Jemis 1:26 - Nyindrou

²⁶ Buku none ari mwan o badih iy anya, iy lau ta Kindrei ma iy atudun iy handru, arile iri batondrok boho iri bamwenen bwe, iri ndrawendreyani iri amwenen, ya eme ma budon hawe salom tiri doh badeh, ari moson ta aliy bwe.

Jemis 1:26 Referans Kwoze

Epesus 4:29

Aha samukuni boho aha ta asehek iri sahou luhe. Sahou mwasin le kameh winiyan aseben iri mwan ma badih badeh, asahan mwasin. Iri sahou mwasin doh winiyan ta atadau iri mwan ma badih anya kataku, ma ta adeu seben ta Kindrei ili tiri mwan ma badih nane anuhun sahou taha.

1 Pita 3:10

Taha ndratana taha, buk ndrabun asehek i buku doh, “Are lau aso-ok kohan mwasin hamon, hawe manyah tan kudu mwasin, iy badeh, saluhe hawe iy sawasai, ndri-iy labai.

Epesus 5:4

Ma aha ale samekes sahou ndra-in, ma sahou konen bwe, ma sahou nyorei ndra-in. Idoh bamwenen bwe. Ndri-iy labai! Kindrei ndraruwi aha ndrame len ta kandriyen ndra-in, eme ma aha kadeu wurah kili tan, ta iy talawei aha are mine iri kandriyen doh.

Kolosi 4:6

Len marakon badeh, aha kasehek le sahou mwasin ta winiyan aseben iri mwan ma badih, i buku ndras udu bolo nyamon aseben nyiminye nyamon. Eme ma, buku iri anya kandremenya aha, aha kameh winiyan asehek sahou mwasin amwenen ili tiri.

Jemis 1:22

Jo asehek sahou boto-on ewek taha badeh, i buku doh: Kora-on aha anuhun sahou doh laleyah. Aha badeh, ka-en hamon ta aliy ale. Buku bwe eh, badeh, aha ndrawendreyani aha le ai.

Jemis 1:19

Ya aha badeh, kabudon kamwenen! Aha nadu tine mwan ma badih tek handru, aha katehei ndranye aha suwi ta anuhun sahou. Arile, aha sabobo-ap ta amekes sahou. Ma ndrine aha ale satowodau ta losen suwi.

Tarou ta Luk 8:18

Eme ya, ou lomondra kamwenen ta sahou ou anuhun ma an hamon ta aliy. Ndramak tanan tan mwasin udu aliy, iy kameh akohok tanan mwasin labai ja i la-un. Ya eme, are lau anya iy tan tanan sese udu aliy, idah kameh, tanan sese le doh kameh kuhiy mari iu.”

Galesiya 6:3

I buku none ari ndramak anya kasakau anya, iy le ai, iy le amwenen kameh wendreyani iy.

Galesiya 2:6

Arile, oro tinan tiri lau ta Kindrei badu Jerusalem badeh, bamekes bala buku iri lau ta wasai doh bwe. Taha anya, oro tinan tiri lau ta Kindrei doh badeh, are bwele-en sese tiri lau rayah ja, arile Kindrei ja badeh, baso-ok oro lau tinan nane doh bwe. Iy ja badeh, banyolom oro ta lakou badu manan bwe. Eme ma, lakou laleyah ta budon tek, iri tinan deh bwe. Oro badeh, badeu sahou toro amwenen bala hawe sahou mwasin nane aso asehek ewek taha bwe,

Tarou ta Mak 7:7

Iri asehek sahou batanau ta lau le, arile iri anya, “Idah sahou ta Kindrei.” Idoh ya iri asolom laleyah eme tek.’ ” Aisaya 29:13

1 Korin 15:2

Sahou mwasin ta Kindrei le doh badeh, akohok aha ame hamon, buku aha a-en hamon handru ta sahou, jo mene ndrasehek taha. Arile, buku aha bala tanan saba lakou aha atehei budon taha in tan bwe, ma aha atehei budon taha laleyah, eme ma sahou mwasin doh baseben aha bwe.

Metiu 15:9

Iri asehek sahou batanau ta lau le, arile iri anya, “Idah sahou ta Kindrei.” Idoh ya iri asolom laleyah eme tek.’ ” Aisaya 29:13

1 Korin 15:15

Anya i buku aliy eh, ahi ndrasahan buku iri lau ta asehek sahou wendreya ta iri lakou ale Kindrei amekes. Tasah, ahi ndrasihidi sahou mari ndrame lewan tiri lau, i buku Kindrei mene mete-ei Krais imek udu bolo lek tan amak eme awas ja. Arile, buku idoh i handru, ta Kindrei winiyan bamak lau mene ndramak bwena bwe, iy badeh, ale bamete-ei Krais bwe.

Jemis 2:20

Ou lolo-ou ndramak, buku ou atehei budon tam le in ta Kindrei, ya ou bamekes kandriyen mwasin Kindrei aso-ok ja bwe, budon tam badeh, ari moson bwe. Sebwe ou anya atanam le ta kati sahou dah nadeh? Mwasin ta ou anuhun sahou badu bolo buk ndrabun asehek i buku doh:

Galesiya 3:4

Sebwe iri maha-an aha ndruniy udu bolo tekedek taha bwena mene, moson bwe nadeh? Bwe! Iri lakou doh moson udu aliy.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

1 Korin 3:18

Kora-on ari ndramak kawendreyani iy le amwenen. Buku ari mwan o badih udu bolo aha, iy in hamon ta kandriyen ta munyak dah, eme ma iy atehei budon tan i buku doh, “Tanan tek tinan labai, ma jo ere bwele-en labai tiri lau ta Kindrei rayah ja.” Mwasin ta iy katehei konan kili ta tanan badu munyak op, ma iy kameh winiyan asahan ndramak ta tanan ta kandriyen handru ta Kindrei.