Hiburu 4:16 - Nyindrou

¹⁶ Taha sanoh ta ala mirihik ta koyeu ta Kindrei, iy ndrinen mwasin ma iy ta tikisiy. Iy winiyan aseben taha, buku maha-an tataha tinan labai, ndrinen mwasin ma tikisiy tan kameh winiyan sebenei taha.

Hiburu 4:16 Referans Kwoze

Epesus 3:12

Taha ndrahis hawe Krais na budon tataha. Jises badeh, san tataha ta ili asahan hawe Kindrei. Eme ma, taha winiyan banoh ta ame hawen bwe. Tasah, taha tanan iy kameh sekesek labai ta taha ame hawen.

Hiburu 7:25

Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Hiburu 13:6

Eme ma, taha winiyan amekes budon tataha abadok, ma amekes i buku le ta sahou udu bolo buk ndrabun asehek, “Laban kede-eh iy aseben jo. Jo winiyan banoh bwe. Iri lau kameh winiyan bamekes kandriyen ndra-in bame tek bwe, ma iri winiyan babwidi jo bamani seben ta Kindrei bwe.” Wari 118:6-7

1 Pita 2:10

Bwena aha nyara aha bwe, arile idah aha ndrasahan lau handru ta Kindrei. Bwena mene aha ba-en baha tondrok ma tikisiy tan bwe, arile idah aha ndrame bahandra tondrok ma tikisiy tan.

Epesus 2:18

Sahou doh handru. Tasah, na Krais le ari, taha lau marakon akohok Malawin ari le nane doh, ndrasihi san, ta taha winiyan asahan hawe tama taha Kindrei.

Hiburu 7:19

Iy babwidi ari lakou basahan bala mwasin bwe. Eme ma Kindrei sihi madasan rasan ja, idoh udu mwasin ja ta kandriyen malen. Taha atondrok madasan doh, eme ta madasan le doh, taha kameh winiyan ala mirihik ta Kindrei.

Hiburu 9:5

Udu bwele-e bwisi lakou nane doh, iri bwidi lakou la-uh, kone uru buku angelo. Uru doh leheya lomada Kindrei i buku iy udu bwele-e bwisi lakou doh. Udu bahandra koroha bani uru, kon ta leheya tikisiy ta Kindrei udu aliy. Kon doh ta toboroya ndra ta mani kandriyen ndra-in tiri lau iu. Arile, na dah, jo winiyan basihidi kati iri sahou marakon doh bwai.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.