandrah udu le mwasin handru.”

2 Timoti 3:17

Na san doh, Kindrei lowosani iri lohowan tan, kamekes iri gok mwasin.

Galesiya 6:9

Eme ya, taha sawoyah ta amekes kandriyen mwasin; ya, i buku none taha baruwaniy bwe, badeh kameh, taha akohok ndramas ta aliy na len hamon. Idoh i buku ndramak ta bilin akohok sali nyamon ta lahou boto-on mene iy amekes.

Jemis 3:2

Na len ari, ari taha badeh, abudon ta amekes kandriyen ndra-in, ma taha atalei. Arile, kandriyen doh badeh, asahan tataha mari. Buku ari mwan o badih basehek rayah sahou ndra-in bwe, iy badeh, lau mwasin handru, ya iy winiyan tondrokei badan ma kandriyen tan mara-ei.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

1 Korin 2:6

Handru, ahi aposel atiye sahou ta tanan handru ili tiri lau, ale iri ndra tinan ndra-en. Arile, tanan dah ta kon munyak bwe. Ma tanan dah ale, iri lau boto-on ta atondrok kon munyak badeh, bakohok bwe. Iri boto-on nane doh nyamu iri iu laleyah.

Kolosi 4:12

Epapras edeu bada-an ewek taha. Iy badeh, badu hawe aha amwenen, ma iy lau ta lahou ta Krais Jises. Len mari iy asolom boto-on labai, ma ndremenya Kindrei ta aseben aha kabadok ta iri kandriyen ta Kindrei, ma atanan handru ta iri lakou marakon Kindrei aso-ok.

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

Metiu 10:22

Ya iri lau mari kameh baseken ado bwe, tasah ado badeh, an hamon ta sahou tek. Arile, are lau ales boto-on, ma baruwani budon tan ba-au tek bwe, winiya le len ta maha-an doh ano, Kindrei kameh andrei iy eme hamon.

2 Pita 1:9

Ya, i buku none are lau oro kandriyen doh bare toro bwe, oro badeh, i buku none ari ndramak madan bwe, ma oro ndramani Kindrei mene ndrasikinei karei ma lomondra ndra-in toro ndra-au.

Tarou ta Jon 17:23

“Jo udu hawe oro, ya ou ado hawek. Jo aso-ok oro kasahan ari buruwen, ta iri lau badu kon munyak kanyolom ma iri katanan, ta ou suni jo eme. Ma iri ale katanan ta ou aso-ok oro, i buku le ou aso-ok jo tinan labai.

Tarou ta Luk 18:22

Eme Jises anuhun ano, iy tiye i tan, “Lakou ari le kahis. Ou atehei iri lakou tam mari kili ba-en, ya luk ou akohok ta iri lakou tam nane, ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.”

Tarou ta Mak 10:21

Eme Jises anyolom iy ndramak dah, ma iy tikisi iy, ma iy anya, “Lakou ari le kahis. Ou ala atehei iri lakou tam mari kili mada ba-en, ya luk ou akohok ta iri lakou tam nane ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.”

Metiu 19:20

Eme ndramak loweu nane asehek ta Jises i buku doh, “Jo badeh, in hamon ta sahou batanau mari, ya saba lakou ja jo kamekes?”

1 Tesalonaika 5:23

Ahi aso-ok Kindrei labai. Iy badeh, kati kandriyen mwasin marakon, iy amwenen winiyan amekes aha asahan ha-un, ari kandriyen ndra-in ja bwe. Ma Kindrei winiyan atehei aha, tan amwenen. Handru, iy winiyan atondrok malawi aha, koha aha, ma bada aha, ma aha kameh are mwasin mara-ei. Eme ma ari ndra-in winiyan bare madan bwe, na len Laban tataha Jises Krais eme hamon ta akohok taha ja.