Jemis 1:17 - Nyindrou

¹⁷ Iri lakou hawe ndramas mwasin labai mari badeh, marakon badu kandrah eme andri. Ya, tama taha Kindrei badeh, mesekei lomadan marakon badu kandrah, iy le amwenen badeh, suni iri lakou marakon mwasin doh eme andri tataha. Iy badeh, mwasin labai ma iy batobolowe kandriyen tan bala bame bwe, buku ari lakou, an bwidi malawi iri asahan, an anya ya tobolowe malawi iri lakou a lawe ano a mo-on ja. Arile Kindrei badeh, batobolowe iy bala bame bwe, iy ta udu le buku doh.

Jemis 1:17 Referans Kwoze

Tarou ta Jon 3:27

Jon anuhun, eme iy asehek i toro, “Ndramak winiyan ateu lahou, buku Kindrei badu kandrah amwenen edeu.

Metiu 7:11

Ya, i buku none ou tanam ou ndra-in, arile ou tanam ta adeu lakou mwasin ili ta nadum oro; ou winiyan atanam handru, tama ado udu kandrah kameh sekesek labai ta edeu lakou mwasin ale ili toro are lau ndremenya iy!

Hiburu 13:8

Kandriyen ta Jises Krais badeh, bala randrah bwe, iy i buku le bwena mene, iy i buku le na dah, ma iy ta udu le buku doh.

Tarou ta Jon 8:12

Ano Jises asehek sahou ili tiri lau ja. Iy asehek ili tiri i buku doh, “Jo badeh, sun ta kon munyak. Are lau iy in hamon tek, iy winiyan ba-en lulik bwe. Iy kameh akohok tan sun kohan udu aliy, kameh edeu kohan udu le buku doh.”

1 Jon 1:5

Aso ndranuhun nadu Kindrei Jises Krais asehek sahou dah, ya aso asehek nyala aha i buku doh: Kindrei badeh, iy lomadan labai, lulik winiyan basahan tan o badan bwe.

Jemis 3:17

Arile, iri tanan ma lakou mara-ei mwasin taha akohok badeh, udu kandrah eme leheya taha kamekes kandriyen mwasin ki buku doh: Taha kasahan ha-un, ma taha kamekes mwasin ki ta nadu tine taha iri rayah ja, taha kanuhun sahou tiri mwan ma badih rayah ja, taha katikisiy lau rayah ja, taha kamekes mwasin ki tiri, ma taha badeh, sawasai.

Epesus 2:8

Lakou doh, aha amwenen mene bamekes bwe. Kindrei edeu laleyah ewek taha. Aha mene atehei le budon handru in ta Krais, ma na so-ok ta Kindrei le amwenen, iy andrei aha ame hamon ja.

Tarou ta Luk 11:13

Ya, ou tanam ou ndra-in, arile ou tanam ta adeu lakou mwasin ili na nadum oro, ou winiyan atanam handru, tama ado udu kandrah kameh sekesek labai ta edeu Malawin Ndrabun ale ili toro are lau ndremenya iy!”

1 Korin 4:7

I buku sah handru? Are lau handru atehei aha asahan kabin? Iri lakou marakon ere taha kede-eh, Kindrei le ari edeu. Neh? I buku Kindrei edeu lakou mwasin labai ewek taha laleyah, ya buku sah ja, aha atudun nyara aha amwenen, anya, aha le amekes iri lakou nane doh?

1 Jon 4:10

Kati kandriyen ta aso-ok ndramak ari ja i buku doh: Taha baso-ok Kindrei bwena bwe, arile iy aso-ok taha badeh, bwena labai, ma iy atehei nadun eme buku san ta sikine kandriyen ndra-in tataha iu.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.

Tarou ta Jon 1:9

Iy le ari doh badeh, iy Sun handru, iy eme bolo kon munyak, ta edeu lomadan ili tiri lau marakon.

Rebelesen 21:23

Udu bolo kon tinan nane doh, an ma bun badeh, banya bwe, tasah lomada Kindrei le ari anya ili bwele-en. Ya, Nadu Sipsip badeh, anya i nyara sun ta aliy.

2 Korin 4:6

Ehe, ahi atiye sahou ta Jises. Tasah, bwena mene Kindrei bwidi munyak dah anya, “Sun kanya bolo lulik.” Jenesis 1:3 Kindrei amwenen doh irek labai ta sun, ma iy akohok ahi ame hamon ja. Jises Krais, iy le sun doh udu ndrine ahi. Eme ma sun doh aseben ahi leheya iri mwan ma badih, Kindrei i buku sah handru.

Jenesis 41:16

Eme Josep tiye, “Jo le, jo winiyan bwe, arile Kindrei le winiyan tiye moson i tam.”

Rebelesen 22:5

Ben kameh winiyan basahan ja bwai, ma iri kameh winiyan batelem sun ta lomada iri o lomada an anya na len ja bwai, tasah Laban Kindrei le ari kameh asahan sun ta lomada iri, ma iri kameh asahan kabin ta atondrok lakou marakon hawe Kindrei ta ere le buku don ai.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

La-ukei ta Pol atorou ili tiri lau badu kon Rom 6:23

Tasah, sihine karei ma lomondra ndra-in badeh, imek le. Arile, Kindrei edeu ndramas laleyah i ta lau badeh, kohan ta udu le buku doh i san ta Laban Jises Krais le.

Jemis 3:15

Iri budon hawe tanan doh badeh, bado kandrah bame andri bwe. Iri lakou doh badeh, badu kon munyak le amwenen. Iri asahan ta ndrine taha ndra-in bwena, ma balik in bwena ta aliy.

Pilipai 1:29

Eme ya Kindrei edeu budon ma la-uh doh ewek tado: Ado kales ta budon randrah le hawe Krais, ma hawe ado kales boto-on ta bwese isi ta lahou ta Krais.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 5:31

Kindrei eme tutuni iy ere loken udu loboho limen salin, ma iy asahan kabin ma ndramak ta seben. Ma iy badeh, leheya madasan ta ado winiyan tubuni ndrine ado, ma iy winiyan sikine karei ma lomondra ndra-in tiri Isra-el.

Tarou ta Jon 3:3

Jises eme asumon bohon anya, “Jo tiye tam handru. Ari ndramak winiyan batou tondrok ta Kindrei bwe. Buku kato-ou iy san rasan ja, san ari le doh badeh, iy kameh winiyan anyolom tondrok ta Kindrei.”

1 Timoti 6:16

Ya iy le ari badeh, ta udu le buku doh, ma iy badeh, manyah udu lomadan labai, winiya ari lau winiyan bala mirihik tan bwe. Udu ndra bwena, eme taku dah, ari lau banyolom iy bwe, ma ari ndramak winiyan batou iy bwe le. Eme ya masiye ma tudun ki tan hawe boto-on ki tan, tasah iy badeh, winiyan ta ano bwe, ma iy badeh, ta udu le buku doh. Handru!”