Hiburu 7:22 - Nyindrou

²² Tasah ta idoh, taha winiyan atanan, sahou randra le Jises ndratawiy ndrahis, idoh mwasin labai. Iy udu bwele-en ja ta sahou randra le ta Moses bwena mene. Tasah, Jises amwenen kameh atondrok sahou randra le ha-un nane doh.

Hiburu 7:22 Referans Kwoze

1 Korin 11:25

Oro aimon nyamon ano, iy eme kuhi bwiniu, eme iy amekes sahou i buku le bwena nane i buku doh, “Bwiniu waen dah, kalem ta sahou randra le ha-un ja, ta ndrayek amwenen. Len marakon aha atukum ta a-un waen dah, badeh, aha abudon jo.”

Jenesis 44:32

Eme Juda tiye ja, “Jo dah badeh ndratandrakan tama ta jo kameh akohok maha ta Benjamin; i buku none jo batiyani iy bala hamon hawe taman bwe, ma i dah kameh jo kameh akohok maha ta aliy winiya jo le baramak.

Hiburu 13:20

Kindrei mene mete-ei Laban tataha Jises. Eme ma iy asahan ndramak mwasin labai ta atondrok taha mwan ma badih buku sipsip. Tasah, ta ndrayen mene amou, eme iy tutuniy ma bwidi sahou randra le doh abadok ta ere le buku doh. Kindrei badeh, kati manyah mwasin tataha. Eme ma, jo aso-ok iy katehei iri kandriyen mwasin mari doh kewek taha, ta aha ka-en hamon ta tanan tan. Ma jo aso-ok, iy kaleheya kandriyen mari kasahan bolo taha, buku iy amwenen aso-ok. Kandriyen doh asahan ta Jises Krais, iy amwenen aseben taha ta amekes. Taha katudun ma kamasiye nyaran kudu le buku doh. Handru!

Hiburu 12:24

Eme aha ndrasilahei Jises ale, iy le ari adeh amekes sahou randra le ha-un ta Kindrei hawe taha. Eme ma ndrayen le bwidi sahou randra le abadok. Ndrayen doh udu bwele-en labai ja ta ndraye Ebol, tasah ndraye Ebol leheya i buku doh: Ndramak ari kameh kakonohei ndra-in doh. Arile, ndraye Jises bwe. Ndrayen amou ta akunoh iri kandriyen ndra-in tataha mari iu.

Jenesis 43:9

Jo le kameh balek udu tan, i buku none jo batiyani iy bame hamon bwe, badeh kameh jo akohok maha ta aliy len jo udu ndra loken udu bolo munyak dah.

Tarou ta Luk 22:20

Ano i le buku aliy, nyamon ano badeh, iy kuhi bwiniu waen, ma iy anya, “Bwiniu waen dah, kalem ta sahou randra le ha-un ja, ta ndrayek amou ewek ta aseben ado mari.]

Metiu 26:28

Tasah, idah ndrayek ta sahou randra le, ndrayek amou ta sikine lau mari ta kandriyen ndra-in tiri.

Tarou ta Mak 14:24

Eme Jises tiye i toro ja, “Idah ndrayek ta sahou randra le, ma idah kameh amou ta lau mari.

Hiburu 7:23

Mwena mene iri lau solo-an asahan pris, tasah iri amak, eme ma pris rayah ja akohok kon tiri nane ndramak.

Hiburu 8:13

Kindrei tiye ta sahou randra le “ha-un.” Eme ma, ta sahou doh, iy bwidi sahou randra le ari mene, eme ndra malen. Ma lakou asahan malen ma amu-uk, kameh udu sese, ano ma iu mara-ei.