Jemis 1:1 - Nyindrou

¹ Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Jemis 1:1 Referans Kwoze

1 Pita 1:1

Jo Pita, jo aposel ta Jises Krais, jo atorou la-ukei dah ewek taha lau mwan hawe badih handru ta Kindrei. Aha ndraseker i buku iri lau ta ateheh areu bolo kon munyak tinan tiri Pontus, Galesiya, Kapadosiya, Esiya, ma hawe Bitiniya.

Tarou ta Jon 7:35

Iri Juwis rayah asehek amunum le ili tiri ari ari i buku doh, “Iy ndramak kede-eh anya iy kameh ili kon rakon doh, kameh taha winiyan basilahei iy bwe. Iy kameh ilih saba kon handru? Kora-on iy ki-iu kili bolo kon tinan tiri Grik, iri lau tataha rayah ado aliy? Kora-on iy kili kaleheya iri nadeh?

Aposel 8:1

Na len doh Sol badeh, udu aliy anyolom ale ma iy tiye iri ta kadai Stiben kimek. Eme na le bolo len doh badeh, iri lau mwan ma badih nane manyah ado bolo kon tinan Jerusalem amekes ndra-in labai, ili tiri lau nane atehei budon tiri handru in ta Jises, eme ma iri akohok sisi-in laba tinan labai. Eme ma iri atobwak au ala loboho kon munyak tinan Judiya hawe Samariya. Arile, oro aposel le badeh, batobwak bwai.

Aposel 26:7

Iri boho kamen tahi ma ronoh la-uh atondrok ta akohok tandrakan badeh, asahan. Iri atudun Kindrei na len ma ben mari, ma iri atehei budon tiri mara-ei handru ta iy winiyan mete-ei iri lau ndramak ame loken ame awas ja. O, kabin tek, jo ale atehei budon tek mara-ei in ta atondrok lakou doh. Ta kati sahou le doh, bwidi iri Juwis orowei sahou eme tek.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Taitus 1:1

La-ukei dah badeh, jo Pol atorou. Jo badeh, Kindrei le tiye jo asahan lohowan tan, ma tiye jo asahan aposel tan ta atiye sahou badu boho Jises Krais. Kindrei amekes doh badeh, ta jo kaleheya oro lau tan badeh, katehei budon toro handru ki-in hamon ta budon handru. Ma hawe jo kaleheya oro kaleu handru ta tanan ta Kindrei. Ya eme na tanan handru ta Kindrei doh badeh, winiyan leheya oro ta manyah mwasin i buku seken ta Kindrei.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

Aposel 15:13

Sahou turu ano le badeh, Jemis asehek sahou anya, “Ado nadu tine kanuhun jo.

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

Aposel 21:18

Na len ari ja badeh, Pol hawe aso mari ala anyolom Jemis; ma oro lau ta Jises rayah tinan are aliy ale.

Tarou ta Jon 12:26

Are lau iy anya kamekes gok tek, iy badeh, ki-in le hamon tek, eme ma kon heh jo udu aliy, iy kameh udu hawek ale. Buku are lau iy amekes lahou tek, tama kameh atehei lomadan tinan ili tan.”

Metiu 19:28

Jises asehek i toro i buku doh, “Jo asehek handru ewek tado, na len lakou mari asahan ha-un, ya Nadu Ndramak Awas kameh akohok nyaran i tinan, ma iy kameh manyah udu koyeu ta kabin, koyeu doh tan amwenen. Na len doh ado lau ale an hamon tek, ado ale kameh manyah ado koyeu ma ronoh la-uh mwasin, ma ado kameh anuhun sahou toro boho kamen ma ronoh la-uh badu Isra-el.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Galesiya 2:12

Na len Jemis basuni oro lau rayah bala hawe Pita bwe le badeh, Pita aimon nyamon hawe iri lau badu leheleh. Arile udu, oro lau ta Jemis asahan ale, iy inoh ma iy ruwani ta aimon nyamon hawe oro lau badu leheleh. Eme iy baimon nyamon hawe oro ja bwe. Tasah, iy inoh oro Juwis doh, tiye tiri lau badu leheleh kasan ku-i iri bwena.

Galesiya 1:19

Jo badeh, batou oro aposel marakon bwe. Jo badeh, atou le Pita hawe Jemis, nadu tine Laban tataha Jises.

Aposel 15:21

Tasah, ndra bwena labai eme taku len dah, iri atiye sahou ta Moses mene torowenei udu bolo buk tan, ma udu bolo kon mari iri kandriyen malen ta batanau doh, ndrabwena labai udu aliy, ma udu bolo len mari ta tukum badeh, iri asehek ma aloh udu bolo asiu ta atukum tiri Juwis mara-ei. Eme ma iri tanan, buku iri lakou mara-ei doh, ndrabun handru.”

Aposel 1:13

Eme oro asos badeh, oro ala loken a bolo asiu mene oro areu aliy. Oro lau areu aliy badeh, Pita, Jon, Jemis hawe Enduru, Pilip, Tomas, Batolomiu, Metiu, Jemis nadu Alpeyus, Saimon Selot ma hawe Judas nadu Jemis.

Metiu 13:55

Taha tana taha, iy ndramak dah nadu ndramak ari ta atah asiu. Ya tinen Mariya, ma Jemis hawe Josep ma Saimon hawe Judas oro, nadu tinen.

Aposel 12:17

Eme Pita atehei minen i loken amunum le ma iy tiye i toro kandru-uk, ma iy asehek i toro ta nyala Laban kuhi iy udu bolo kou eme len. Ano iy anya, “Ado badeh, kasehek nyala Jemis ma hawe oro nadu tine to oro rayah ja ta aliy. Ano ma iy ruwani oro, ya iy iu ili kon rakon ja.”

Rebelesen 7:4

Angelo ari nane asehek sahou ano, eme ma iri atalan ma adeu kalem ili tiri mwan ma badih. Ano jo anuhun iri aloh kane iri mwan ma badih, iri sabe handru akohok kalem ta Kindrei. Iri atehei kalem ili tiri 144,000 mwan ma badih, badu bolo iri lau mara-ei badu Isra-el.

Aposel 2:5

Ya udu Jerusalem badeh, iri Juwis ta atudun Kindrei badu kon mari manyah ado aliy.

Tarou ta Luk 22:30

Eme ya ado kameh aimon nyamon, ma a-un gwa ado bolo tondrok tek, ma ado kameh manyah ado koyeu hawek anuhun sahou toro boho kamen ma ronoh la-uh badu Isra-el.

Metiu 10:3

Ano Pilip uru Batolomiu, ma Tomas, hawe Metiu, iy lau ta akohok luk ta takis, ma hawe Jemis nadu Alpeyus, ma Tadeyus.

2 Timoti 4:21

Eme ma, jo aso-ok ou asilah san suwi ta ame. Kora-on len ta ur ma jor laba tinan kasahan. Yubulus, Pudens, Linus, Klodiya, ma iri lau ta Kindrei are kada-ah badeh, anya bada-an tiri mwasin ewek tam.

Aposel 23:26

“Peliks, jo Klodiyas Lisiyas, jo atorou la-ukei ramen dah ewek tam. Ou ndramak tinan labai, ou atondrok kon mara-ei udu loboho badeh. Bada-an tam mwasin ai.

Tarou ta Luk 6:15

ano Metiu, ano Tomas, ano Jemis nadu Alpeyus, ano Saimon aloh Selot,