Hiburu 5:11 - Nyindrou

¹¹ Sahou solo-an labai ta nyala lakou dah, arile boto-on labai ja ta leheya aha, tasah aha winiyan bakohok bolo sahou dah suwi bwe.

Hiburu 5:11 Referans Kwoze

Metiu 13:15

Tasah, ndrine iri ndraso, ma ndranye iri ndrawoyah ta anuhun sahou. Ya iri ndraturuki mada iri. Kora-on mada iri katou, ma ndranye iri kanuhun, ma budon tiri ki tanan, ya iri katubuni ndrine iri keme tek, ma jo kabwidi iri kamwenen ja.’ Aisaya 6:9-10

2 Pita 3:16

Iy atorou i randra le udu bolo la-ukei tan mari asehek ta nyala iri lakou doh. Ya udu bolo la-ukei tan mari doh, tanan rayah badeh, boto-on labai ta atanan. Eme ya iri lau ta leheya tanan ta wasai badeh, tana iri handru ta sahou handru ta Kindrei bwe. Ma budon tiri badeh, bado rasi bwe. Ya eme iri akohok sahou ta Pol ja badeh, iri tobolowe i randrah ja, i nyara tiri amwenen, ma leheya iri lau na aliy. Ma iri ale amekes i buku le aliy ta sahou ta Kindrei rayah ja udu bolo tarou tan. Ya eme udu hamon kameh, Laban aleben kandriyen tiri ano, ma iy kameh akeh iri ala bolo jih.

Aposel 28:27

Tasah, budon tiri lau doh badeh, ndrandra-i, ma ndranye iri ndrawoyah ta anuhun iri sahou, ma iri ndratubuluhi mada iri. Kora-on iri kanyolom iri lakou, ma kanuhun iri sahou, ma iri katanan kati sahou handru, ma iri katubuni ndrine iri, ma kame hawek, ma jo kameh bwidi iri asahan mwasin ja.’ ” Aisaya 6:9-10

Tarou ta Jon 16:12

“Sahou tek solo-an labai ta asehek ewek taha, arile na dah kameh aha winiyan bakohok bolo iri sahou tek bala mwasin bwe.

Tarou ta Jon 6:6

Iy ndremenya doh ta none ndrine Pilip. Tasah, lakou marakon badeh, iy ndrabwetenei ndrano ta iy kameh amekes.

Tarou ta Luk 24:25

Eme iy tiye turu anya, “Ah badeh, ndra bwe oh, ma ndrine ah badeh, edek amunum labai ta budon handru ta lakou mari mene iri propet asehek!

Tarou ta Mak 8:21

Eme Jises tiye i toro, “Budon tado kede-eh baleu bwe le?”

Hiburu 5:10

Eme ma Kindrei atehei iy asahan tinan tiri pris, ma iy asehek i buku doh, “Ou kameh asahan tinan tiri pris in hamon ta gok ta pris ari mene nyaran Melkisedek.”

Hiburu 5:12

Aha akohok tanan badeh, luluwen labai, eme ma Kindrei aso-ok aha kaleheya iri rayah ja ta sahou tan. Arile aha winiyan bwe, aha aso-ok ari ndramak kudu ndra hawe aha kaleheya aha ta sahou handru ta Kindrei mara-ei kili hamon ja. Akohok kon ta nyamon boto-on, aha aso-ok ta a-un sur kahis.