Jemis 1:11 - Nyindrou

¹¹ Ya, taha tanan, an anya eme loken badeh, nyarahan labai, ma sulumwi bwidiu asara mara-ei. Buwa bwidiu mari badeh, iroh ili andri, ma kone iri iu mara-ei. Idoh i buku le, iri mwan ma badih tiri lakou solo-an labai, iri kameh amak, udu ndra bada gok solo-an solo-an nane iri amekes.

Jemis 1:11 Referans Kwoze

Tarou ta Mak 4:6

Arile, an anya eme loken nyarahan boto-on labai, ma sulumwi wit nane, tasah kandron bala bolo munyak alih bwe, eme ma iy ame-er mara-ei ma imek.

Metiu 13:6

Arile, an eme loken ma iy anya boto-on, iy sulumwi wit nane, tasah kandron bala bolo munyak handru bwe, eme ma iy ame-er mara-ei ma imek ai.

1 Pita 5:4

Buku none aha amekes kandriyen doh bolo len mari, ya ndramak tinan handru ta atondrok sipsip asahan, aha kameh akohok ndramasi aha mwasin labai, i buku none le iri lau abo nyorei ta sakaliye, akohok ndramasi iri, buku none iri sakalawi iri lau mari, ma ano bwena. Ndramasi iri lau ta sakaliye doh kameh andra-i, ma amai iu, arile ndramasi aha doh badeh, winiyan bandra-i bwe-en.

1 Pita 1:4

Eme ma taha atondrok Kindrei ta akohok taha ta ala kandrah hawen, ma akohok manyah mwasin handru. Manyah nane doh badeh, bala buku lakou badu kon munyak kameh abola o andra-i iu laleyah, bwe. Iy kameh udu kandrah, ta udu le buku don ai.

1 Korin 7:31

Ya iri lau mwan ma badih ale amekes gok ta lakou badu kon munyak, budon tiri badeh, kasahan buku iri mwan ma badih batawi lakou badu kon munyak dah bwe. Tasah, taha ndratanan, kon munyak mara-ei kameh iu.

Metiu 6:30

Idah Kindrei edeu nyasou ma awin ili tiri bwidiu badu lokei, iri bwidiu ado na len dah, ano na len bi-i akeh iri au ala bolo jih ta asun iu. I buku sah, sebwe Kindrei winiyan badeu kolau ma awin bawek tado bwe nadeh? Budon tado handru tinan bwe?

Metiu 20:12

‘Oro lau ame hamon oro babo gok luwen bwe, arile ou adeu sihine oro i buku le aso akohok. Arile aso abo gok boto-on handru na mandraben eme isos dah, ya an sulumwi aso andra-i labai.’