Hiburu 4:6 - Nyindrou

⁶ Idoh ta leheya taha. Iri lau ma bwena mene anuhun sahou mwasin, arile iri bandrei amunyau doh bwe, tasah iri batehei budon tiri bala tan bwe. Arile, na dah, lau winiyan akohok amunyau doh kahis.

Hiburu 4:6 Referans Kwoze

Metiu 21:43

“Ya jo asehek tado, Kindrei kameh kuhi tondrok tan ereu mine aha lau badu Isra-el eme hamon, ya iy kameh atehei ili mine iri lau ra-on ja ale winiyan a-en hamon ta so-ok tan amwenen.

Hiburu 4:2

Taha ndranuhun iri sahou mwasin, i buku le bwena mene iri Isra-el anuhun. Iri anuhun, arile baseben iri bwe, tasah iri batehei budon tiri mara-ei bala ta sahou nane iri anuhun bwe.

Aposel 28:28

Ma Pol isan sahou tan ta ano i buku doh, “Buku aha ndratanan, sahou dah ta lahou mwasin Kindrei amekes ta akohok taha ame hamon ja, badeh, Kindrei ndratehei ndra-au ndrala tiri lau badu kon leheleh. Iri kameh winiya anuhun amwenen!”

Hiburu 4:9

Taha lau ta Kindrei ndratanan, len ta Kindrei ta amunyau udu kede-eh kahis. Amunyau doh i buku le Kindrei amunyau udu bada len ma ndro taloh.

Galesiya 3:8

Sahou ta Kindrei badeh, ndrasehek ndra bwena, ta iy kameh aloh iri lau badu leheleh mwasin mara-ei ta madan i san ta budon handru le. Eme ma iy ndrasehek ndra ta Abraham ta sahou mwasin ta Krais i buku doh, “Na lundriyem oro le kameh, jo kameh edeu nyosowan i la-u iri lau mari badu munyak.” Jenesis 12:3; 18:18; 22:18

1 Korin 7:29

Aha nadu tine, jo asehek taha i buku doh, tasah len ta Laban anya keme hamon ja badeh, ndrame mirihik labai. Eme ma, len dah ili, budon tiri lau mwan, udu iri ere aliy, sahis labai ta kandriyen ta tasou le. Kasahan buku budon ta ndramak bala tasou bwe, budon tiri badeh, ihis ta gok ta Laban.

Hiburu 4:11

Taha kabadok ta akohok amunyau doh. Kora-on ari mwan o badih in hamon ta kandriyen ta tebelese boho Kindrei, i buku le iri Isra-el bwena mene amekes, ma iri taku.