Hiburu 6:9 - Nyindrou

⁹ Aha kawas tek handru, ahi asehek sahou boto-on dah ewek taha. Arile, ahi ndratanan aha kameh winiyan bakohok ndra-in bwe. Tasah, Kindrei aseben aha ma iy andrei aha ame hamon.

Hiburu 6:9 Referans Kwoze

Hiburu 10:39

Ya, taha bala buku iri lau rayah ale ndratobwak ndra-au, ma ndra-au kede-eh, bwe. Arile, taha a buku le iri lau atehei budon tiri in ta Kindrei, idah kameh taha winiyan bamak bwe, ma taha kameh ta are le buku doh.

Hiburu 2:3

Buku taha teleya lakou laba tinan ta akohok taha, taha katobwak barala buku sah handru? Laban ndrasehek nyala seben doh ma bwena ndrame tataha, eme iri lau nane anuhun sahou tan, ame asehek tataha ja, “Sahou doh ndra handru le.”

2 Korin 7:10

Idoh handru, iri maha-an ale Kindrei atehei udu bolo ndrine iri mwan ma badih badeh, ta leheya iri ta tobolowe ndrine iri, ma Kindrei winiyan akohok iri ame ta manyah mwasin. Ma are mwan o badih edek san doh winiyan batikisiy ta aliy ja bwe. Arile, maha-an ma bwilima kameh asahan ta ndrine iri lau badu kon munyak. Idoh kameh edeu imek ili tiri le kabwe.

Hiburu 10:34

Aha amekes mwasin ili tiri lau ado bolo asiu lulik. Ma iri lau rayah akohok lokowa aha laleyah iu, arile aha babolosen ta aliy bwe, aha sekesek. Aha amekes i buku doh, tasah aha ndratanan lakou taha mwasin udu aliy. Iri lakou doh udu bwele-en labai ja tiri lakou badu munyak, ma iri kameh winiyan bandra-i bwe ta udu le buku doh.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

1 Korin 10:14

Aha kawas tek handru, aha kado ndra len ta kandriyen ta atudun iri kindrei ta wasai, iri amekes na sukumada kei.

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Tarou ta Mak 16:16

Ya iy are budon tan handru in ta sahou mwasin ma kanyuwi iy, idah kameh Kindrei sebenei kohan. Arile, iy are lau batehei budon tan handru ba-en ta sahou mwasin bwe, idah kameh iy ales ere ta sahou udu mada Kindrei ma iy kameh akohok ndra-in labai, tasah ta lomondra ndra-in tan.

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

2 Korin 7:1

Aha kawas tek handru, Kindrei edeu iri tandrakan doh eme tataha. Eme ma, taha badeh, karuwani iri kandriyen ndra-in ale taha amekes na bada taha o na budon tataha. Ya, taha badeh, kasahan ha-un mara-ei. Taha badeh, katehei budon tataha kili ta Kindrei, ma katehei koha taha mara-ei kili le tan, tasah taha anoh iy.

2 Korin 12:19

Sebwe aha kameh anyolom iri sahou mara-ei doh, ma aha kameh abudon ahi torowenei ta amekes sahou tahi kamwenen ta mada aha. Arile, bwe. Ahi ado mada Kindrei i buku nadu tine aha i san ta Krais, ma ahi aseken aha labai. Eme ma, ahi amekes iri sahou dah, ta atadau budon taha kabadok.

1 Pita 2:11

Aha kawas tek, jo asehek sahou dah ewek taha, buku none aha areu kon munyak, kon taha bwe. Aha lau ta teteheh le, eme ma aha satehei kandriyen ta budon ma ndrine aha ndra-in sa-en bwena taha, ndri-iy. Tasah, kandriyen ndra-in ta budon ma ndrine aha badeh, kameh amekes bahun hawe malawi aha mwasin.

2 Pita 3:1

Ado kawas tek ta budon handru, idah la-ukei tek ramen ja ai; badu hawe ramen mene jo atorou ndrawek tado. Udu bolo la-ukei ma lumen doh, jo anya katiye tado ja ta bale ado samani kandriyen mwasin ta bolo tekedek tado.

1 Jon 2:7

Wurah lomada aha kawas tek, jo batorou batanau ha-un bawek taha bwe, batanau malen le mene, kabatana aha asahan lau ta Kindrei. Sahou batanau malen doh badeh, aha ndranuhun ndra bwena labai.

La-ukei atorou Jut 1:3

Wurah lomada ado kawas tek, jo ndrabwetenei ta atorou la-ukei ewek, ta tiye nyala aha ta gok, Kindrei mene amekes ta akohok taha mari. Arile, nadah ja badeh, jo abudon ta atorou sahou randra ja ewek taha i buku doh: Aha kabadok ta aseben ma atondrok iri budon handru, Kindrei mene ndratehei ndrame tataha lau tan. San rasan le, Kindrei mene atehei budon doh, eme tataha mwan ma badih tan.