Hiburu 5:9 - Nyindrou

⁹ Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Hiburu 5:9 Referans Kwoze

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

Hiburu 2:10

Kindrei badeh, iy kati iri lakou marakon, tasah iy bwidi iri lakou marakon. Ma iy aso-ok ta akohok nadun iri kala hawen kakohok lomadan mwasin. Eme iy atehei budon in ta nadun ta kamekes iri gok ta akohok iri lau mwan ma badih kame hamon ja, iy eme atehei Jises eme akohok sisi-in tinan labai. Ta sisi-in doh le, ma iy atehei Jises udu bwena ta aseben iri lau mwan ma badih. Kindrei amekes iri kandriyen marakon doh amwenen le ai.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Hiburu 9:12

Iy ili bolon alih nane ndrabun ndrabun labai en, iy bakohok ndraye ari me ma bulumakau ta adeu salom i ta Kindrei, bwe. Iy amekes salom badeh, san rasan le, iy atehei kohan ma ndrayen amwenen ili ta Kindrei. Kohan ma ndrayen doh winiyan bano bwe, eme ma, iy winiyan sebenei taha ta udu le buku doh.

Aposel 5:32

Ya, eme aso dah badeh, anyolom lakou mari doh, na mada aso amwenen. Ma hawe Malawin Ndrabun ta Kindrei ale bwidiy aleu iri lakou doh. Kindrei badeh, winiyan edeu Malawin i tare lau, buku none iy anuhun bohon.”

1 Pita 1:22

Ya na idah, aha ndranuhun sahou handru nyala Krais, ma iy ndramani iri kandriyen ndra-in taha mari, ma aha ndrasahan lau ha-un. Ma iy ndramesekei aha ndraso-ok ndramak ari ja ta Kindrei. Aha badeh, kaso-ok ndramak ari ja na budon hawe ndrine aha handru na len mari.

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

2 Tesalonaika 1:8

Udu bolo len doh kameh iy edeu ndramas ndra-in ili tiri mwan ma badih baso-ok Kindrei bwe, ma iri bwale iri ta a-en hamon ta sahou mwasin ta Laban tataha Jises Krais.

La-ukei ta Pol atorou ili tiri lau badu kon Rom 2:8

Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

La-ukei ta Pol atorou ili tiri lau badu kon Rom 1:5

Na iy le badeh, Kindrei atehei lahou dah eme kani aso, ma iy atehei seben eme taso ale, eme ma aso asahan aposel i nyara Krais ta atiye sahou, hawe kaliu iri lau badu kon leheleh mari kanuhun sahou, ma katehei budon tiri handru ki ta Kindrei.

2 Korin 10:5

Boto-on ta Kindrei le winiya sani sahou tebelese tiri lau anya kamekes, ma iri budon mara-ei nane turuki san tiri mwan ma badih anya katanan Kindrei. Ma na le boto-on ta Kindrei, badeh, kameh ahi winiyan ta aruwi budon tiri mwan ma badih nane amekes bahun i ta Kindrei, ma katubuni ndrine iri ka-en hamon ta budon ta Krais.

La-ukei ta Pol atorou ili tiri lau badu kon Rom 15:18

Ma eme jo winiyan basehek ta nyala sasah ja bwai; arile jo le kameh asehek ta nyala sasah Krais atehei eme kanik ta amekes iri lau badu leheleh kanuhun boho Kindrei i san ta sahou mwasin ma tanan handru, jo asehek.

2 Timoti 2:10

Eme ma jo sekesek ta ato-ou iri maha-an mari ale asahan tek. Jo bwese iri maha-an ta aseben iri mwan ma badih marakon Kindrei ndrandromwei iri ndrala tan, ma jo anya, iri kameh kakohok kohan handru ta Jises Krais doh, ma iy kameh winiyan andrei iri ala ado hawen are kandrah ta are le buku doh.

La-ukei ta Pol atorou ili tiri lau badu kon Rom 10:16

Arile, iri lau solo-an badu Isra-el baseken sahou mwasin bwe, oro rayah le. Aisaya amwenen asehek i buku doh, “Laban, are lau handru atehei budon tan in ta sahou tam aso ndrasehek.” Aisaya 53:1

La-ukei ta Pol atorou ili tiri lau badu kon Rom 6:17

Arile, wurah ki ta Kindrei! Tasah, na len ndra-au aha asahan bonyo-ou ta karei ma lomondra ndra-in; arile ano ja, aha anuhun sahou handru na ndrinem mari udu bolo leheya aha akohok dah.

Hiburu 2:3

Buku taha teleya lakou laba tinan ta akohok taha, taha katobwak barala buku sah handru? Laban ndrasehek nyala seben doh ma bwena ndrame tataha, eme iri lau nane anuhun sahou tan, ame asehek tataha ja, “Sahou doh ndra handru le.”

Tarou ta Jon 19:30

Jises anyuwi waen nane dah ano, ma iy anya, “Kabwai, lahou mara-ei ndrano.” Iy eme atehei batun i andri ma iy ruwani kohan ma iy imek.

Metiu 17:5

Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

La-ukei atorou Jut 1:21

Kindrei aseken aha handru, ya aha katehei aha kado ndra mirihik ta so-ok tan, buku aha abe-en ta tikisiy ta Laban tataha Jises Krais atiye kohan handru ta udu le buku doh ewek taha.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

Hiburu 11:40

Tasah, mwena mene Kindrei lowosani lakou ari doh mwasin labai tataha marakon. Eme iy bwalen ta iri lau mwan ma iri badih mwena doh kasahan mwasin kare mwena tataha. Iy aso-ok taha badeh, kasahan mwasin labai hawe iri, ma taha marakon ka le se kakohok lakou nane iy ndralowosaniy tataha.

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Tarou ta Luk 13:32

Arile, Jises tiye i toro, “Ado kala katiye ta mwi badu lokei badeh, anya, ‘Jo kameh udu gwek atikah iri malawin ndra-in au, hawe amekes iri lau sik udu tiri iu na dah, ma hawe na bi-i, ano na atoha, lahou tek barano adeh.

Aposel 4:12

Taha badeh, winiyan batakalahei ari seben bare ta ari lau ja bwe; tasah ari lau udu baha kandrah ja kada-ah atehei iy ki nyara seben tataha bwe.”

Pilipai 2:12

Eme ado borobwar tek, i buku none ado mene ndranuhun boho Kindrei na len mari ndra-au ndra-au badeh, ado kamekes ja. Ado samekes na len le, jo udu hawe ado, ndri-iy. Arile na dah, i buku none jo bado hawe ado bwe, ado ari ari kamekes kandriyen mwasin doh, kasahan tinan kili kili udu bada nohonoh i ta Kindrei, i buku none Kindrei sebenei ado.

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.