Hiburu 6:4 - Nyindrou

⁴ Iri lau mwan ma badih rayah mene ndrandrei tanan handru ta sahou ta Jises Krais. Eme ma iri ndratehei Jises le ari badeh, udu budon tiri, ma iri ndranone ndramas ta Malawin Ndrabun badu kandrah.

Hiburu 6:4 Referans Kwoze

Metiu 5:13

Jises asehek ili le i buku doh, “Ado kaseben iri lau i buku ndras aseben nyamon ta munyak dah. Arile, i buku nyiminye ndras aliy bwe, ki buku sah handru kameh nyiminye ndras doh kasahan ja? Ndras doh bala mwasin ta i bolo ari nyamon bwai. Mwasin handru ta kakahei ndras doh ki-iu ma lau katisih na kati iri.

Tarou ta Jon 15:6

Are lau iri bahis badak bwe ma bato-ou sali iri bwe, idah kameh akahei iri au. Ma iri kameh asara, ano tukumwi mari i le se, ano iri akahei mara-ei ili bolo jih ta andrakak iu.

Epesus 2:8

Lakou doh, aha amwenen mene bamekes bwe. Kindrei edeu laleyah ewek taha. Aha mene atehei le budon handru in ta Krais, ma na so-ok ta Kindrei le amwenen, iy andrei aha ame hamon ja.

Tarou ta Jon 3:27

Jon anuhun, eme iy asehek i toro, “Ndramak winiyan ateu lahou, buku Kindrei badu kandrah amwenen edeu.

Hiburu 10:32

Aha kabudon kili hamon ta len bwena mene ja, len mwena mene aha ndrakohok sun ta Kindrei, ma aha ndratanan, idoh sahou mwasin ta Krais. Na bolo len doh, iri lau ta ato-ou kaliu i ta Kindrei badeh, adeu maha-an solo-an i ta budon taha, ma aha bwese sisi-in solo-an. Arile aha ales boto-on.

Metiu 12:45

Ehe, iy atou buku doh, eme iy ili hamon ja andrei oro malawi ndra-in ndro taloh ja sakalawi iy ta amekes kandriyen ndra-in. Ya oro kameh ala bolo asiu nane. Ya eme ndramak dah, bala buku bwena mene, ja bwai, iy ndrandra-i labai ai. Jo asehek tado, kandriyen buku doh kameh asahan taha lau mwan ma badih ndra-in ereu kon munyak na len dah.”

Galesiya 3:2

Eme jo anya ndremenya aha ta aliy, ma aso-ok aha badeh, kasehek kamwenen keme tek: Aha badeh, akohok Malawin Ndrabun ta Kindrei i san ta aha a-en hamon ta batanau malen deh? Bwe! Aha akohok Malawin Ndrabun i san ta aha anuhun, ma hawe i san ta budon taha handru ki ta sahou mwasin.

2 Timoti 2:25

Ma iy kaleheya iri lau nane amekes ndra-in ili tan, ma iy ale kamekes kamunum le ta amekes budon tiri lau nane tebelese hawen. Iy kamekes ki buku doh, tasah Kindrei kameh aseben iri, ma iri kameh winiyan tubuni ndrine iri, ma iri kameh winiyan atanan ta sahou handru, ma iri winiyan a-en hamon tan.

1 Jon 5:16

Buku aha atou nadu tine aha ari taku ta kandriyen ndra-in, ya buku aha atou kandriyen ndra-in tan doh winiyan badai iy bamak bwe, mwasin, aha kasolom ki ta Kindrei, iy winiyan atehei kohan mwasin i tan. Sahou doh i la-u iri lau ale kandriyen ndra-in tiri batehei iri bala san ta imek bwe-en. Arile, kandriyen ndra-in ra-on badeh, ales i san ta imek. Ya jo basehek anya, aha kasolom ki ta Kindrei ta nyala aliy, bwe.

Hiburu 2:4

Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.

1 Timoti 4:14

Ou saruwani nyosowan mwasin ta Malawin Ndrabun udu tam badeh. Idoh mene udu tam, ya iri propet asehek ma hawe iri lau ta bwena ta lahou ta Kindrei mene adeu boto-on na mine iri ewek la-um.

Aposel 11:17

Jo winiyan batebelese hawe Kindrei bwe, tasah iy edeu ndramas i tiri i le buku iy edeu eme tataha mene, kabatana to atehei budon tato handru in ta Laban Jises Krais.”

Epesus 4:7

Handru, bada taha marakon ari le ta Krais. Arile, iy anyohan taha ari, ari na ndramas laba tinan labai ta i le winiya taha ari, ari ta amekes gok tan,

Epesus 3:7

Kindrei atehei jo, ya jo asahan lau ta atiye sahou mwasin dah. Kindrei amekes i buku doh, tasah iy tikisi jo, ma na boto-on tan amwenen, iy atehei ndramas eme tek ta atadau budon handru tiri mwan ma badih. Eme ma, gok doh badeh, jo amekes.

Aposel 10:45

Eme ma iri Juwis ta asan ku-i iri, atehei budon tiri in ta Jises, ado hawe Pita badeh, boho iri asak ta Malawin Ndrabun amou laleyah i tiri lau badu leheleh ale.

Aposel 8:20

Eme Pita anya, “Ou ndrandra-i kede-eh, ou abudon anya, ou winiyan sihinei ndramas ta Kindrei dah na luk tam badeh? Arile, bwe! Ou ma luk tam badeh, kameh amak.

Tarou ta Jon 6:32

Jises asehek i tiri i buku doh, “Handru labai jo tiye taha, Moses badeu naha jabi ramen badu kandrah bwe. Badeh, tama edeu naha jabi ramen handru badu kandrah.

Galesiya 3:5

Aha abudon i buku sah? Kindrei badeh, edeu Malawin Ndrabun ma amekes kalem udu ndrokowa aha. Sebwe iy edeu tasah aha an hamon ta batanau malen? Bwe! Idoh badeh, i san ta anuhun sahou ma hawe ta budon taha handru badeh, i ta sahou mwasin labai.

Aposel 15:8

Eme ya Kindrei badeh, tanan ndrine iri ma leheyani iy aseken iri i san ta iy atehei Malawin Ndrabun i tiri, i buku none iy amekes eme tato mene.

Tarou ta Jon 4:10

Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”

2 Timoti 4:14

Balem kudu ta Aleksandra, iy ndramak ta amekes lakou i hayen, tasah iy mene amekes ndra-in solo-an labai eme tek. Laban kameh konohei iy, ta saba lakou iy amekes.

La-ukei ta Pol atorou ili tiri lau badu kon Rom 1:11

Jo badeh, aseken labai ta anyolom aha, ma kasehek sahou ta nyosowa Malawin Ndrabun kewek taha, ma kamekes ndrine aha kabadok.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

2 Korin 4:6

Ehe, ahi atiye sahou ta Jises. Tasah, bwena mene Kindrei bwidi munyak dah anya, “Sun kanya bolo lulik.” Jenesis 1:3 Kindrei amwenen doh irek labai ta sun, ma iy akohok ahi ame hamon ja. Jises Krais, iy le sun doh udu ndrine ahi. Eme ma sun doh aseben ahi leheya iri mwan ma badih, Kindrei i buku sah handru.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.