Hiburu 7:25 - Nyindrou

²⁵ Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Hiburu 7:25 Referans Kwoze

La-ukei ta Pol atorou ili tiri lau badu kon Rom 8:34

Are lau winiyan tiye anya taha ndrandra-i? Lau bwe! Krais Jises le badeh, mene imek, ya eme ja, iy amak eme loken ili manyah udu kabede taman loboho lim salin! Ya eme iy le aseben taha na sahou.

1 Timoti 2:5

Tasah, Kindrei badeh, iy Kindrei le ari, ma hawe ndramak awas ari le udu ndrokowa Kindrei hawe taha ndramak, badeh Krais Jises le.

La-ukei atorou Jut 1:24

Kindrei badeh, winiyan tondrokei aha ado mwasin, ma aha winiyan bataku ta kandriyen ndra-in bwe. Iy winiyan andrei aha ala bolo lomadan ma ado kon tan mwasin. Eme ma, iri lau kameh winiyan basehek kandriyen taha bwe, aha kameh are ta sekesek le ai.

Tarou ta Jon 14:6

Jises eme tiye sahou i ta Tomas, “Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena.

Epesus 2:18

Sahou doh handru. Tasah, na Krais le ari, taha lau marakon akohok Malawin ari le nane doh, ndrasihi san, ta taha winiyan asahan hawe tama taha Kindrei.

La-ukei ta Pol atorou ili tiri lau badu kon Rom 5:2

Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

Hiburu 11:6

Ari ndramak winiyan babwidi Kindrei basekesek bwe, i buku iy batehei iri budon tan mara-ei handru bala tan bwe. Buku are lau anya kili hawe Kindrei badeh, iy katehei budon mara-ei kili tan, tasah iy Kindrei handru udu aliy, ma iy edeu ndramas ili tiri lau asilah iy handru.

Epesus 3:20

Boto-on tan ibo gok ta koha taha. Boto-on doh winiyan tubuluhi salom ma budon tataha, ma winiyan amekes gok tinan handru.

Hiburu 9:24

Krais bala bolo asiu ndrabun nane lau atah na mine iri amwenen bwe, idoh malawi le asiu ndrabun handru ta Kindrei udu kandrah. Iy iu ili bolo kandrah amwenen. Iy ndrala mirihik hawe Kindrei, iy asehek taha i tan ma iy amekes gok ta aseben taha ale.

Hiburu 7:19

Iy babwidi ari lakou basahan bala mwasin bwe. Eme ma Kindrei sihi madasan rasan ja, idoh udu mwasin ja ta kandriyen malen. Taha atondrok madasan doh, eme ta madasan le doh, taha kameh winiyan ala mirihik ta Kindrei.

Tarou ta Jon 14:13

Ma jo kameh amekes iri lakou marakon, buku aha ndremenya tama in ta nyarak. Eme ma tama kameh akohok nyaran i tinan i san ta nadun amwenen.

Hiburu 5:7

Len ta Jises mwena mene iy edek udu ndra kon munyak, iy amekes iri salom ma iy asolom ili ta Kindrei. Iy tanan idah kameh Kindrei winiyan aseben iy ta iy winiyan bamak bwe. Eme ma iy asolom ma eden boto-on labai ili tan. Iy anuhun ndrelen ta nadun, tasah iy atehei iy mara-ei iu ili andri labai.

Hiburu 13:15

Eme ma taha kasekesek ta Kindrei ta nyara Jises, ma taha kadeu sekesek doh kili tan kudu le buku doh, i nyara salom tataha. Salom nane tataha amekes dah, i buku sahou ta atudun nyaran, ma ta leheya kandriyen tan mwasin kili tiri lau mari.

Hiburu 7:16

Iri Libai asahan pris, tasah kandriyen tiri malen asehek i buku aliy. Arile, ndramak asahan pris i buku le Melkisedek, nyamu kohan badeh, boto-on labai udu le buku doh, eme bwidi iy asahan pris.

Hiburu 2:18

Iri lakou marakon doh ndrasahan tan, iy le ari eme badeh, akohok sisi-in ta aliy. Eme badeh, ma iy winiyan sebenei iri lau marakon, i buku lakou ndra-in anya kawendreya iri.

Pilipai 3:21

Iy eme kameh nyuruwini lakou mari na boto-on tan kameh udu baha tondrok tan. Ma idah kameh, iy tubuni bada taha badu munyak dah kameh i randrah labai, asahan ha-un i le buku badan, ta udu le buku doh.

Tarou ta Jon 14:16

Jo kameh ndremenya tama ta iy katiye seben keme ta aseben aha kabadok. Ma iy kameh udu hawe aha udu le buku doh.

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

Hiburu 7:24

Arile Jises iy ta udu le buku doh, eme gok tan i buku pris, ari ndramak ja winiyan bakohok ndrahunen bwe.

Epesus 3:12

Taha ndrahis hawe Krais na budon tataha. Jises badeh, san tataha ta ili asahan hawe Kindrei. Eme ma, taha winiyan banoh ta ame hawen bwe. Tasah, taha tanan iy kameh sekesek labai ta taha ame hawen.

Hiburu 7:8

Iri Libai badeh, akohok lakou ranah tiri Isra-el, arile udu, iri Libai amak. Arile Melkisedek doh iy akohok lakou, arile iy bamak bwe. Iy udu le buku doh, i buku le buk ndrabun asehek.

La-ukei ta Pol atorou ili tiri lau badu kon Rom 5:10

Bwena mene taha amekes bahun hawe Kindrei kahis le badeh, na le len doh Nadu Kindrei imek. Ta gok ta imek nane doh iy ndrabwidi kandriyen ta bahun mari udu ndrokowa Kindrei hawe taha, ma iy bwidi ndrine taha udu mwasin hawe Kindrei. Na dah, Nadu Kindrei, kohan handru ta udu le buku doh, winiyan bamak ja bwe. Eme ma, taha winiyan atanan handru, na koha nadun le doh, Kindrei kameh andrei taha ame hamon, ma iy kameh aseben taha tinan labai ja.

1 Korin 1:21

Kindrei in hamon ta budon tan amwenen, ma ta idoh, iy sani san tiri lau ta tanan, iri anya, iri winiyan atanan iy. Tasah, iri winiyan bala tanan Kindrei ta iri budon solo-an badu munyak ta iri a-en hamon ta aliy, bwe. Kindrei anya kakohok iri mwan ma badih i buku doh: Iri mwan ma badih anuhun sahou mwasin nane ahi aposel atiye, iri lau solo-an badu kon munyak aloh, “sahou moson bwe.” Arile, are lau iri atehei budon tiri ili le ta Krais, Kindrei badeh, sekesek ta akohok iri ame hamon ja.

Hiburu 2:9

Arile taha ndranyolom Jises, iy akohok boto-on tan. Bwena mene iy udu bahandra tondrok tiri angelo luluwen bwe, iy imek ta akohok kon ta lau marakon, ma tikisiy ta Kindrei kameh winiyan sebenei iri lau marakon. Jises bwese maha-an tataha tinan labai ma iy imek. Arile na dah, Kindrei ndrasuruni iy, ma ndratehei lomadan nyaran ndra tinan labai udu bwele-e iri lakou marakon.