Hiburu 4:14 - Nyindrou

¹⁴ Tinan tiri pris tataha badeh, in aliy. Nyaran Jises, iy Nadu Kindrei. Iy ndra-au ndrala kandrah hawen. Eme ma taha katawi iri budon marakon nane taha ndrasehek ndrala tiri lau badeh, kihis mara-ei.

Hiburu 4:14 Referans Kwoze

Hiburu 9:24

Krais bala bolo asiu ndrabun nane lau atah na mine iri amwenen bwe, idoh malawi le asiu ndrabun handru ta Kindrei udu kandrah. Iy iu ili bolo kandrah amwenen. Iy ndrala mirihik hawe Kindrei, iy asehek taha i tan ma iy amekes gok ta aseben taha ale.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Hiburu 10:23

Taha ndrasehek iri budon tataha ndrame len, eme ma taha atondrok iri lakou mwasin nane Kindrei anya kedeu keme tataha. Taha katawi kihis iri lakou doh, ma taha sanoh ta aliy. Tasah, taha ndratanan, lakou marakon Kindrei ndratandrakan ta amekes o edeu, idah kameh, iy bwidiy handru.

Hiburu 9:12

Iy ili bolon alih nane ndrabun ndrabun labai en, iy bakohok ndraye ari me ma bulumakau ta adeu salom i ta Kindrei, bwe. Iy amekes salom badeh, san rasan le, iy atehei kohan ma ndrayen amwenen ili ta Kindrei. Kohan ma ndrayen doh winiyan bano bwe, eme ma, iy winiyan sebenei taha ta udu le buku doh.

Hiburu 6:20

Ta akohok kon tataha, Jises ndrala mwena tataha ndrala bolo asiu ndrok doh. Eme ma iy ndrasahan tinan tiri pris ta udu le buku doh, in hamon ta gok ta pris ari mene nyaran Melkisedek.

Epesus 4:10

Ya, ndramak doh ma mwena iy iu ili andri, ano ja iy iu ili loken ale. Iy iu ili loken kon handru ta Kindrei udu aliy ta iri lakou marakon winiyan idih na le Krais.

La-ukei ta Pol atorou ili tiri lau badu kon Rom 8:34

Are lau winiyan tiye anya taha ndrandra-i? Lau bwe! Krais Jises le badeh, mene imek, ya eme ja, iy amak eme loken ili manyah udu kabede taman loboho lim salin! Ya eme iy le aseben taha na sahou.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 10:12

Arile Krais badeh, atehei iy i nyara salom ili ta iri kandriyen ndra-in, eme ma gok tan i buku pris asahan mwasin labai ta udu le buku doh. Ano iy iu ili manyah udu loboho mine Kindrei salin.

Hiburu 8:1

Eme ta kati sahou nane dah, taha ndrasehek i buku doh: Tinan tiri pris tataha udu aliy, eme iy ndrala ndramanyah udu loboho limen salin ta koyeu ta kabin badu kandrah.

Aposel 1:11

Eme uru anya, “Ado lau badu Galili. Ado ales ado kede-eh, anyolom i kandrah, ta sasah handru? Iy ndramak Jises le doh, kameh, ado anyolom, andrei iy ndra-au ndra kandrah; idah kameh, ado anyolom iy eme andri ja kameh i le buku none ado anyolom iy i loken doh.”

Hiburu 1:8

Arile iy asehek ta nadun: “Tondrok tam, O Kindrei, ta udu le buku doh, winiyan bandra-i bwe! Ou tondrokei iri lau tam kado le tiri kandriyen mwasin.

Aposel 3:21

Jises kameh udu kandrah udu gwek, winiya le len Kindrei anya kamekes lakou mari kasahan ha-un ja, i buku none iy mene ndrasehek i tiri propet tan ndrabun mwena mene.

Tarou ta Luk 24:51

Eme iy edeu nyosowan i la-u oro le badeh, ma Kindrei andrei iy iu i loken bolo kandrah.

Tarou ta Mak 16:19

Ya eme Laban Jises asehek sahou i toro ano, ma Kindrei andrei iy iu i loken bolo kandrah, ma iy ili manyah udu loboho mine Kindrei salin.

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

Tarou ta Mak 1:1

Idah sahou mwasin ma mwena asahan ta nyala Jises Krais, Nadu Kindrei.

Metiu 4:3

Ya balik eme asahan hawen, ma iy tiye i buku doh, “I buku none ou anya ou Nadu Kindrei, ou asehek sahou kili toro bek dah kasahan jabi ramen.”

2 Korin 9:13

Gok aha amekes dah ta aseben iri lau mwan ma badih ta Kindrei, kameh leheya i buku doh: Aha badeh, aso-ok labai ta aseben iri lau rayah ja. Eme ma, iri kameh atudun nyara Kindrei. Tasah, iri kameh atanan aha badeh, a-en hamon le ta sahou ta Kindrei, ma atiye sahou mwasin ta Krais. Ma ale, udu bolo iri lau ta Kindrei badu Judiya akohok ndramas dah, ma iri kameh winiya atanan aha anya kadeu luk ta aseben iri rayah ale. Iri kameh atudun nyara Kindrei iu ili loken mara-ei.

2 Korin 12:2

Jo tanan ndramak ta Krais ari. Udu bolo jaha ronoh hahuw (14) ndra-au, Kindrei badeh, andrei iy ma mwasin iu ili bolo kandrah loken, loken labai handru on. Sebwe, iy ma mwasin o malawin le, jo bala tanan bwai. Kindrei le ari badeh, tanan ai.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

Hiburu 6:6

Buku oro taku, ma atehei kona oro ili ta Kindrei, ari madasan ta akohok oro ame hamon ame len ta iri kandriyen ndra-in ja bwe. Ta kandriyen toro le doh, oro tatahi Nadu Kindrei ja ili bada kei tondreh, ma oro abolei iy udu mada iri lau marakon.

Hiburu 7:3

Melkisedek iy ari taman ma tinen bwe, iy ari tubun bwe ale, ari len ta tinen edeu iy bwe, o ari len ta iy imek bwe le. Iy ari saren bwe. Eme ma gok tan ta pris kameh ta udu le buku doh, i buku Nadu Kindrei.

Hiburu 10:29

Ya, taha winiyan atanan handru, are mwan o badih atehei konan i ta Nadu Kindrei, iy kameh akohok maha-an tinan labai. Tasah, ndraye sahou randra le ta Krais mene bwidi ndramak doh asahan ndrabun. Arile, iy ndramak nane doh ja amekes ndraye sahou randra le i buku ari lakou ndra-in laleyah. Ma iy ale amekes kandriyen ndra-in handru, ili ta Malawin Mwasin ta Kindrei, iy nane tikisi taha.

1 Pita 3:22

Ya idah Krais ndrala loken ndrala bolo kandrah, iy ere loboho lim salin ta Kindrei. Ma Kindrei ndratehei nyaran ndra tinan, ma atehei boto-on i tan, ta iy atondrok iri angelo hawe iri lakou boto-on handru badu kandrah ma munyak. Iri lakou mari ja badeh, ereu bahandran ale.