Hiburu 9:12 - Nyindrou

¹² Iy ili bolon alih nane ndrabun ndrabun labai en, iy bakohok ndraye ari me ma bulumakau ta adeu salom i ta Kindrei, bwe. Iy amekes salom badeh, san rasan le, iy atehei kohan ma ndrayen amwenen ili ta Kindrei. Kohan ma ndrayen doh winiyan bano bwe, eme ma, iy winiyan sebenei taha ta udu le buku doh.

Hiburu 9:12 Referans Kwoze

Hiburu 10:4

Tasah, ndraye bulumakau hawe ndraye me winiyan basikine iri kandriyen ndra-in ba-au bwe.

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

Epesus 1:7

Ya, Krais bwidi kandriyen mwasin labai ndrame tataha. Iy imek ta konohei taha ame hamon, ma ndrayen amou ta sikine kandriyen ndra-in tataha marakon.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Hiburu 10:19

Ado nadu tine, ndraye Jises le badeh, ndrasikinei iri kandriyen ndra-in tataha ndrano ndra-au, eme ma taha sanoh ta ala bolo asiu ndrok ndrabun, ndrabun labai ta Kindrei.

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.

Hiburu 7:27

Len ari buku ari, gok tiri pris rayah ta adi iri lakou buku bulumakau i ta salom. Ma bwena badeh, iri amekes salom ta ruwani kandriyen ndra-in tiri amwenen iu. Ano ja, iri amekes salom ta ruwani kandriyen ndra-in tiri lau mwan ma iri badih marakon. Arile Jises bamekes bala buku iri amekes doh bwe. Iy amekes salom badeh, san rasan le, iy atehei kohan le amwenen ili ta Kindrei.

Hiburu 9:13

Ndraye iri me ma bulumakau mwan, ma hawe koloweh ta nadu bulumakau badih nane iri ndrasulumwiy ndrandrakak, iri ame toboroya koloweh hawe ndra doh ili bwele-e iri lau nane basikine ndraka-an tiri ba-au bwe. Iri amekes i buku doh ta bada iri le kameh asahan ndrabun, ma ari ndraka-an bwe.

Hiburu 1:3

Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

1 Tesalonaika 1:10

Eme ma, iri atondrok Nadu Kindrei udu kandrah kameh eme akohok iri ame hamon ja.” Nadun doh mene imek, arile taman Kindrei mete-ei iy amak eme awas ja. Iy ndramak nane doh, Jises, iy le kameh talou taha ame len ta losen ta Kindrei kameh asahan tiri lau marakon nane amekes kandriyen ndra-in.

Kolosi 1:14

Na gok nadun amekes, tama taha Kindrei ndrakonohei taha ndrame hamon, ma iy ndrasikinei kandriyen ndra-in tataha ndra-au.

Aposel 20:28

Ado badeh, katondrok ado kamwenen, ma hawe katondrok lau ta Kindrei mene Malawin Ndrabun atehei iri ado baha tondrok tado. Ado badeh, a buku lau ta atondrok sipsip, ado katondrok iri lau ta budon handru ta Kindrei, ala iy mene konohei iri na ndraye nadun amwenen.

Tarou ta Mak 3:29

Arile, are lau aluhe i bada nyara Malawin Ndrabun, Kindrei kameh winiyan bamani kandriyen ndra-in tan doh bwe, tasah maha-an tan winiyan bano bwe.”

Rebelesen 5:9

Iri ame ayah wari ari ha-un i buku doh: “Ou mwasin handru ta andrei buk doh, ma sudi tobwe marakon nane iu. Tasah, iri mene adai ou amak, ma na ndrayem amwenen, ou ndrakonohei iri mwan ma badih ndrame hamon, ta Kindrei. Ya, ou badeh, ndrakonohei iri mwan ma badih ndrame hamon ja. Iri lau doh badu boho kamen mari, ma boho kon rakon rakon badu kon munyak mari, ma iri lau bada iri randrah, randrah, ma badu kon munyak tinan mara-ei. Eme ma, nadah badeh, iri mara-ei ta Kindrei le ari kabwe.

Taitus 2:14

Iy le badeh, atehei iy imek i saluwe taha ta akunoh taha ta lakou ndra-in taha amekes, ma sikinei taha amwenen mara-ei, ma mesekei taha asahan lau tan handru, ma mesekei taha anya kamekes kandriyen mwasin le.

Hiburu 9:7

Arile, tinan tiri pris le winiyan ili bolo asiu ndrok ndrabun ndrabun labai nane doh. Buku iy babwese ndraye bulumakau o sipsip bwe, iy winiyan bala bolo asiu ndrabun doh bwe. Iy ili bolon san rasan le ta bolo jaha ari, ma ndra udu minen ta salom tan amwenen, ma ta salom tiri lau nane amekes kandriyen ndra-in, arile iri bala tanan ta idoh kandriyen ndra-in bwe.

Tarou ta Luk 1:68

“Taha katudun Laban Kindrei ta Isra-el! Tasah, iy ndrame ta akunoh iri lau tan.

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.

Hiburu 9:19

Moses asehek iri sahou batanau, ma kandriyen malen ili tiri lau, ano iy andrei ndraye nadu bulumakau ma me, hawe gwa, ma lami sipsip saraman bawei i bada andra kei ari iri aloh hisop. Iy eme tahiy ili bolo ndra, ano iy toboroya ili bwele-e buk ndrabun ta kandriyen malen, ma ili bwele-e iri lau.

Hiburu 13:12

Jises ale akohok sisi-in tinan labai udu manan loboho madasan ta kon tinan, bado bolo kon amwenen bwe. Iy amekes i buku doh, ta amekes iri lau marakon asahan ndrabun, ma ndrayen amou ta akunoh taha ame hamon ja.