Hiburu 8:8 - Nyindrou

⁸ Arile Kindrei ndrasilahei ndra-in tiri lau tan amwenen, eme ma iy asehek: “Jo Laban asehek, len eme kameh, jo amekes sahou randra le ha-un hawe iri lau badu Isra-el ma iri Juda.

Hiburu 8:8 Referans Kwoze

Hiburu 12:24

Eme aha ndrasilahei Jises ale, iy le ari adeh amekes sahou randra le ha-un ta Kindrei hawe taha. Eme ma ndrayen le bwidi sahou randra le abadok. Ndrayen doh udu bwele-en labai ja ta ndraye Ebol, tasah ndraye Ebol leheya i buku doh: Ndramak ari kameh kakonohei ndra-in doh. Arile, ndraye Jises bwe. Ndrayen amou ta akunoh iri kandriyen ndra-in tataha mari iu.

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

2 Korin 3:6

Kindrei amwenen mene bwidi ahi winiyan, ma ahi bwidi gok tan ta sahou randra le ha-un nane doh. Sahou randra le ha-un nane doh, bala buku batanau ta Moses bwena mene bwe. Idoh lakou ha-un ja Malawin Ndrabun badeh, amekes asahan. Batanau malen ta Moses badeh, leheya taha kameh amak le. Iy nyamun ta edeu kohan buku lakou Malawin Ndrabun amekes asahan eme tataha bwe.

1 Korin 11:25

Oro aimon nyamon ano, iy eme kuhi bwiniu, eme iy amekes sahou i buku le bwena nane i buku doh, “Bwiniu waen dah, kalem ta sahou randra le ha-un ja, ta ndrayek amwenen. Len marakon aha atukum ta a-un waen dah, badeh, aha abudon jo.”

Tarou ta Luk 22:20

Ano i le buku aliy, nyamon ano badeh, iy kuhi bwiniu waen, ma iy anya, “Bwiniu waen dah, kalem ta sahou randra le ha-un ja, ta ndrayek amou ewek ta aseben ado mari.]

Tarou ta Mak 14:24

Eme Jises tiye i toro ja, “Idah ndrayek ta sahou randra le, ma idah kameh amou ta lau mari.

Tarou ta Luk 17:22

Ano Jises tiye i toro lau tan anya, “Na len eme, ado kameh aseken labai ta atou ari len ta Nadu Ndramak Awas, arile ado kameh winiyan batou bwe.

Metiu 26:28

Tasah, idah ndrayek ta sahou randra le, ndrayek amou ta sikine lau mari ta kandriyen ndra-in tiri.

Hiburu 7:22

Tasah ta idoh, taha winiyan atanan, sahou randra le Jises ndratawiy ndrahis, idoh mwasin labai. Iy udu bwele-en ja ta sahou randra le ta Moses bwena mene. Tasah, Jises amwenen kameh atondrok sahou randra le ha-un nane doh.

Hiburu 8:6

Arile idah, Jises ndrateu gok i buku pris udu bwele-en labai tiri rayah ja. Tasah, iy ndrala buku ndramak ta ere le alih ta sahou randra le ha-un, nane Kindrei amekes hawe iri lau. Sahou randra le ha-un ja doh ere bwele-en labai ja ta sahou randra le bwena mene Kindrei edeu i ta Moses. Tasah, iri lakou mwasin asahan ta sahou tandrakan ha-un badeh, udu bwele-en labai ja tiri lakou mene asahan ta sahou tandrakan malen.

Hiburu 8:13

Kindrei tiye ta sahou randra le “ha-un.” Eme ma, ta sahou doh, iy bwidi sahou randra le ari mene, eme ndra malen. Ma lakou asahan malen ma amu-uk, kameh udu sese, ano ma iu mara-ei.

Tarou ta Luk 5:38

Arile, waen ha-un badeh, ki bolo ku-i me ale ma bweseken kahis le.”