Hiburu 5:2 - Nyindrou

² Iy tanan, iy nyamun bwe, ma iy winiyan bamekes iri lakou solo-an bwe. Eme ma iy amekes amunum le ili tiri lau tana iri lakou bwe, ma ta iri lau ndramani san mwasin ta Kindrei.

Hiburu 5:2 Referans Kwoze

Hiburu 4:15

Tasah, nyamu taha amwenen winiyan batisih iri kandriyen ndra-in iu bwe. Arile tinan tiri pris tataha amwenen doh, iy le ari winiyan tikisi taha. Tasah, iri maha-an asahan tataha, badeh, mene ndrasahan tan ta none iy ale. Arile iy bamekes ari kandriyen ndra-in bwe.

Hiburu 2:18

Iri lakou marakon doh ndrasahan tan, iy le ari eme badeh, akohok sisi-in ta aliy. Eme badeh, ma iy winiyan sebenei iri lau marakon, i buku lakou ndra-in anya kawendreya iri.

Hiburu 7:28

Kandriyen malen ta Moses ta akohok ndramak asahan tinan tiri pris, iri akohok ndramak nyamun bwe, ma iy ta amekes kandriyen ndra-in. Arile sahou ma tandrakan ta Kindrei badeh, asahan hamon labai ta kandriyen malen ta Moses. Eme ma sahou nane doh, atehei nadun asahan tinan tiri pris handru. Iri gok mari Kindrei aso-ok iy kamekes, iy bwidi marakon ndrano, ma ndra mwasin le ai.

Hiburu 12:13

Eme, “Aha kadek san monen.” Tanan 4:26 Ya, i buku ari ndramak iy badek bamwenen bwe, iy kameh edek amwenen ja.

Galesiya 4:13

Aha ndratana aha, ma mwena handru mene jo atiye sahou mwasin ewek taha badeh, sik le sahei, ma jo asehek sahou ta Kindrei mwasin ewek taha.

2 Korin 12:5

Eme ma, jo anya katudun nyara ndramak doh. Arile, jo winiya batudun nyarak ja bwai. Jo winiyan asehek le ta jo nyamuk bwe, ma jo winiyan atudun nyarak ta lakou doh le.

1 Timoti 1:13

Jo mene bobose nyaran, ma jo mene idi iri lau tan, ma jo badeh, ndramak ta tebelese i badan. Badeh mene, tasah jo batehei budon handru bala tan bwe, ma jo bala tanan iy bala mwasin bwe. Arile, iy tikisi jo labai.

2 Korin 11:30

Aha mara-ei kanuhun! Sebwe, jo ari madasan ja bwai, ta atudun nyarak amwenen. Eme ma, jo winiyan batudun nyarak ta iri lakou leheya, jo nyamuk, bwe. Jo anya katudun nyarak ta iri lakou leheya jo i buku ari ndramak laleyah.

Tarou ta Luk 22:32

Arile, Saimon, jo badeh, ndrasolom ta budon handru tam sataku. Ya, i buku none ou taku, ou badeh, tubuni ndrinem ma ou aseben budon toro kirih ja.”

Epesus 4:18

Budon ma ndrine iri badeh, ari tanan ta lakou ta Kindrei badeh, bado se aliy bwai. Iri a buku iri lau adek na lulik, ma iri bateu sun ta lomada san tiri bwe. Ya, ari tanan mwasin bwai, ndrine iri ihis, ma iri baso-ok sahou ta Kindrei bwe. Eme ma, iri are len labai ta kohan mwasin, Kindrei edeu ili tiri lau.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 9:7

Arile, tinan tiri pris le winiyan ili bolo asiu ndrok ndrabun ndrabun labai nane doh. Buku iy babwese ndraye bulumakau o sipsip bwe, iy winiyan bala bolo asiu ndrabun doh bwe. Iy ili bolon san rasan le ta bolo jaha ari, ma ndra udu minen ta salom tan amwenen, ma ta salom tiri lau nane amekes kandriyen ndra-in, arile iri bala tanan ta idoh kandriyen ndra-in bwe.

Jemis 5:19

Aha nadu tine mwan ma badih ta Kindrei, buku ari taha iy ndraruwani sahou handru ta Kindrei, ya iy ndrataku ndrala bolo iri kandriyen ndra-in, ya ari tataha badeh, kandrei iy keme hamon ja, nadu tine taha nane doh badeh, amekes kandriyen mwasin labai mara-ei ta akohok iy eme hamon ja.

1 Pita 2:25

Aha mene ndranyon buku none sipsip, ari ndramak ta tondrok iri bwe. Arile na dah, aha ndrame hamon hawe ndramak ta tondrok, ya iy kameh tondrokei malawi aha ma koha aha udu mwasin handru.