Jemis 1:12 - Nyindrou

¹² Kindrei kameh winiyan nyosowani ou are lau, buku ou ales boto-on handru ta bwese iri maha-an. Ma iy kameh edeu kohan handru i ndramas i tiri ta udu le buku doh. Kindrei badeh, ndratandrakan ndrala tare lau nane atehei budon tiri mara-ei in tan ma aseken iy labai.

Jemis 1:12 Referans Kwoze

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

Rebelesen 2:10

Hamon kameh, aha akohok sisi-in ma bwese maha-an, arile aha sanoh ta aliy. Aha kanuhun! Balik kameh atehei iri mwan ma badih rayah badu bolo aha ala bolo kou, ta none budon taha. Ma aha kameh akohok sisi-in ma bwese maha-an ili winiya le len ma ronoh. Arile, aha saruwani budon taha handru udu tek. Aha katawiy kihis budon taha handru kili, winiya le len iri adai ou amak. Ma idah kameh jo edeu taha kohan handru ta udu le buku doh, i nyara ndramas taha.

Jemis 5:11

Taha badeh, asehek i buku doh, “Iri lau badeh, atehei ndrine iri ta bwese iri maha-an, iri sekesek ma ado mwasin. Tasah, iri badeh, banoh ta a-en hamon ma batebelese sahou ta Laban bwe. Iri a-en le hamon ta sahou tan handru.” Aha mara-ei badeh, ndranuhun ma ndratanan kundruh ta Jop. Iy ale atehei ndrinen, ma bwese iri maha-an marakon asahan tan. Ma aha tanan, udu hamon badeh, Laban amekes mwasin i tan ja. Laban badeh, irek ta tikisiy eme ma, iy badai taha mwan ma badih badu kon munyak bwe.

La-ukei ta Pol atorou ili tiri lau badu kon Rom 8:28

Taha tanan, Kindrei amekes lakou mari mwasin ma ndra-in kameh, asahan mwasin i tare lau aseken iy; oro are lau mene iy aloh oro ame bolo lahou tan.

Metiu 10:22

Ya iri lau mari kameh baseken ado bwe, tasah ado badeh, an hamon ta sahou tek. Arile, are lau ales boto-on, ma baruwani budon tan ba-au tek bwe, winiya le len ta maha-an doh ano, Kindrei kameh andrei iy eme hamon.

1 Korin 9:25

Iri mwan ma badih marakon anya kasahan bwena ta iri nyorei, iri badeh atehei iri au ala andri mara-ei in hamon ta so-ok ta bada iri amwenen. Iri amekes i buku doh ta akohok ndramas ta winiya bare luluwen bwe. Arile, ndramas tataha lau ta Kindrei badeh bwe. Taha badeh, kasakaliye boto-on ta akohok ndramas ta ere le buku doh, winiya bandra-i bwe.

1 Pita 3:14

Arile, buku none aha akohok maha-an ma sisi-in ta kandriyen mwasin aha amekes, mwasin, aha kasekesek le kado. “Aha sanoh ta ari ndramak, ma aha sabudon sandra-i ndri-iy labai.” Aisaya 8:12

2 Timoti 4:8

Ya, ndramas ari udu aliy abe-en jo. Ndramas doh i buku barak ari ta kandriyen mwasin labai jo ndramekes ta bolo nyorei. Laban badeh, anuhun sahou ta lau amwenen labai, ma udu ta len ta sahou, iy kameh edeu barak doh eme tek, ma i tare lau ja nane atehei budon tiri in ta anyolom iy eme hamon ja.

Jemis 2:5

Aha nadu tine mwan ma badih, aha kanuhun. Kindrei badeh, ndralebelei iri lau, tiri lakou bwe badu kon munyak badeh, ta iri kameh are mwasin labai ta budon handru in ta Kindrei. I buku le Kindrei bwena mene ndratandrakan i buku doh, iri mwan ma badih doh atehei budon tiri in tan handru ma aseken iy labai, iy kameh bwidi iri asahan lau tan, ma iy atondrok iri.

1 Pita 5:4

Buku none aha amekes kandriyen doh bolo len mari, ya ndramak tinan handru ta atondrok sipsip asahan, aha kameh akohok ndramasi aha mwasin labai, i buku none le iri lau abo nyorei ta sakaliye, akohok ndramasi iri, buku none iri sakalawi iri lau mari, ma ano bwena. Ndramasi iri lau ta sakaliye doh kameh andra-i, ma amai iu, arile ndramasi aha doh badeh, winiyan bandra-i bwe-en.

1 Korin 2:9

Arile idah amwenen ta buk ndrabun ta Kindrei asehek, “Lakou mada taha banyolom bwe, ma ndranye taha banuhun bwe, ma basahan ta budon ta lau bwe le, iri lakou mwasin le badeh, Kindrei ndralokowaniy, tiri lau le aso-ok iy handru.” Aisaya 64:4

Rebelesen 3:21

Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri lau doh, jo kameh tiye iri kame hawek ma katondrok iri lakou marakon hawek, i buku tama aso-ok jo kamanyah kudu hawen ta atondrok lakou marakon.

1 Pita 4:13

Arile, aha kasekesek, tasah aha bwese iri maha-an buku none le Krais mene bwese. Ya, buku none iy eme hamon, ma nyaran i tinan, ma lomadan asahan eme lewan, aha kameh sekesek labai.

1 Korin 8:3

Arile Kindrei le ari tanan labai, are lau aso-ok iy handru.

Rebelesen 3:19

Jo ibolosen i tiri lau, ma asehek nyala kandriyen iri amekes, tasah jo badeh, aso-ok iri labai. Eme ma, aha katubuni ndrine aha, ma katehei budon taha kirih ta a-en hamon ta Kindrei.

Hiburu 10:32

Aha kabudon kili hamon ta len bwena mene ja, len mwena mene aha ndrakohok sun ta Kindrei, ma aha ndratanan, idoh sahou mwasin ta Krais. Na bolo len doh, iri lau ta ato-ou kaliu i ta Kindrei badeh, adeu maha-an solo-an i ta budon taha, ma aha bwese sisi-in solo-an. Arile aha ales boto-on.

Hiburu 6:15

Abraham tondrokei udu le, ano iy andrei iri lakou nane Kindrei tandrakan ta edeu ili tan.

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.

Hiburu 11:17

Abraham atehei budon tan mara-ei handru in le ta Kindrei, kabatana Kindrei mene none iy. Kindrei mene tiye Abraham, ta iy katehei nadun Aisik ki nyara salom, eme ma Abraham anya kedeu nadun ari le nane doh ki nyara salom kili ta Kindrei. Handru, Kindrei mene ndratandrakan iy i buku doh, “Lundriyem oro hamon kameh asahan solo-an labai, in hamon ta san ta nadum Aisik amwenen.” Jenesis 21:12 I buku iy kidi Aisik, ano iy katehei iy ki buku salom kili ta Kindrei, badeh, iy ndrasani san ta lundriyen oro ta asola ndra-au. Arile, bwe, Abraham badeh atehei budon tan abadok labai in ta Kindrei, eme ma iy anya kedeu Aisik ki nyara salom kili ta Kindrei.

1 Jon 4:19

Taha aso-ok ndramak ari ja, tasah Kindrei ndraso-ok taha bwena labai.

Hiburu 12:5

Buku sah? Sebwe aha ndramani sahou udu bolo buk ndrabun asehek, Kindrei badeh, aloh taha nadun amwenen: “Naduk, buku Laban amekes ari kandriyen ewek tam ta leheya ou, ou sabudon anya, idoh lakou ndra-in. Buku iy edeu maha-an ewek tam ta amekes ou amwenen, ya ndrinem sandra-i sala ta iri maha-an doh.

Jenesis 22:1

Udu hamon ta aliy badeh Kindrei none Abraham. Eme iy tiye i tan, “Abraham!” Eme Abraham anya eh, “Jo kada-ah.”

Tarou ta Luk 6:22

Ou are lau, iri lau amekes budon ndra-in i tam, ya iri bwale iri ou, hawe iri aluhe, ma hawe iri kaloh ou anya malawin ndra-in udu la-um badeh, ou sekesek, tasah ou badeh, an hamon ta Nadu Ndramak Awas!

La-ukei ta Pol atorou ili tiri lau badu kon Rom 5:4

Buku ndrine taha abadok udu le buku doh, idah kameh kandriyen tataha mwasin winiyan sebenei taha, buku iri none anya kasahan. Ya, buku kandriyen tataha mwasin sebenei taha ala bolo iri none don eh, badeh, taha atondrok le Kindrei eme ta aseben taha.

2 Timoti 2:15

Ou abo gok boto-on handru ta asahan lohowan mwasin ta mada Kindrei, eme ma iy winiyan aso-ok gok tam. Buku ou asahan lohowan mwasin, bwilin winiyan bama ta gok tan bwe, tasah Kindrei anyolom ou, ma ou atiye sahou tan amwenen handru.

1 Pita 4:14

Aha kasekesek buku none iri lau asehek sahou ma aluhe aha. Tasah, aha badeh, an hamon ta Krais. Ma moson ta aliy i buku doh: Malawin Ndrabun ta Kindrei badeh, nyaran tinan, ya iy boto-on labai, ma iy ereu la-u aha handru.