Hiburu 6:12 - Nyindrou

¹² Ahi baso-ok aha asahan gwaman bwe, arile ahi aso-ok aha ka buku le iri lau atehei budon tiri in tan, ma atondrok iy. Iy are lau iy amekes i buku doh, iy kameh akohok lakou Kindrei ndratandrakan ta aliy.

Hiburu 6:12 Referans Kwoze

Hiburu 13:7

Aha samani iri lau ta Kindrei nane a-en mwena taha, iri mene leheya aha ta sahou ta Kindrei. Aha kabudon saba kandriyen asahan ta manyah ma tekedek tiri, ma aha katehei budon taha ki buku le iri.

Hiburu 10:36

Aha sawoyah ta atondrok. Buku aha amekes i buku doh, aha kameh winiyan bwidi iri gok Kindrei aso-ok. Ano ma aha kameh akohok iri saba lakou iy ndratandrakan ta edeu ewek taha.

1 Jon 2:25

Ma, iy ndratandrakan ta edeu kohan handru eme tataha, kameh ta udu le buku doh.

La-ukei ta Pol atorou ili tiri lau badu kon Rom 12:11

Ou saliliy ma ou sawoyah ta amekes lahou ta Laban. Arile ou alelei Malawin Ndrabun aseben ou amekes lahou le kili.

Hiburu 5:11

Sahou solo-an labai ta nyala lakou dah, arile boto-on labai ja ta leheya aha, tasah aha winiyan bakohok bolo sahou dah suwi bwe.

2 Pita 1:10

Eme ya ado nadu tine badu hawek ta budon handru, ado badeh, sala buku oro doh. Arile, ado tanan Jises tiye ado badeh, badu hawen. Eme ma, ado katawi tanan doh kihis, ma kaleheya udu bolo ado keme lewan. Ya eme, i buku none ado amekes iri lakou doh, idah kameh ado winiyan bataku bwe.

Jemis 1:3

Ado ndratana ado, buku iri none ndra-in solo-an doh asahan tado, badeh, kandriyen ta none ndrine ado, ta atadau aha ta ales boto-on ta budon, ma a-en hamon ta sahou handru ta Kindrei.

Hiburu 12:1

Iri lau mwan hawe iri badih bwena mene awudi taha are le alih i buku asi kandrah, eme iri leheya taha ta kandriyen ta budon tataha kili ta Kindrei. Eme ma taha kamani iri lakou ale tawi taha winiyan basakaliye boto-on bwe, ma taha karuwani iri kandriyen ndra-in marakon ale tawi taha ihis. Eme ma, taha kamekes ndrine taha kabadok ta sakaliye ta akohok lakou mwasin doh, Kindrei ndraleheyani taha sakaliye ta aliy.

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

La-ukei ta Pol atorou ili tiri lau badu kon Rom 4:12

Iy ale badeh, tama iri lau rayah asan ku-i iri. Iri basani ku-i iri laleyah bwe, iri ale anyolom san tubu iri Abraham edek aliy. Ya iri ka le buku iy katehei budon tiri handru ki ta Kindrei i buku none mene na len basani iy bwe.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

Hiburu 11:33

Oro lau doh atehei budon toro handru in ta Kindrei. Eme ma, oro banoh ta ari bahun bwe, oro adi iri lau solo-an tiri kabin rayah ja amak, oro ale andrei lakou nane Kindrei tandrakan ta edeu i toro. Oro ale ndremenya Kindrei ta atondrok oro, eme ma oro tawi boho iri layon ta winiyan baimon oro bwe.

Hiburu 6:15

Abraham tondrokei udu le, ano iy andrei iri lakou nane Kindrei tandrakan ta edeu ili tan.

2 Tesalonaika 1:4

Ta idoh le, aso badeh, atudun nyara aha udu ndrokowa iri mwan ma badih ta Kindrei. Ma aso asehek sahou i buku doh: “Na len iri lau amekes kandriyen ndra-in ili tiri lau badu Tesalonaika, ma len ta maha-an asahan tiri, iri badeh, ales boto-on, ma tawiy ihis budon tiri, ma bwese iri maha-an ma isi.”

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

Metiu 22:32

‘Jo Kindrei ta Abraham, ta Aisik, ma ta Jekop.’ Eksodus 3:6 Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le.”

1 Tesalonaika 1:3

Tasah, aso asolom, badeh, aso abudon i ta budon taha ale eme tutuni kandriyen taha nane mwasin, aha a-en hamon ta aliy, ma ta sa-ar taha, aha amekes ta a-en hamon ta kandriyen ta tikisi nadu tine aha iri rayah ja. Aha atondrok le Laban tataha Jises Krais kameh eme hamon ta akohok taha. Idoh le badeh, bwidi ndrine aha abadok ja, ta iri maha-an mari anya kasahan.

Tarou ta Luk 16:22

“Ano, Lasarus imek ya iri angelo badu kandrah ame andrei iy ili manyah udu ka-u Abraham. Ano ndramak tan lakou solo-an ale imek, ya eme iri ahi iy.

Metiu 25:26

“Arile tinan tan anya, ‘Ou ndramak ndra-in ma ou lau ta awoyah! Ou tanam jo kameh akohok lakou jo batah bwe, ma jo kameh atukum nyamon bolo kon mari ale jo bakeh badu nyamon bala aliy bwe.