Hiburu 5:6 - Nyindrou

⁶ Ndrado bolo buk ndrabun sese kede-eh Kindrei tiye i buku doh: “Ou kameh asahan pris ta udu le buku doh, in hamon ta gok ta pris ari mene nyaran Melkisedek.” Wari 110:4

Hiburu 5:6 Referans Kwoze

Hiburu 7:17

Kindrei asehek i tan i buku doh: “Ou kameh asahan pris ta udu le buku doh, in hamon ta gok ta pris ari mene nyaran Melkisedek.” Wari 110:4

Hiburu 7:21

Eme Kindrei le tandrakan, ano iy atehei Jises asahan pris. Udu bolo buk ndrabun ta Kindrei asehek i buku doh: “Laban ndratandrakan, ‘Ou kameh asahan pris ta udu le buku doh,’ eme iy winiyan batubuni budon tan ja bwe.” Wari 110:4

Hiburu 7:3

Melkisedek iy ari taman ma tinen bwe, iy ari tubun bwe ale, ari len ta tinen edeu iy bwe, o ari len ta iy imek bwe le. Iy ari saren bwe. Eme ma gok tan ta pris kameh ta udu le buku doh, i buku Nadu Kindrei.

Hiburu 5:10

Eme ma Kindrei atehei iy asahan tinan tiri pris, ma iy asehek i buku doh, “Ou kameh asahan tinan tiri pris in hamon ta gok ta pris ari mene nyaran Melkisedek.”

Hiburu 6:20

Ta akohok kon tataha, Jises ndrala mwena tataha ndrala bolo asiu ndrok doh. Eme ma iy ndrasahan tinan tiri pris ta udu le buku doh, in hamon ta gok ta pris ari mene nyaran Melkisedek.

Hiburu 7:15

Handru, iri pris badu boho kamen ta Libai winiyan basebenei mwan ma badih asahan mwasin ta mada Kindrei bwe. Kati sahou dah aleu mara-ei labai, buku taha abudon ta pris ari nane doh kameh asahan i buku le Melkisedek.

Hiburu 7:8

Iri Libai badeh, akohok lakou ranah tiri Isra-el, arile udu, iri Libai amak. Arile Melkisedek doh iy akohok lakou, arile iy bamak bwe. Iy udu le buku doh, i buku le buk ndrabun asehek.

Hiburu 7:11

Mwena mene iri lau mwan ma badih badu Isra-el akohok kandriyen malen ta Moses. Kandriyen malen nane asehek i buku doh: Iri lau badu boho kamen ta Libai le badeh, kamekes gok ta pris. Arile, i buku gok tiri pris badu boho kamen ta Libai winiyan bwidi iri lau mwan ma badih asahan mwasin labai, i buku sah handru Kindrei asehek ta pris ari ja kameh asahan hamon? I buku sah handru pris doh kameh i buku le Melkisedek? I buku sah iy winiyan bala buku Aron bwe?