Hiburu 5:5 - Nyindrou

⁵ Ma Krais ale i buku aliy. Iy batudun nyaran ta asahan tinan tiri pris bwe. Kindrei le atehei iy ili aliy ta amekes iri gok doh. Kindrei eme tiye i tan: “Ou naduk handru, Na dah jo ndrasahan tamam kabwe.” Wari 2:7

Hiburu 5:5 Referans Kwoze

Tarou ta Jon 8:54

Jises eme asehek i toro i buku doh, “Buku jo katudun nyarak amwenen, idah kameh basahan bala mwasin bwe. Iy ndramak nane masiye jo badeh, tama amwenen. Aha nane aloh iy Kindrei taha en?

Hiburu 1:5

Bwena mene Kindrei tiye i ta nadun i buku doh, “Ou naduk handru, Na dah jo ndrasahan tamam kabwe.” Wari 2:7 Kindrei basehek bala toro angelo tan bala buku doh bwe. Arile iy asehek nadun: “Jo kameh tamam, ma ou kameh naduk.” 2 Samuwel 7:14; 1 Kundruh 17:13

Tarou ta Jon 7:18

Are lau iy asehek sahou na le budon tan amwenen badeh, iy ta atudun le nyaran. Arile, are lau iy anya katudun nyara ndramak nane iy suni iy eme, iy ndramak doh asehek sahou handru. Iy ta wendreya bwe.

Aposel 13:33

iy ndramesekei ndrasahan handru, ndrame tato nadu oro, i san ta iy suri Jises amak eme loken ja ta imek tan. I buku none ndratorowenei mene udu bolo wari la-uh ta Buk Wari tiye i buku doh: ‘Ou badeh naduk handru. Na dah jo ndrasahan tamam kabwe.’ Wari 2:7

La-ukei ta Pol atorou ili tiri lau badu kon Rom 8:3

Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

Hiburu 1:1

Bwena mene Kindrei asehek sahou ili ta tubu taha iri san solo-an, ma i san solo-an labai ili tiri propet.

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

Hiburu 5:10

Eme ma Kindrei atehei iy asahan tinan tiri pris, ma iy asehek i buku doh, “Ou kameh asahan tinan tiri pris in hamon ta gok ta pris ari mene nyaran Melkisedek.”