Hiburu 6:11 - Nyindrou

¹¹ Budon tahi tinan labai ta aso-ok aha marakon kamekes gok boto-on ki buku le doh, winiya le len hamon. Buku aha amekes iri lakou i buku doh, saba lakou aha nane abe-en, kameh asahan handru.

Hiburu 6:11 Referans Kwoze

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

2 Pita 1:10

Eme ya ado nadu tine badu hawek ta budon handru, ado badeh, sala buku oro doh. Arile, ado tanan Jises tiye ado badeh, badu hawen. Eme ma, ado katawi tanan doh kihis, ma kaleheya udu bolo ado keme lewan. Ya eme, i buku none ado amekes iri lakou doh, idah kameh ado winiyan bataku bwe.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

Hiburu 10:22

Ta iri lakou doh le, taha ale kame mirihik ta Kindrei hawe ndrine taha kirek tiri budon mwasin. Taha katawi ndrine taha kudu mwasin, tasah ndraye Jises badeh, ndrasikinei lomondra ma iri kandriyen ndra-in tataha ndrano ndra-au, ma Kindrei ndrasikine bada taha na gwa tan lewen.

Rebelesen 2:26

‘Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, ma iri ale ta amekes lahou na so-ok tek winiya le gok tek ano; jo kameh edeu boto-on ili tiri, ma iri kameh asahan tinan are bwele-en labai ja tiri mwan ma badih badu kon munyak tinan mara-ei.

1 Jon 3:14

Taha badeh, ndrakohok kandriyen ta aso-ok handru nadu tine taha ari ja. Ma, na le kandriyen doh, taha ndratana taha, buku none taha ndraruwani iri kandriyen ndra-in ta adai taha amak. Ma taha ndrareu hamon ta kandriyen ta akohok kohan mwasin. Ndramak ale baso-ok nadu tinen ari ja bwe badeh, iy ereu ndra bolo kandriyen ta imek kahis le.

2 Pita 3:14

Ya eme ado kawas tek ta budon handru, i buku none ado anyolom bohon ili mwena eh, badeh ado katadau ado kabadok ta asahan mwasin labai handru ta mada lau kasehek ado, ma ado kado le ta bolo manyah mwasin hawe Kindrei.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

2 Tesalonaika 3:13

Aha nadu tine aso mwan ma badih rayah ja, aha sawoyah ta amekes kandriyen mwasin.

La-ukei ta Pol atorou ili tiri lau badu kon Rom 15:13

Ya jo aseken Kindrei, ndramak ta edeu lakou mwasin, kamesekei bolo oda aha kidih na sekesek, ma hawe oda aha kudu mwasin ki-in hamon ta budon taha handru in tan. Ya eme ma budon taha kameh abadok ta anyolom bohon i bwena ta lakou mwasin na boto-on ta Malawin Ndrabun.

1 Tesalonaika 4:10

Ya, idoh handru, aha leheya kandriyen ta aso-ok labai iri nadu tine aha iri, i tiri lau badu loboho kon tinan mara-ei udu bolo Masadoniya. Idoh mwasin, arile ahi asehek sahou boto-on ewek taha nadu tine ahi: Aha ka-en le hamon ta kandriyen doh, kamwenen kili le ai.

1 Tesalonaika 1:5

Ahi tanan, Kindrei badeh, ndratiye aha, ta sahou mwasin mene aso atiye ewek taha, badeh, winiyan basahan ndrine aha buku sahou laleyah bwe. Sahou taso badeh, nyamun labai. Ma boto-on ta Malawin Ndrabun ale amekes sahou abadok, ma iy tiye taso ta sahou dah handru. Aha marakon amwenen tanan kandriyen nane aso a-en hamon ta aliy udu ndrokowa aha. Aso amekes i buku doh ta aseben aha mari.

Pilipai 3:15

Eme ya taha lau ala ndruniy ta budon doh badeh, taha kabudon lakou doh kudu mwasin. Ya, i buku none ado rayah abudon i randrah ja, ta lakou doh, kameh Kindrei winiyan leheyaniy aleu ewek tado.

Galesiya 6:9

Eme ya, taha sawoyah ta amekes kandriyen mwasin; ya, i buku none taha baruwaniy bwe, badeh kameh, taha akohok ndramas ta aliy na len hamon. Idoh i buku ndramak ta bilin akohok sali nyamon ta lahou boto-on mene iy amekes.

1 Korin 15:58

Eme ma, aha nadu tine mwan ma badih i san ta Krais, aha kabadok, ma aha kado le rasi. Tasah aha ndratanan, lahou boto-on aha amekes ta Laban kameh winiya ba-au laleyah bwe.

1 Korin 13:13

Kabwai, arile kandriyen ma taloh le. Kandriyen ma taloh kameh winiya bano bwe, oro kameh alih kahis le: Kandriyen ta atehei budon tataha kili ta Kindrei le ari; kandriyen ta atondrok Kindrei le ari; ma kandriyen ta aso-ok ndramak ari, ari. Kandriyen ari le udu bwele-e oro ma taloh badeh, kandriyen ta atehei ndrine taha mwasin ta aso-ok ndramak ari, ari.

Metiu 24:13

Arile, are lau tawiy ili isos munyak ano, Kindrei kameh winiyan akohok iy i hamon ja.

1 Jon 3:19

Buku taha amekes kandriyen ta tikisiy o, aso-ok nadu tine taha ari ja, taha winiyan atana taha, buku none taha an hamon ta sahou handru ta Kindrei. Len ra-on taha amalin sese. Arile, budon ta Kindrei badeh, sakalawi budon tataha. Iy badeh tinan, ma iy tanan lakou mari. Eme ya, in bolo budon tataha, buku taha atona, buku taha ba-en hamon ta sahou handru ta Kindrei bwe, ndri-iy. Ndrine taha hawe budon tataha kudu mwasin ta ales areu mada sahou ta Kindrei. Iy winiyan batehei taha bala mada sahou ta a-en hamon ta sahou wasai bwe. Iy badeh kameh tiye tataha i buku doh, taha badeh, a-en hamon ta sahou tan handru.

Kolosi 2:2

Jo amekes gok boto-on, tasah jo aso-ok ndrine aha kabadok ma aha katukum ka-en hamon ta kandriyen ta aso-ok labai iri nadu tine aha iri mwan ma badih ta Kindrei. Jo badeh, amekes gok boto-on labai, ma idoh kameh atadau budon taha, ma aha winiyan atanan kati sahou aton handru ta Kindrei. Krais amwenen badeh, kati sahou aton.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

La-ukei ta Pol atorou ili tiri lau badu kon Rom 12:8

Ya, i buku none iy tan ta amekes budon tiri lau kabadok badeh, iy kamekes iri kabadok kudu mwasin. Ya, i buku none iy tan ta anyohan iri na lakou badeh, iy kanyohan na ndrinen handru ma solo-an. Ya, i buku none iy tan ta atondrok badeh, iy katondrok kudu mwasin labai. Ya, i buku none ndramas tan ta tikisiy ma aseben iri lau maha-an udu tiri badeh, iy kaseben iri ma sekesek.

Galesiya 5:5

Arile, Malawin Ndrabun ta Kindrei badeh, ibo gok ta amekes budon tahi mara-ei kabadok, na len ahi atondrok manyah mwasin ta Kindrei hamon doh. Ma Krais kameh amekes ahi asahan amwenen handru i le buku iy.

Tarou ta Luk 1:1

Jo ai, Tiyopilus. Jo atorou la-ukei dah ewek tam: Iri lau solo-an mene ndratorou sahou solo-an ta nyala lakou mene asahan bolo ndrokowa taha.