Jemis 1:15 - Nyindrou

¹⁵ Ya nadah, jo anya kasehek sahou sokek ari i buku doh: Kandriyen ta ndrine taha towodau badeh, i buku badih atehei nah udu ndrinen eme len. Nyara badih doh badeh, “Kandriyen ta ndrine ndramak towodau.” Ya, nyara nah doh badeh, “Kandriyen ndra-in.” Na len kandriyen ndra-in asahan i tinan, iy badeh, leheya kandriyen ndra-in asahan, iri aloh imek.

Jemis 1:15 Referans Kwoze

Jenesis 2:17

Arile kei ala ta leheya tanan ndra-in ma ta leheya tanan mwasin badeh ou saimon buwan ndri-i labai. I buku na len ou aniy kameh, ou kameh amak.”

Jenesis 3:6

Eme i badih dah anyolom kei dah ma buwan badeh mwasin labai ta aimon, eme iy lomondra, “Mwasin handru en i buku jo kasahan badih ta tanan.” Eme iy andrei rayah ma iy aimon ai. Ano badeh iy andrei rayah i mine udun ma udun aimon ale.

Metiu 26:14

Ano ya iy ari ereu ndrokowa oro ronoh la-uh nyaran Judas Iskariyot, iy ili atou oro tinan tiri pris.

Metiu 5:28

Arile, jo katiye kewek tam, ki buku none ari ndramak kanyolom boto-on kili bada ari badih ta amekes budon ndra-in ta karei kili tan, iy ndramak doh ndramesekei karei hawe iy badih doh ndrado ndrinen kabwe.

Jemis 1:14

Arile, ndrine taha mari ari ari badeh, atadau ma ariu taha. So-ok tataha ndra-in amwenen nane doh badeh, indrek taha ma wendreya taha ta amekes kandriyen ma lomondra ndra-in.

Jemis 1:18

Na budon tan le amwenen, iy bwidi taha asahan nadun na sahou tan handru, ma iy asahan tama taha. Handru, iy atehei sahou tan eme tataha, eme ma taha atehei budon tataha mara-ei in le tan. Iy amekes i buku doh, ta taha kare bwele-e lakou marakon iy ndramesekei.