Hiburu 7:16 - Nyindrou

¹⁶ Iri Libai asahan pris, tasah kandriyen tiri malen asehek i buku aliy. Arile, ndramak asahan pris i buku le Melkisedek, nyamu kohan badeh, boto-on labai udu le buku doh, eme bwidi iy asahan pris.

Hiburu 7:16 Referans Kwoze

Kolosi 2:20

Aha tanan, aha badeh, ndramak hawe Krais, ma aha ndramani batanau ndra-in tiri kabin ta bwena tiri malawin ndra-in badu munyak dah. Buku sah handru, na dah ja, aha anya kadek buku iri mwan ma badih badu kon munyak? Kora-on aha ndranuhun rayah mwan ma badih anya kariu aha, ma a-en hamon ta batanau doh:

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

Hiburu 10:1

Kandriyen malen ta Moses doh malawi le iri lakou mwasin hamon kameh eme. Arile, kandriyen malen nane doh malawin bala mwasin bwe. Tasah, kandriyen malen batanau i buku doh: Iri pris badeh, kamekes salom ki buku le ta jaha mari. Arile, are lau iri anya kame mirihik ta Kindrei ta san ta salom, salom nane doh winiyan babwidi iri lau ame asahan mwasin ta budon tan ta jaha mari, bwe.

Hiburu 7:28

Kandriyen malen ta Moses ta akohok ndramak asahan tinan tiri pris, iri akohok ndramak nyamun bwe, ma iy ta amekes kandriyen ndra-in. Arile sahou ma tandrakan ta Kindrei badeh, asahan hamon labai ta kandriyen malen ta Moses. Eme ma sahou nane doh, atehei nadun asahan tinan tiri pris handru. Iri gok mari Kindrei aso-ok iy kamekes, iy bwidi marakon ndrano, ma ndra mwasin le ai.

Hiburu 7:3

Melkisedek iy ari taman ma tinen bwe, iy ari tubun bwe ale, ari len ta tinen edeu iy bwe, o ari len ta iy imek bwe le. Iy ari saren bwe. Eme ma gok tan ta pris kameh ta udu le buku doh, i buku Nadu Kindrei.

Kolosi 2:14

Idoh i buku Kindrei ndratarani la-ukei bilisiu, tarou ta batanau udu aliy. Ya tarou mene, turuki taha ta mada sahou, ma anya korou sahou eme tataha ta iri kandriyen ndra-in taha amekes bwena. Arile, Kindrei ndratolowei iri lakou buku doh: Udu kala Jises Krais imek udu bada kei tondreh, Kindrei andrei la-ukei nane doh, iy tatahiy ili bada kei tondreh, ma sokosowei iri tarou ta batanau mari ma sahou ta imek udu aliy iu.

Galesiya 4:9

Arile, na dah, aha ndratana aha Kindrei handru. O, sebwe jo katiye taha ki buku doh: Kindrei ndratanan aha. Ya, i buku sah ja, aha anya kala hamon ja kala hawe iri malawin ndra-in ja? Iri nyamu iri bwe, ma iri winiyan bala ari lakou handru bwe. I buku sah, aha anya kala bonyo-ou tiri ja?

Galesiya 4:3

Eme ma, nadu sahou sokek jo nane torowenei dah badeh, moson ta aliy i buku doh: I buku taha mene are ndra buku iri nah bwisik badeh, ta budon tataha, ma taha mene a buku bonyo-ou, tasah kandriyen ma batanau solo-an nane badu bolo munyak atondrok taha.

Hiburu 7:21

Eme Kindrei le tandrakan, ano iy atehei Jises asahan pris. Udu bolo buk ndrabun ta Kindrei asehek i buku doh: “Laban ndratandrakan, ‘Ou kameh asahan pris ta udu le buku doh,’ eme iy winiyan batubuni budon tan ja bwe.” Wari 110:4

Hiburu 7:17

Kindrei asehek i tan i buku doh: “Ou kameh asahan pris ta udu le buku doh, in hamon ta gok ta pris ari mene nyaran Melkisedek.” Wari 110:4

La-ukei ta Pol atorou ili tiri lau badu kon Rom 7:14

Taha tanan, batanau malen badeh, Kindrei le edeu. Arile jo badeh, ndrala bonyo-ou ta karei ma lomondra ndra-in, tasah jo ba-en hamon ta seken ta Kindrei bwe.

Hiburu 7:15

Handru, iri pris badu boho kamen ta Libai winiyan basebenei mwan ma badih asahan mwasin ta mada Kindrei bwe. Kati sahou dah aleu mara-ei labai, buku taha abudon ta pris ari nane doh kameh asahan i buku le Melkisedek.

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.