Jemis 1:22 - Nyindrou

²² Jo asehek sahou boto-on ewek taha badeh, i buku doh: Kora-on aha anuhun sahou doh laleyah. Aha badeh, ka-en hamon ta aliy ale. Buku bwe eh, badeh, aha ndrawendreyani aha le ai.

Jemis 1:22 Referans Kwoze

La-ukei ta Pol atorou ili tiri lau badu kon Rom 2:13

Tasah, are lau ndranyen anuhun le batanau malen kameh iy winiyan basahan mwasin ta mada Kindrei bwe. Arile, are lau le in hamon ta batanau malen, Kindrei kameh aloh iy mwasin labai ta madan.

Tarou ta Jon 13:17

Idah ado ndratanan iri lakou marakon nane doh, ya Kindrei winiyan nyosowani ado i buku ado amekes iri lakou marakon doh.

Jemis 4:17

Aha kabudon kamwenen, buku aha ndratanan ta kandriyen mwasin aha anya kamekes, arile aha bamekes bwe, badeh, aha ndrabwidi kandriyen ndra-in kabwe.

1 Jon 2:3

Taha tanan lakou dah: Buku taha a-en hamon tiri batanau tan, taha ndrame ndratanan iy ai.

Tarou ta Luk 11:28

Arile, Jises tiye ja i buku doh, “Sekesek badeh, ki toro are lau anuhun sahou ta Kindrei, ma an hamon ta aliy.”

Metiu 12:50

Tasah, are lau ale in hamon ta so-ok ta tama in kon tan udu kandrah, iri badeh, nadu tine mwan ma badih handru, ma tine handru.”

Kolosi 3:17

Lakou marakon aha amekes ma asehek badeh, aha kamekes ki-in bwele-e nyara Laban Jises, ma aha kadeu wurah kili tan, ma ta tama taha Kindrei.

Rebelesen 22:7

Jises anya, “Aha kanuhun! Se nawin bwe kameh, jo asahan hawe aha. Buku are mwan o badih, iy in hamon handru ta sahou propet ta Kindrei udu bolo buk dah, badeh, nyosowan ta Kindrei udu la-un ma iy winiyan sekesek handru!”

1 Jon 3:7

Wurah lomada aha naduk, mada aha kaleu tiri lau sawendreyani aha. Are ndramak, iy amekes kandriyen mwasin, iy badeh, mwasin mara-ei ta mada Kindrei, buku Krais badeh, kandriyen tan mwasin, ma iy ale mwasin mara-ei en.

Jemis 1:26

Buku none ari mwan o badih iy anya, iy lau ta Kindrei ma iy atudun iy handru, arile iri batondrok boho iri bamwenen bwe, iri ndrawendreyani iri amwenen, ya eme ma budon hawe salom tiri doh badeh, ari moson ta aliy bwe.

Galesiya 6:7

Aha sawasai aha le; ma aha sabudon anya, aha winiyan wahei Kindrei, ndri-iy labai. Tasah, ndramak ari ari kameh, bwese maha-an tan amwenen in hamon ta lakou iy amekes. Idoh handru, tasah taha tanan, saba nyamon taha atah kameh, taha akohok sali nyamon doh amwenen.

3 Jon 1:11

Kawas tek mwasin, wurah lomadam. Ou sa-en hamon ta kandriyen ndra-in nane iy amekes, ou a-en le hamon ta kandriyen mwasin. Are lau amekes kandriyen mwasin, iy badeh, ta Kindrei handru. Arile, are lau amekes kandriyen ndra-in, iy badeh, tanan Kindrei bwe.

Galesiya 6:3

I buku none ari ndramak anya kasakau anya, iy le ai, iy le amwenen kameh wendreyani iy.

1 Korin 6:9

Aha tanan bwe nadeh? Iri lau ale ta amekes iri kandriyen ndra-in doh, iri kameh winiya bala bolo tondrok ta Kindrei bwe. Aha sawendreya ndrine aha amwenen. Iri lau marakon ale amekes kandriyen ndra-in ta karei, iri lau ale asolom ili ta sukumada kei, iri lau ale amekes karei hawe iri badih tasou, iri lau ale ta amekes iri kandriyen ta bwilima udu aliy hawe iri lau rayah ja,

Metiu 28:20

Ma ado kaleheya iri ta lakou mari jo ndratiye tado. Ya jo kameh in hawe ado na len mari, winiya le munyak dah ano.”

1 Jon 1:8

Buku taha anya, “Jo bamekes ari kandriyen ndra-in bwe,” taha badeh, ndrawendreyani ndrine taha le amwenen, ya sahou handru ta Kindrei badeh, ba-en ndrine taha bwe.

Pilipai 4:8

Eme ya ado nadu tine badu hawek ta budon handru. Ta sendrehendreh ta aliy, iri lakou doh ado katawiy kihis: Iri lakou ndra handru le, kandriyen mwasin ta amekes iri lau kasekesek, ma kaseben bolo manyah tiri in hamon ta sahou randra le, ma hawe lakou mwasin kameh iri lau asehek ta aliy. Iri lakou doh badeh, ado kabudon ta aliy solo-an.

1 Korin 15:33

Aha sanuhun iri lau rayah awek wendreya aha. Aha ndratanan iri sahou dah: “Buku taha ka-en hamon hawe iri lau ndra-in, idah kameh iri adi kandriyen tataha mwasin iu.”

Rebelesen 12:9

Eme ma oro angelo ta Kindrei akahei iy mwak laba tinan banin ere aliy hawe oro angelo tan, ame andri kon munyak. Iy mwak laba tinan banin ere aliy doh badeh, ndra bwena labai, ma nyaran badeh, “Balik” o “Satan” Ma iy ndramak ta wendreya iri lau mwan ma badih mara-ei badu kon munyak. Oro akahei iy hawe oro angelo tan ame andri kon munyak.

2 Pita 2:13

Idah kameh, iri bwese maha-an hawe isi ta aliy, i saluwe kandriyen ndra-in iri amekes i bada iri lau. Tasah, iri abudon lakou doh ta nyorei le ta amekes bada iri sekesek na ben ma hawe na len badeh, ndra mwasin le. Eme ya, ta kandriyen ndra-in doh badeh, iri amekes bwilima i tado ma iri amekes nyara ado andra-i. Ma iri ndrala labai ta amekes kandriyen ndra-in ta amekes bada iri kasekesek na len iri aimon nyamon hawe ado. Ma udu ndra bolo len ta nyamon le kameh, iri amekes sahou nyaman nyaman ta asan bale ado, anya kandriyen doh mwasin le ta mada Kindrei.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

1 Korin 3:18

Kora-on ari ndramak kawendreyani iy le amwenen. Buku ari mwan o badih udu bolo aha, iy in hamon ta kandriyen ta munyak dah, eme ma iy atehei budon tan i buku doh, “Tanan tek tinan labai, ma jo ere bwele-en labai tiri lau ta Kindrei rayah ja.” Mwasin ta iy katehei konan kili ta tanan badu munyak op, ma iy kameh winiyan asahan ndramak ta tanan ta kandriyen handru ta Kindrei.

2 Timoti 3:13

Ma iri lau ndra-in ale kameh amekes kandriyen ndra-in mara-ei ja. Eme ma iri lau ta wasai kameh wendreya iri lau. Balik ale kameh wendreya iri lau ta wasai doh, ma kandriyen tiri kameh asahan ndra-in mara-ei ja.

Jemis 4:11

Aha nadu tine mwan ma badih ta Kindrei, aha badeh, saluhe iri lau ta Kindrei. Are mwan o badih, iy aluhe o asehek nadu tinen iri rayah ja, iy badeh, aluhe batanau amwenen. I buku aha orou sahou i ta batanau, ou badeh, bado bahandra batanau ja bwe, tasah ou ndrasahan buku ndramak ta anuhun sahou, ma ou asehek i bada batanau amwenen.