Jemis 1:14 - Nyindrou

¹⁴ Arile, ndrine taha mari ari ari badeh, atadau ma ariu taha. So-ok tataha ndra-in amwenen nane doh badeh, indrek taha ma wendreya taha ta amekes kandriyen ma lomondra ndra-in.

Jemis 1:14 Referans Kwoze

Epesus 4:22

Sahou ta Krais dah badeh, i buku doh: Bwena mene, aha a-en hamon ta so-ok ta bada aha le amwenen. Iy aso-ok labai, iri kandriyen ta wasai, ma madalakis laleyah, ma hawe kandriyen doh badeh, bokoro-ei iy le. Eme ma, aha karuwi kandriyen malen doh udu ndrine aha keme len.

Metiu 15:18

Arile, saba lakou bohon asehek badeh, asahan ta budon ta ndramak, ya lakou doh mesekei ndramak andra-i.

Hiburu 3:13

Na len dah Kindrei aloh “Na dah” kahis le. Iy isan len eme tataha ta anuhun sahou tan. Eme ma ta len marakon, taha kadeu sahou mwasin kili ta nadu tine taha mwan ma badih, ta amekes budon tiri kabadok. Tasah, kora-on taha ari ka-en hamon ta kandriyen ndra-in ta wasai, ma tebelese hawe Kindrei.

La-ukei ta Pol atorou ili tiri lau badu kon Rom 7:13

Handru, batanau malen badeh, mwasin labai. Arile, buku sah ja? Lakou mwasin doh bwidi jo imek deh? Bwe, bala buku badeh, bwe! Arile, idoh badeh, asahan na seken ta kandriyen ndra-in badu bolo oda taha mesekei taha tebelese sahou badu bolo batanau malen ma bwidi taha amak. Kindrei le alelei kandriyen ndra-in amekes gok doh, tasah iy aseken kandriyen ndra-in doh keme lewan, ma iri lau katanan buku kandriyen ta karei ma lomondra ndra-in badeh, ndra-in labai.

Metiu 5:28

Arile, jo katiye kewek tam, ki buku none ari ndramak kanyolom boto-on kili bada ari badih ta amekes budon ndra-in ta karei kili tan, iy ndramak doh ndramesekei karei hawe iy badih doh ndrado ndrinen kabwe.

La-ukei ta Pol atorou ili tiri lau badu kon Rom 7:11

Tasah, kandriyen ta karei ma lomondra ndra-in badeh, silahei san tan eme mesekei jo amekes kandriyen ndra-in; eme ya i san le ta batanau malen badeh, karei ma lomondra ndra-in wasai jo ma idi jo imek.

Metiu 15:20

Iri kandriyen mari doh mesekei ndramak andra-i adeh. Arile buku none ndramak aimon nyamon bwena ya iy basikine minen bwe, kandriyen doh bamesekei iy bandra-i bwe.”

Jenesis 6:5

Eme ya len Kindrei anyolom iri lau mari are bolo munyak badeh kandriyen tiri badeh ndrandra-i labai, ma budon tiri badeh ndra karei ma lomondra ndra-in na len mari.

Jenesis 8:21

Eme mahu bubure salom dah mwesekei Laban sekesek handru eme ma iy tiye udu ndrinen i buku doh, “Jo kameh winiya badeu maha bame ta munyak ja bwe ai, tasah tiri lau amwekes lakou; jo tanan na len iy ma loweu le badeh budon tan ma ndra-in le. Eme ya jo kameh winiyan badai iri lau mari ja bwe ai, i buku jo mene amwekes dah ja bwe ai.”

Jenesis 3:6

Eme i badih dah anyolom kei dah ma buwan badeh mwasin labai ta aimon, eme iy lomondra, “Mwasin handru en i buku jo kasahan badih ta tanan.” Eme iy andrei rayah ma iy aimon ai. Ano badeh iy andrei rayah i mine udun ma udun aimon ale.

Metiu 4:1

Ano Malawin Ndrabun andrei Jises iu ili kon lomale an ta balik kanone iy.

Jemis 1:13

Ya, aha kanuhun! Buku lakou kanone kasore ndrine ari mwan o badih ta ariu iri ala ta amekes kandriyen ndra-in, iri sasehek anya, “Kindrei badeh, anya kanone jo ta amekes kandriyen ndra-in doh.” Arile bwe, idoh badeh, sahou wendreya. Kandriyen ndra-in badeh, winiyan baruwi Kindrei bwe, ma Kindrei badeh, winiya banone ta ariu ari mwan o badih ta amekes kandriyen ndra-in bwe.

Jemis 1:15

Ya nadah, jo anya kasehek sahou sokek ari i buku doh: Kandriyen ta ndrine taha towodau badeh, i buku badih atehei nah udu ndrinen eme len. Nyara badih doh badeh, “Kandriyen ta ndrine ndramak towodau.” Ya, nyara nah doh badeh, “Kandriyen ndra-in.” Na len kandriyen ndra-in asahan i tinan, iy badeh, leheya kandriyen ndra-in asahan, iri aloh imek.