Hiburu 4:3 - Nyindrou

³ Idah, are lau iri atehei budon tiri mara-ei ndrala ta Kindrei, idah kameh iri winiyan ala bolo kon tan ta amunyau. Idoh mene Kindrei abudon ta lakou nane doh ma iy asehek: “Eme ndrinek ibolosen ma jo asehek, ‘Jo ndratandrakan loken handru, iri winiyan bala bolo kon tek ta amunyau doh bwe.’ ” Wari 95:11 Handru, Kindrei ndrabwidi gok tan ta amekes iri lakou marakon ndrano ndra bwena, arile iy tiye iri sahou doh, tasah iri lau batehei budon tiri bala tan bwe, eme ma iri winiyan bala bolo kon tan ta amunyau bwe.

Hiburu 4:3 Referans Kwoze

1 Pita 1:20

Bwena mene Kindrei babwidi kon munyak dah bwe le badeh, iy ndranyowonyani Jises Krais ta amekes gok ta akunoh taha ame hamon. Ya, na len dah, Kindrei ndraleheyani iy ndrame lewan udu kala iy mene imek ereu bada kei tondreh ereu mada lau mari. Iy imek ta aseben taha lau mara-ei badu munyak.

Hiburu 9:26

Buku iy amekes san solo-an, idah kameh iy kabwese maha-an san solo-an labai, udu ndra bada len Kindrei amekes kon munyak asahan eme ano dah. Arile, na dah taha ndratanan, Krais ndrame kon munyak san rasan le ta edeu iy le amwenen ili ta Kindrei i nyara salom ta talou iri kandriyen ndra-in tataha iu.

Epesus 1:4

Kindrei bamekes kon munyak bwe le badeh, iy ndratehei taha ndrahis hawe Krais. Eme ma, taha kameh winiyan ado mwasin, ma ndrabun, ma ari ndra-in winiyan bado madan bwe.

Jenesis 1:31

Eme Kindrei anyolom lakou mari iy mwesekei doh badeh ma iy sekesek handru ta aliy. Ano kon eben ano kon aleu badeh len onoh ai.

Hiburu 3:11

Eme ma ndrinek ibolosen ma jo tandrakan iri, ‘Aha winiyan bala bolo kon tek ta amunyau bwe.’ ” Wari 95:7-11

Metiu 13:35

Na kandriyen doh, Jises mesekei eme handru sahou randra propet ndratiye in bolo buk ndrabun. Iy tiye i buku doh, “Jo kameh asehek sahou sokek ewek taha, ma jo kameh asehek kundruh ta iri lakou solo-an bwena mene aton, kala munyak asahan, eme isos na len dah.” Wari 78:2

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.