Hiburu 8:2 - Nyindrou

² Iy amekes gok i buku tinan tiri pris udu bolo asiu ndrok ta Kindrei udu kandrah, asiu handru ta Kindrei. Asiu doh, iri lau batutuniy bwe, Laban le ari tutuniy.

Hiburu 8:2 Referans Kwoze

2 Korin 5:1

Ehe, taha atehei budon tataha ta lakou udu bolo kandrah. Tasah, taha ndratanan anya: Hamon, buku bada taha nane kada-ah kameh imek ma andra-i, Kindrei anya kedeu ari ja keme tataha. Idoh badeh, basahan ta kandriyen ta mwan ma badih tasou a-en hamon ta aliy bwe. Kindrei le amwenen kameh amekes udu bolo kandrah kodo-oh, ma iy kameh ta udu le buku don ai.

La-ukei ta Pol atorou ili tiri lau badu kon Rom 15:8

Ya eme jo kasehek taha ta Krais mene eme asahan lohowan tiri Juwis. Iy amekes lahou doh ta leheya Kindrei badeh, tiye sahou handru ta tandrakan tan mene iy amekes i ta tubu iri mene ndra-au.

Hiburu 11:10

Abraham amekes i buku doh, tasah iy atondrok kon tinan labai nane doh, Kindrei le abudon, ma iy ndratahiy na iri lakou boto-on labai, ma winiyan bandra-i bwe.

Hiburu 10:21

Tinan labai tiri pris tataha udu aliy ta atondrok asiu ta Kindrei.

Kolosi 2:11

I buku doh: Aha ndrahis hawe Krais ma ta kandriyen ta Krais, taha ndraruwani kandriyen ta ndrine taha malen. San ta ruwani kandriyen ta ndrine taha malen dah, i buku kandriyen ta asan ku-i iri nah mwan, buku iri Isra-el amekes. Arile, idoh lakou ta bada taha bwe. Lakou doh Krais bwidiy udu ndrine aha.

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Hiburu 9:1

Sahou randra le ma bwena mene badeh, iri kandriyen ta atudun nyaran udu aliy, eme ma iri bwidi ndrahune lau ta atudun nyaran, na mine iri amwenen.

Hiburu 10:11

Iri pris amekes gok tiri len marakon, iri tawi kandriyen ta asun lakou i buku salom badeh, kahis. Arile iri salom doh winiyan basikine iri kandriyen ndra-in tataha ba-au bwe.

Rebelesen 21:3

Jo ale anuhun boho ndramak ari udu bada koyeu ta Kindrei asehek sahou boto-on labai i buku doh, “Nadah, ndrahu manyah ta Kindrei udu hawe lau mwan ma badih! Iy kameh manyah udu hawe iri, ma iri kameh asahan lau tan. Kindrei le amwenen kameh udu hawe iri, ma iy kameh asahan Kindrei tiri.