Hiburu 4:7 - Nyindrou

⁷ Iri winiyan akohok, tasah Kindrei ndratehei len tan ari ja, ta taha mwan ma badih winiyan ala bolo amunyau tan. Kindrei luhi nyara len doh “Na dah” ja. Bwena mene Kindrei tiye iri Isra-el, eme ma Debit torowenei ili bolo buk ndrabun: “Buku aha anuhun bohok na dah, aha satunuhun bohok ja ai.” Wari 95:7-8

Hiburu 4:7 Referans Kwoze

Hiburu 3:15

Buk ndrabun nane asehek: “Buku aha anuhun bohok na dah, aha satunuhun bohok ja ai. Aha sala buku tubu aha iri bwena mene tebelese ma banuhun sahou tek bwe.” Wari 95:7-8

Metiu 22:43

Jises ndremenya oro ja i buku doh, “Ya i buku sah handru ya Malawi Ndrabun atehei budon i ta Debit ya Debit aloh ndramak nane ‘Laban’? Debit asehek i buku doh,

Aposel 28:25

Eme ma iri asehek sahou solo-an ta andres ere ndrokowa iri le amwenen, ma iri kadek ka-au. Arile, ma mwena badeh, Pol sihidi sahou randra i tiri i buku doh, “Malawin Ndrabun badeh, asehek sahou handru ili ta tubu taha iri eme boho propet Aisaya. Iy asehek i buku doh:

Aposel 2:31

Debit ndratanan ta lakou doh, Kindrei anya kamekes hamon, ma iy ndratanan Krais nane, iy kamak udu bolo lek tan keme awas ja. Eme ma iy tiye i buku doh, Kindrei kameh winiyan baruwani iy bado ndrahune iri lau amak ado aliy bwe, ma badan kameh winiyan babola bwe.

Tarou ta Luk 20:42

Tasah, udu bolo buk Wari ta Debit tiye i buku doh, ‘Laban Kindrei tiye i ta Laban tek i buku doh: “Ou ame manyah ado loboho minek salin,

Tarou ta Mak 12:36

Taha ndratanan, bwena mene Malawin Ndrabun atehei budon i ta Debit le tiye i buku doh, ‘Laban Kindrei tiye i ta Laban tek i buku doh: “Ou ame manyah ado loboho minek salin winiya jo le baratehei iri lau ta amekes budon ndra-in i tam barado bahandra katim.”’ Wari 110:1

Aposel 2:29

“Ado nadu tine, jo katiye tado kamwenen. Tubu taha Debit mene imek ma ahi iy. Ya lek tan asah udu hawe to kahis le eme taku dah.