Hiburu 7:6 - Nyindrou

⁶ Melkisedek badeh, badu boho kamen ta Libai iri bwe. Arile iy ndrakohok lakou rayah ta Abraham. Eme Melkisedek nyosowani Abraham, iy ndramak nane tandrakan ta Kindrei udu bwele-en.

Hiburu 7:6 Referans Kwoze

La-ukei ta Pol atorou ili tiri lau badu kon Rom 4:13

Kindrei tandrakan Abraham ta kon munyak mari kameh i tan, ma i ta lundriyen oro. Arile Kindrei tandrakan Abraham oro badeh, bala san ta oro a-en hamon ta batanau malen, bwe. Iy tandrakan oro kameh akohok munyak mari, tasah Abraham atehei budon tan mara-ei in tan, eme ma Kindrei aloh iy ndramak mwasin mara-ei ta madan.

Hiburu 11:17

Abraham atehei budon tan mara-ei handru in le ta Kindrei, kabatana Kindrei mene none iy. Kindrei mene tiye Abraham, ta iy katehei nadun Aisik ki nyara salom, eme ma Abraham anya kedeu nadun ari le nane doh ki nyara salom kili ta Kindrei. Handru, Kindrei mene ndratandrakan iy i buku doh, “Lundriyem oro hamon kameh asahan solo-an labai, in hamon ta san ta nadum Aisik amwenen.” Jenesis 21:12 I buku iy kidi Aisik, ano iy katehei iy ki buku salom kili ta Kindrei, badeh, iy ndrasani san ta lundriyen oro ta asola ndra-au. Arile, bwe, Abraham badeh atehei budon tan abadok labai in ta Kindrei, eme ma iy anya kedeu Aisik ki nyara salom kili ta Kindrei.

Hiburu 7:1

Melkisedek doh iy kabin badu Salem, ma iy ale badeh, pris ta Kindrei in loken labai. Abraham idi oro kabin rayah, eme ma bahun ano, iy eme edek anya keme hamon keme kon, Melkisedek edek eme ndruni iy in san, eme ma iy nyosowani Abraham.

Galesiya 3:16

Eme ma, udu bolo buk ndrabun, Kindrei amekes i buku le aliy. Iy amekes iri tandrakan i ta Abraham hawe lundriyen oro. Sahou ta Kindrei batiye anya “toro lundriyem solo-an,” bwe. Badeh tiye, “i ta lundriyem ari” le. Jenesis 12:7; 13:15; 24:7 Ya iy doh badeh, Krais.

La-ukei ta Pol atorou ili tiri lau badu kon Rom 9:4

Iri badeh, lau tan amwenen, lau badu Isra-el. Iri mene batehei budon tiri ba-en tan bwe, arile iy mene mesekei iri asahan nadun ta nyo-ou, ma edeu lomadan ma boto-on tan mwasin i tiri. Iy mene amekes sahou randra le ma hawe edeu batanau malen, ma hawe leheya san ta asalom ma atudun handru udu bolo asiu tinan tan. Iy amekes iri lakou mwasin doh i tiri hawe edeu tandrakan i tiri.

Aposel 3:25

Ya eme aha dah, badeh, lundriye iri propet ta sahou randra le mene Kindrei amekes hawe tubu aha Abraham i buku doh: ‘Na lundriyem oro le kameh, jo kameh edeu nyosowan i la-u iri lau mari badu munyak.’ Jenesis 22:18; 26:4

Jenesis 12:2

Jo kameh edeu lundriyem oro asahan solo-an ma i dah kameh oro asahan kon rakon buruwen. Ya i dah kameh, jo nyosowani ou ma nyaram kameh lau mari i tanan ma nyosowan kameh i tiri lau.

Hiburu 11:13

Iri lau marakon nane atehei budon tiri in ta Kindrei winiya le len iri amak. Iri mene are ndra kon munyak, arile iri bandrei saba lakou nane Kindrei tandrakan ta edeu i tiri bwe. Iri sekesek labai ili tiri lakou nane udu ndra len, eme iri asehek sahou randra le i buku doh, “Ahi badu dah bwe, ahi badu kon leheleh labai, ahi ame kon munyak dah ta manyah le.”

Jenesis 12:13

Ou kameh tiye tiri, ou badeh nadu tine, tasah na ou kameh iri kameh badai jo bwe, ma iri kameh tondrokei jo kameh udu mwasin.”

Hiburu 7:7

Taha ndratanan ndramwenen, i buku ndramak boto-on ta edeu nyosowan ili ta ndramak ari ja, iy doh iy kabin. Ndramak nane akohok nyosowan, iy doh udu bahandran ja.