Jemis 1:3 - Nyindrou

³ Ado ndratana ado, buku iri none ndra-in solo-an doh asahan tado, badeh, kandriyen ta none ndrine ado, ta atadau aha ta ales boto-on ta budon, ma a-en hamon ta sahou handru ta Kindrei.

Jemis 1:3 Referans Kwoze

Hiburu 10:36

Aha sawoyah ta atondrok. Buku aha amekes i buku doh, aha kameh winiyan bwidi iri gok Kindrei aso-ok. Ano ma aha kameh akohok iri saba lakou iy ndratandrakan ta edeu ewek taha.

Kolosi 1:11

Ma aru ale badeh, asolom buku doh: Ahi aso-ok Kindrei badeh, kedeu boto-on kewek taha na le boto-on tan mwasin. Eme ma, aha kameh winiyan ales boto-on ta bwese iri maha-an marakon, ma ndrine aha kameh winiyan udu le udu. Ma aha kameh sekesek,

1 Pita 1:7

Iri maha-an doh badeh, ta none iri budon taha le. Idoh i buku none le bek nyikilikin iri aloh gol; gol doh badeh, lakou ari mwasin labai. Arile, iri asun na jih ta none gol handru deh, bwe. Ma iri budon tataha badeh, sakalawi gol nane ja. Tasah, gol kameh andra-i. Handru, budon tataha badeh, buku none gol nane, arile Kindrei badeh, baso-ok gol nane bwe. Tasah, gol badeh, lakou badu kon munyak, ma gol kameh andra-i. Arile, Kindrei aso-ok budon taha boto-on ki-in tan. Eme ma, iy ndraruwani minen sese ta la-u taha, ma iri maha-an solo-an ndrasahan taha. Idoh, ta none aha le, buku aha an hamon ta Krais deh bwe. Na len Jises eme hamon, iri lau mari badu kon munyak kameh anyolom iy. Ma, i buku none aha ndratehei budon taha boto-on in tan, iy kameh kuhi aha ala bolo nyosowan mwasin. Ma iy kameh sekesek taha handru, ma bwese-ei nyara aha ili loken handru.

La-ukei ta Pol atorou ili tiri lau badu kon Rom 8:28

Taha tanan, Kindrei amekes lakou mari mwasin ma ndra-in kameh, asahan mwasin i tare lau aseken iy; oro are lau mene iy aloh oro ame bolo lahou tan.

2 Korin 4:17

Iy i buku doh: Iri maha-an marakon badeh, abo gok ta sokoso-ou ahi, iri ta len ranah le, ma tinan handru bwe. Arile, lakou doh lokowani ahi ta akohok manyah mwasin udu kandrah. Ma manyah udu kandrah doh kameh udu bwele-en labai tiri maha-an marakon doh nane asahan tahi.

La-ukei ta Pol atorou ili tiri lau badu kon Rom 15:4

Tasah, sahou mene ndratorowenei ndra-au ndra-au udu bolo tarou ta Kindrei badeh, ta leheya taha kado le, ma ta amekes taha kabadok ta abe-en lakou mwasin udu bwena tataha eme.

2 Pita 1:6

Ma hawe i bwele-e ado takaleh ma akohok tanan mwasin ta Kindrei badeh, ado kanone boto-on ta atondrok budon tado kudu mwasin; ma hawe i bwele-e ado atondrok budon tado kudu mwasin badeh, ado kanone boto-on tado ta saruwani mine ado, arile ado kales kado le ta bolo maha-an. Ya, i bwele-e kandriyen ta ado le tado badeh, kanone boto-on tado ta amekes bolo manyah tado i buku lau handru ta Kindrei.

La-ukei ta Pol atorou ili tiri lau badu kon Rom 8:25

Arile, taha tanan, i buku none taha anyolom bohon ili bwena ta lakou taha bandrei bwe le badeh, taha ado le abe-en ta aliy.

Hiburu 12:1

Iri lau mwan hawe iri badih bwena mene awudi taha are le alih i buku asi kandrah, eme iri leheya taha ta kandriyen ta budon tataha kili ta Kindrei. Eme ma taha kamani iri lakou ale tawi taha winiyan basakaliye boto-on bwe, ma taha karuwani iri kandriyen ndra-in marakon ale tawi taha ihis. Eme ma, taha kamekes ndrine taha kabadok ta sakaliye ta akohok lakou mwasin doh, Kindrei ndraleheyani taha sakaliye ta aliy.

2 Tesalonaika 3:5

Aso badeh, aso-ok Laban ki-in bwena taha kaleheya budon mwasin kewek taha, ma aha winiyan atanan Kindrei, iy aso-ok aha labai, ma Krais winiyan aseben aha ta ales boto-on, ma ta bwese maha-an, buku iy mene amekes udu ndra kon munyak.

2 Tesalonaika 1:4

Ta idoh le, aso badeh, atudun nyara aha udu ndrokowa iri mwan ma badih ta Kindrei. Ma aso asehek sahou i buku doh: “Na len iri lau amekes kandriyen ndra-in ili tiri lau badu Tesalonaika, ma len ta maha-an asahan tiri, iri badeh, ales boto-on, ma tawiy ihis budon tiri, ma bwese iri maha-an ma isi.”

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

Tarou ta Luk 21:19

Arile, i buku none ado le kabadok ado, idah kameh, ado le winiyan sebenei koha ado handru.

Hiburu 6:12

Ahi baso-ok aha asahan gwaman bwe, arile ahi aso-ok aha ka buku le iri lau atehei budon tiri in tan, ma atondrok iy. Iy are lau iy amekes i buku doh, iy kameh akohok lakou Kindrei ndratandrakan ta aliy.