Hiburu 7:26 - Nyindrou

²⁶ Jises doh, iy tinan tiri pris. Iy le ari winiyan sebenei taha. Iy ndrabun labai; iy ari budon ndra-in bwe; ma iy ndra nyikilikin labai ta mada Kindrei. Eme Kindrei atehei iy udu len labai ja tiri lau ta amekes iri kandriyen ndra-in. Ma iy andrei iy iu ili loken ili kandrah, ma atehei nyaran ndra tinan labai.

Hiburu 7:26 Referans Kwoze

2 Korin 5:21

Iy Krais doh, iy tanan ta amekes kandriyen ndra-in bwe, arile Kindrei ndratukumwi kandriyen ndra-in tataha marakon ndrala le bwele-en, ma iy asahan i buku ari ndramak ndra-in handru. Iy amekes i buku doh, ta taha winiyan are hawe Krais, ma na le boto-on tan amwenen, taha winiyan asahan iri mwan ma badih mwasin ta mada Kindrei.

1 Jon 2:2

Ya, Krais le badeh, i nyara salom ta sikine ma mani kandriyen ndra-in tataha mari iu. Iy amekes lahou doh badeh, ta aseben taha le bwe, iy amekes ta aseben lau mara-ei badu kon munyak.

Hiburu 8:1

Eme ta kati sahou nane dah, taha ndrasehek i buku doh: Tinan tiri pris tataha udu aliy, eme iy ndrala ndramanyah udu loboho limen salin ta koyeu ta kabin badu kandrah.

1 Pita 2:22

“Iy bamekes ari kandriyen ndra-in hawe ari sahou wasai basahan bohon, bwe.” Aisaya 53:9

1 Jon 3:5

Aha ndratanan, Krais eme kon munyak dah badeh, ta sikine kandriyen ma lomondra ndra-in tataha marakon iu. Ya, Jises ndrasikine taha, arile iy badeh, ari kandriyen ndra-in bwe.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.

Hiburu 1:3

Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

Tarou ta Luk 23:47

Eme ndramak ari tinan ta bahun anyolom lakou nane doh asahan badeh, iy atudun nyara Kindrei ma anya, “Handru labai, ndramak kede-eh, mwasin labai ta mada Kindrei.”

Tarou ta Luk 23:41

Talu bwese maha-an dah, amwenen ai, ta lakou talu amekes, arile iy badeh, bamekes se ari lakou bandra-i bwe.”

1 Pita 3:22

Ya idah Krais ndrala loken ndrala bolo kandrah, iy ere loboho lim salin ta Kindrei. Ma Kindrei ndratehei nyaran ndra tinan, ma atehei boto-on i tan, ta iy atondrok iri angelo hawe iri lakou boto-on handru badu kandrah ma munyak. Iri lakou mari ja badeh, ereu bahandran ale.

1 Pita 1:19

Kindrei badeh, konohei taha na ndraye Jises Krais amwenen, ya ndrayen doh, luk winiyan bakonohei na aliy bwe. Krais badeh, buku none ari sipsip, iy ari lakou ndraka-an badan bwe-en.

Hiburu 7:11

Mwena mene iri lau mwan ma badih badu Isra-el akohok kandriyen malen ta Moses. Kandriyen malen nane asehek i buku doh: Iri lau badu boho kamen ta Libai le badeh, kamekes gok ta pris. Arile, i buku gok tiri pris badu boho kamen ta Libai winiyan bwidi iri lau mwan ma badih asahan mwasin labai, i buku sah handru Kindrei asehek ta pris ari ja kameh asahan hamon? I buku sah handru pris doh kameh i buku le Melkisedek? I buku sah iy winiyan bala buku Aron bwe?

Hiburu 2:10

Kindrei badeh, iy kati iri lakou marakon, tasah iy bwidi iri lakou marakon. Ma iy aso-ok ta akohok nadun iri kala hawen kakohok lomadan mwasin. Eme iy atehei budon in ta nadun ta kamekes iri gok ta akohok iri lau mwan ma badih kame hamon ja, iy eme atehei Jises eme akohok sisi-in tinan labai. Ta sisi-in doh le, ma iy atehei Jises udu bwena ta aseben iri lau mwan ma badih. Kindrei amekes iri kandriyen marakon doh amwenen le ai.

Aposel 4:27

Idoh mene handru, Herot hawe Pontiyus Pailat atukum a hawe iri lau badu leheleh ma hawe iri lau badu Isra-el, badu bolo kon tinan dah amekes budon ta adai Jises. Iy badeh, lohowan tam ndrabun ou mene suni iy eme ta amekes gok tam.

Aposel 3:14

Aha tubuni kona aha i ta iy ndramak mwasin labai doh, iy bamekes ari kandriyen ndra-in bwe. Iy irek na iri kandriyen mwasin le. Aha bwale aha ta Pailat tolowei Jises. Aha tiye Pailat tolowei iy ndramak ta adi ndramak.

Tarou ta Jon 14:30

“Jo winiya basehek sahou luluwen hawe aha bwai, tasah ndramak ta atondrok kon munyak dah eme. Boto-on tan badeh, winiya batubuluhi boto-on tek bwe.

Tarou ta Jon 8:29

Are lau iy nane suni jo eme dah iy udu hawek. Iy winiyan bamani jo bwe, tasah jo amekes iri lakou in hamon ta budon tan.”

Tarou ta Luk 24:46

Eme iy asehek i toro anya, “Sahou mene ndratorowenei asah i buku doh: Krais badeh, bwese maha ma iy imek, ya na len taloh ja kameh iy amak ja.

Tarou ta Luk 24:26

Idoh mwasin o? Ta Krais mene bwese maha-an doh, ya eme iy winiyan ili bolo lomadan tan.”

Tarou ta Luk 23:22

Ano i san tulusin ja iy tiye: “Buku sah handru, saba lakou ndra-in handru iy mesekei? Ndramak dah bamesekei se ari lakou bandra-i bwe, ya iy kimek laleyah ai? Eme idah kameh oro lau ta bahun tek ubwi iy ano iy bara-au.”

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Tarou ta Mak 16:19

Ya eme Laban Jises asehek sahou i toro ano, ma Kindrei andrei iy iu i loken bolo kandrah, ma iy ili manyah udu loboho mine Kindrei salin.

Metiu 27:18

Pailat asehek buku doh, tasah iy tanan, ndrine iri ndra-in ta Jises, ma iri tiyani iy eme mada sahou.

Rebelesen 3:7

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Piladelpiya. Sahou kili buku doh: ‘Idah sahou tek amwenen. Jo badeh, ndrabun labai, ma jo kati iri kandriyen handru mari. Jo badeh, boto-on labai udu bolo tondrok ta kabin Debit. Buku jo sihi kou, ari ndramak winiyan basulu-iy ja bwe. Ya, buku jo sulu-i kou, ari ndramak, winiyan basihiy ja bwe.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.