Hiburu 9:3 - Nyindrou

³ Bolon udu alih hamon ta kolau tinan nane doh iri aloh ndrok ndrabun ndrabun labai ta mada Kindrei.

Hiburu 9:3 Referans Kwoze

Metiu 27:51

Kala doh amwenen kolau tinan badu bolo asiu tinan ta Kindrei atarah i ma lusi ereu loken eme andri. Munyak totoreh ma iri bek asak, i ma lusi.

Hiburu 9:8

Ta kandriyen doh, eme ma Malawin Ndrabun leheya taha i buku doh: Buku asiu balei bwena mene ales kahis, ma amekes gok udu aliy kahis le, san nane ta ala mada Kindrei ta ala bolo asiu ndrabun handru doh badeh, basak bwe le.

Hiburu 6:19

Taha ndratanan, iri lakou nane taha atondrok doh, handru, i buku le hanai ta koha taha. Hanai o sahou tandrakan ta ateu taha ahis hawe Kindrei, i buku le bwena mene tinan tiri pris le ili kona kolau laba tinan, iri talahaniy udu bolo asiu tinan ta Kindrei, iu ili alih handru bolo asiu ndrok ndrabun ndrabun labai ta mada Kindrei.

Hiburu 9:7

Arile, tinan tiri pris le winiyan ili bolo asiu ndrok ndrabun ndrabun labai nane doh. Buku iy babwese ndraye bulumakau o sipsip bwe, iy winiyan bala bolo asiu ndrabun doh bwe. Iy ili bolon san rasan le ta bolo jaha ari, ma ndra udu minen ta salom tan amwenen, ma ta salom tiri lau nane amekes kandriyen ndra-in, arile iri bala tanan ta idoh kandriyen ndra-in bwe.