Hiburu 4:12 - Nyindrou

¹² Sahou ta Kindrei doh badeh, kohan udu aliy, iy amekes gok boto-on labai. Iy madan labai ja ta samen ari, madan la-uh iri aloh bainat. Sahou doh iy winiyan orowei ili bolo oda ndramak amai iu ili alih. Iy winiyan seleyani kohan uru malawin. Ma iy seleyani bolo ndruwin ma bolo bwisi bar ale. Iy ndraseleyani mwasin ma ndra-in tiri budon ma iri so-ok ta ndrine taha marakon ere le lewan.

Hiburu 4:12 Referans Kwoze

Epesus 6:17

Kindrei andrei aha ndrame hamon. Eme ma, budon doh aha katehei buku barak iri amekes na hayen ta tubuloh bwisi batu aha. Ma aha kakohok iri sahou ta Malawin Mwasin ta Kindrei nane edeu ewek taha. Sahou doh kameh asahan i buku samen kasoh madan madan labai, aha kandrei kudu mine aha ta asan iri sahou ta bahun.

1 Pita 1:23

Kindrei ndratehei kohan mwasin ndrawek la-u aha. Ma aha ndrasahan randrah ja, buku none le buwa kei ha-un ateh ereu bolo bilin. Arile, aha basahan na buwa kei badu kon munyak dah bwe. Buwa kei badu munyak dah kameh, imek ma amai iu. Aha asahan na buwa kei Kindrei le mesekei, ma iy kameh ereu le buku doh. Buwa kei doh badeh, sahou ta Kindrei. Sahou doh atehei kohan mwasin i la-u iri lau tan, ma iy winiyan bano bwe.

Rebelesen 1:16

Iy tawi ndrau ma ndro taloh badeh, udu minen salin, ma hawe raho samen iri aloh bainat, madan mala-uh badeh, lahen bwe, lahen bwe, udu bohon eme len. Ma madan anya labai i buku le an udu alih amwenen.

1 Tesalonaika 2:13

Aso winiyan bamunyau ta adeu wurah ili ta Kindrei bwe. Tasah, ma bwena mene aha anuhun sahou ta Kindrei aso asehek ewek taha, ma aha a-en hamon ta aliy. Aha babudon anya, idah sahou ta lau le, bwe! Aha ndrandrei, buku sahou handru ta Kindrei, ma aha a-en hamon ta aliy. Ma sahou doh abadok ta amekes manyah ma budon taha mwan ma badih kudu mwasin ta madan.

La-ukei ta Pol atorou ili tiri lau badu kon Rom 1:16

Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

Rebelesen 19:15

Samen gwak raho doh lawe-en, ma madan labai, iri aloh bainat, badeh, udu boho ndramak nane atas eme len. Samen gwak le doh kameh amondroh bale iri mwan ma badih badu kon munyak tinan mara-ei. “Iy kameh tawi balekei hayen ari udu minen ta atondrok iri mwan ma badih boto-on handru.” Wari 2:9 Ma iy kameh atisih waen na katin udu bolo kun laba tinan. Idoh leheya losen ndra-in labai ta Kindrei, iy boto-on labai.

Epesus 5:13

Arile, sun ta Kindrei doh badeh, nyowonyani kati iri kandriyen marakon. Ma sun ta Kindrei ale winiyan tubuni koha iri mwan ma badih are bolo lulik, ma iri kameh winiyan arek na le lomadan.

Tarou ta Luk 8:11

Ano Jises tiye, “Sali sahou sokek asah i buku doh: Buwa wit badeh, moson i buku sahou ta Kindrei.

Tarou ta Jon 6:51

Jo jabi ramen kohan handru udu aliy, iy udu kandrah eme andri. Buku are lau iy aimon jabi ramen dah, kohan handru kameh udu le buku doh. Jabi ramen dah i buku odak, ta jo edeu ta koha iri lau badu kon munyak.”

Rebelesen 19:21

Iy ndramak nane manyah udu bwele-e hos tan badeh, mwetehei iri lau ta bahun turu mara-ei ano na samen madan labai, iri aloh bainat nane udu bohon eme len. Ma iri sirih mara-ei ame ani oda iri lau nane doh ano mara-ei, ma ndrine iri irek.

Rebelesen 2:16

Eme nadah badeh, aha katehei kona aha kili tiri sahou hawe kandriyen ndra-in tiri lau ta Balam hawe Nikolas. Buku aha bamekes bwe-eh, mirihik ai, jo kameh ewek amekes bahun hawe aha lau nane a-en hamon ta sahou tiri lau ta Nikolas, na samen madan, madan labai kameh udu bohok eme len.

Hiburu 13:7

Aha samani iri lau ta Kindrei nane a-en mwena taha, iri mene leheya aha ta sahou ta Kindrei. Aha kabudon saba kandriyen asahan ta manyah ma tekedek tiri, ma aha katehei budon taha ki buku le iri.

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Aposel 2:37

Eme iri lau anuhun sahou doh badeh, ndrine iri tikisiy handru ma tiye i ta Pita hawe oro aposel rayah ja anya, “Ado nadu tine aso, aso ka buku sah bah?”

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

Rebelesen 20:4

Ano ja, jo anyolom koyeu rayah buku tiri kabin, ma iri lau manyah ado aliy. Kindrei ndratehei gok ili tiri ta tunuhun sahou tiri lau. Jo ale anyolom malawi iri lau ndramak bwena. Iri lau mene ndrasani bale iri ma ndradai iri ndramak, tasah iri atiye sahou handru ta Jises mene asehek, ma hawe sahou ta Kindrei. Iri badeh, batehei bwili ndru-u iri bala andri bwe, ma batudun nyabwe munyak hawe malawin bwe. Iri ale bakohok kalem bado bwili iri ma mine iri bwe. Eme ma koha iri mwasin asahan eme hamon ja, ma iri asahan i buku iri kabin ta atondrok kon hawe Krais, udu gwek winiya le jaha ma rawa (1,000) ano.

1 Tesalonaika 5:23

Ahi aso-ok Kindrei labai. Iy badeh, kati kandriyen mwasin marakon, iy amwenen winiyan amekes aha asahan ha-un, ari kandriyen ndra-in ja bwe. Ma Kindrei winiyan atehei aha, tan amwenen. Handru, iy winiyan atondrok malawi aha, koha aha, ma bada aha, ma aha kameh are mwasin mara-ei. Eme ma ari ndra-in winiyan bare madan bwe, na len Laban tataha Jises Krais eme hamon ta akohok taha ja.

2 Korin 4:2

Ma ale, ahi badeh, bawendreya iri mwan ma badih, o tobolowe sahou ili randrah ja bwe. Ahi ba-en hamon tiri kandriyen ta adeu bwilima i ta nyara Kindrei bwe. Ahi badeh, atiye sahou handru ta Kindrei ili tiri mwan ma badih marakon, ma iri winiyan anuhun. Ta kandriyen doh, ahi leheya iri, kandriyen tahi mwasin, ma iri winiyan atanan gok ahi amekes dah, idoh ale mwasin udu mada Kindrei.

Jemis 1:18

Na budon tan le amwenen, iy bwidi taha asahan nadun na sahou tan handru, ma iy asahan tama taha. Handru, iy atehei sahou tan eme tataha, eme ma taha atehei budon tataha mara-ei in le tan. Iy amekes i buku doh, ta taha kare bwele-e lakou marakon iy ndramesekei.

2 Korin 2:17

Ahi aposel badeh, bala buku iri lau solo-an ala rakon, rakon ta atiye sahou ta Kindrei bwe. Iri amekes i buku doh ta ariu luk tiri mwan ma badih rayah, ma iri winiyan ado mwasin. Ahi aposel badeh, bwe. Ahi akohok gok dah badu mine Kindrei amwenen, ma ahi bawendreya laleyah bwe. Ndrine ahi badeh, udu mwasin hawe Krais, ma ta mada Kindrei ahi badeh, atiye amwenen iri sahou tan mene iy edeu eme tahi.

1 Korin 1:24

Arile, taha lau mwan ma badih badeh, badu Juwis ma Grik, Kindrei mene andrei taha ndrala tan. Eme ma taha ndratanan, Krais badeh, iy boto-on ta Kindrei, ma iy ale badeh, tanan mwasin ta Kindrei.

Aposel 5:33

Ya eme oro kansol anuhun sahou doh badeh, ma bwidi ndrine oro irih mara-ei, ma oro anya kadai oro aposel kamak.

Tarou ta Jon 12:48

Maha-an udu aliy ta are lau iy atehei konan eme tek, ma iy baso-ok sahou tek bwe, sahou le nane jo ndrasehek kameh edeu maha-an i tan na len hamon.

Aposel 7:38

Iy le badeh, mene udu ndrokowa iri lau badu Isra-el ado kon lomale an udu hawe tama taha iri. Ma iy udu hawe angelo mene asehek sahou i tan udu mandrei Sainai, ma iy akohok sahou awas ta asehek nyala taha.

Epesus 5:26

Iy amekes i buku doh ta atehei kalem i tiri mwan ma badih ta Kindrei ta iri tan amwenen. Ta sahou tan amwenen iri atehei budon tiri handru in aliy, ma alomwa iri na gwa, eme ma Krais badeh, bwidi iri asahan ha-un handru.

Hiburu 6:5

Iri ndratanan sahou ta Kindrei mwasin ma boto-on labai, ma iri ndratona ta boto-on ta Kindrei kameh asahan tiri mwan ma badih.