Hiburu 6:1 - Nyindrou

¹ Ta idoh, taha sasehek ja ta iri leheya mwasin taha ndrakohok ma bwena mene ta nyala Krais. Arile, na dah taha kala ta leheya tiri lau-en le ai. Taha sala hamon ja tiri lakou mene taha ndrakohok tanan tiri. Iri lakou doh: ta mani kandriyen ndra-in ili san ta imek; ma ta atehei budon in ta Kindrei;

Hiburu 6:1 Referans Kwoze

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.

2 Korin 7:1

Aha kawas tek handru, Kindrei edeu iri tandrakan doh eme tataha. Eme ma, taha badeh, karuwani iri kandriyen ndra-in ale taha amekes na bada taha o na budon tataha. Ya, taha badeh, kasahan ha-un mara-ei. Taha badeh, katehei budon tataha kili ta Kindrei, ma katehei koha taha mara-ei kili le tan, tasah taha anoh iy.

Aposel 26:20

Jo atiye sahou ma bwena handru ili tiri lau badu Damaskus. Ano ja, jo atiye ili bolo kon Jerusalem ma Judiya mara-ei, ma ili bolo kon leheleh ale. Jo atiye sahou, ta iri karuwani kandriyen ndra-in tiri ki-iu, ma iri katubuni ndrine iri kili ta Kindrei. Ma iri kamekes kandriyen mwasin ta leheya iri ndratubuni ndrine iri handru.

Hiburu 12:13

Eme, “Aha kadek san monen.” Tanan 4:26 Ya, i buku ari ndramak iy badek bamwenen bwe, iy kameh edek amwenen ja.

Metiu 21:32

Tasah, Jon asahan tado bwena ma iy leheya kandriyen mwasin ewek tado, arile ado batehei budon boto-on bala ta aliy bwe. Arile iri lau ta akohok luk taha ta takis, ma hawe iri badih ta madasarah atehei budon boto-on i tan, ma ado atou kandriyen doh, arile ado batubuni budon tado bwe. Ma ado batehei budon boto-on bala ta aliy bwe.”

Hiburu 7:11

Mwena mene iri lau mwan ma badih badu Isra-el akohok kandriyen malen ta Moses. Kandriyen malen nane asehek i buku doh: Iri lau badu boho kamen ta Libai le badeh, kamekes gok ta pris. Arile, i buku gok tiri pris badu boho kamen ta Libai winiyan bwidi iri lau mwan ma badih asahan mwasin labai, i buku sah handru Kindrei asehek ta pris ari ja kameh asahan hamon? I buku sah handru pris doh kameh i buku le Melkisedek? I buku sah iy winiyan bala buku Aron bwe?

Epesus 4:12

Krais edeu iri ndramas doh ta aseben taha mwan ma badih ta Kindrei winiyan amekes gok tan amwenen. Ma gok tan doh ta amekes taha mwan ma badih solo-an ja kasahan kabadok kahis hawen buku badan amwenen.

Tarou ta Jon 12:44

Jises asehek sahou bohon i tinan, “Buku ari ndramak iy atehei budon tan in tek, badeh, ba-en tek le bwe, badeh, in ta are lau nane iy suni jo eme dah.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

2 Korin 7:10

Idoh handru, iri maha-an ale Kindrei atehei udu bolo ndrine iri mwan ma badih badeh, ta leheya iri ta tobolowe ndrine iri, ma Kindrei winiyan akohok iri ame ta manyah mwasin. Ma are mwan o badih edek san doh winiyan batikisiy ta aliy ja bwe. Arile, maha-an ma bwilima kameh asahan ta ndrine iri lau badu kon munyak. Idoh kameh edeu imek ili tiri le kabwe.

2 Timoti 2:19

Arile, sahou ta Kindrei kameh asahan buku iy mene ndratiye. Iri lau a-en hamon ta Kindrei, iri kameh a buku ndru, Kindrei ndratahiy, ma ales udu le ta atah asiu ili bwele-en. Ma udu ta ndru doh badeh, Kindrei torowenei sahou randra i buku doh: “Laban badeh, ndratanan iri mwan ma badih tan.” Namba 16:5 Ya, “Are lau anya, iri ta Kindrei ma Kindrei atondrok iri, ya iri katehei kona iri kili ta kandriyen bamwenen bwe.”

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Tarou ta Jon 14:1

Jises tiye sahou ili toro lau tan, “Ado satikisiy ma ado sabudon solo-an labai. Ado katehei le budon tado mara-ei kili le ta Kindrei ma keme tek ale.

Tarou ta Mak 6:12

Jises asehek sahou ano, ya oro lau tan au ala atiye sahou tan i tiri lau mwan ma badih. Oro asehek i tiri i buku doh: “Aha katubuni kona aha kili tiri kandriyen ndra-in marakon taha, ma katehei budon taha kili ta Kindrei le ari.”

Tarou ta Mak 1:1

Idah sahou mwasin ma mwena asahan ta nyala Jises Krais, Nadu Kindrei.

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

1 Jon 4:12

Ari ndramak batou Kindrei bwe le, arile buku none taha aso-ok ndramak ari ja, Kindrei ereu hawe taha, ma so-ok tan kameh asahan eme lewan in bolo kandriyen tataha ta aso-ok ndramak ari ja, i buku le Kindrei aso-ok taha.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Jemis 1:4

Buku none ado atehei budon handru in ta Kindrei, ma ado a-en hamon ta sahou handru, idoh kameh winiyan sebenei ado ta ales boto-on, ta iri lakou anya kasahan tado. Eme ma, ado kameh asahan lau handru ta Kindrei, ma winiyan barah ta lakou mwasin tan bwe.

Hiburu 11:6

Ari ndramak winiyan babwidi Kindrei basekesek bwe, i buku iy batehei iri budon tan mara-ei handru bala tan bwe. Buku are lau anya kili hawe Kindrei badeh, iy katehei budon mara-ei kili tan, tasah iy Kindrei handru udu aliy, ma iy edeu ndramas ili tiri lau asilah iy handru.

Kolosi 4:12

Epapras edeu bada-an ewek taha. Iy badeh, badu hawe aha amwenen, ma iy lau ta lahou ta Krais Jises. Len mari iy asolom boto-on labai, ma ndremenya Kindrei ta aseben aha kabadok ta iri kandriyen ta Kindrei, ma atanan handru ta iri lakou marakon Kindrei aso-ok.

Kolosi 1:28

Eme ma, ahi aposel badeh, atiye sahou mwasin ta Krais ili tiri mwan ma badih marakon. Ahi leheya iri mwan ma badih ta tanan marakon ahi tawi, ma ahi batanau iri ta iri katondrok iri kamwenen ta a-en hamon tiri sahou marakon ta Kindrei. Tasah, ahi aposel anya katiye iri mwan ma badih ari, ari kala hawe Kindrei. Ma, na len iri asahan hawe Kindrei, ahi aso-ok iri kasahan kamwenen buku Krais ma ahis hawen.

Epesus 2:5

Eme ma, iy mete-ei taha asahan ame awas hawe Krais. Ya, Kindrei bwidi kandriyen mwasin eme tataha, ma iy andrei taha ame hamon.

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

Epesus 2:1

Bwena mene aha mwan ma badih ado buku iri lau ndramak. Tasah, aha tebelese sahou ta Kindrei, ma amekes iri kandriyen solo-an ndra-in.

1 Korin 13:10

Arile, hamon kameh, iri lakou mwasin labai ja kameh asahan, ma iri lakou sese sese nane udu kada-ah kameh ano iu.

Aposel 17:30

Len bwena mene, Kindrei anyolom lau badeh, bala tanan iy bwe, ya iy batiye iri ta lakou iri amekes laleyah bwe. Arile, na len dah ja, iy batanau lau mari badu heh, badu heh badeh, katubuni ndrine iri.

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Metiu 7:25

Ya ur undruk eme andri, ma wadah in gwa ma siyer atohou boto-on ili isos bada asiu. Arile batohowei asiu bwe, tasah asiu doh ndru ta aliy ili ihis bada bek.

Metiu 5:48

Ou ado le mwasin handru i le buku tamam udu kandrah udu le mwasin handru.”

1 Timoti 6:19

Ya, ki buku none oro kamekes kandriyen doh, idah kameh, oro atukum toro le lakou mwasin labai, ta udu le buku doh na len hamon kameh eme. Ya idah kameh, oro winiyan kuhi koha oro handru.

Tarou ta Luk 6:48

Iy badeh, i buku none ndramak a-eh ndru ta asiu tan udu bada ndren boto-on. Ya eme na len ta wadah atohou badeh, batoho-ei asiu tan bala andri bwe. Tasah, ndru-u asiu tan badeh, boto-on.

Metiu 21:29

Nadun tiye tan buku doh, ‘Jo bwalek.’ Arile hamon iy tubuni budon tan ja ya iu ili ibo gok.

1 Korin 2:6

Handru, ahi aposel atiye sahou ta tanan handru ili tiri lau, ale iri ndra tinan ndra-en. Arile, tanan dah ta kon munyak bwe. Ma tanan dah ale, iri lau boto-on ta atondrok kon munyak badeh, bakohok bwe. Iri boto-on nane doh nyamu iri iu laleyah.

Kolosi 3:14

Kandriyen ta aso-ok iri mwan ma badih badeh, ere bwele-en labai mara-ei ja tiri kandriyen rayah ja mene ndrasehek ndrawek taha. Ma iy badeh, atehei iri kandriyen mwasin marakon ili le winiyan, ma iy tawi ndrine aha mari i le se.