Hiburu 4:1 - Nyindrou

¹ Tandrakan ta Kindrei ta atiye taha ala bolo kon ta amunyau udu aliy kahis. Eme ma taha kabudon kamwenen, kora-on Kindrei kanyolom ari tataha, iy winiyan bala bolo kon ta amunyau doh bwe.

Hiburu 4:1 Referans Kwoze

Hiburu 12:15

Aha katondrok aha kamwenen, kora-on aha katehei kona aha kili ta tikisiy ta Kindrei mene edeu eme tataha. Tasah, kora-on ari mwan, o, ari badih kamekes kandriyen ndra-in kili buku doh, ma katehei maha-an kewek taha, ma aha kamekes kandriyen ndra-in kili ta budon ta Kindrei. Iri mwan, o iri badih doh, i buku ra-ei kei ato-ou salin nyakadan, ma iy kameh kabwidi kandriyen tiri lau ta Kindrei solo-an labai kandra-i.

Hiburu 4:11

Taha kabadok ta akohok amunyau doh. Kora-on ari mwan o badih in hamon ta kandriyen ta tebelese boho Kindrei, i buku le iri Isra-el bwena mene amekes, ma iri taku.

Hiburu 4:9

Taha lau ta Kindrei ndratanan, len ta Kindrei ta amunyau udu kede-eh kahis. Amunyau doh i buku le Kindrei amunyau udu bada len ma ndro taloh.

Hiburu 13:7

Aha samani iri lau ta Kindrei nane a-en mwena taha, iri mene leheya aha ta sahou ta Kindrei. Aha kabudon saba kandriyen asahan ta manyah ma tekedek tiri, ma aha katehei budon taha ki buku le iri.

2 Timoti 2:13

Buku taha anya, taha ka-en hamon tan, arile taha ba-en hamon ta sahou tataha amwenen bwe, ndri-iy ai, iy ki-in hamon ta sahou tan le amwenen, ma iy kameh atehei taha a ta mada sahou. Tasah, iy winiyan batubuni sahou tan amwenen bwe-en!”

1 Korin 10:12

Eme i buku ari ndramak anya, iy ales boto-on labai, iy badeh, katondrok iy kudu mwasin. Kora-on iy kataku kandra-i mara-ei.

La-ukei ta Pol atorou ili tiri lau badu kon Rom 11:20

Handru, arile ou anuhun! Oro mene abok a andri tasah oro batehei budon handru toro bwe. Arile ou ales boto-on ta lakou ari le, ta budon handru tam. Ma ou sabudon anya ou ndra ari ai, ndri-iy; ou abudon ou, ma ou anoh.

La-ukei ta Pol atorou ili tiri lau badu kon Rom 3:23

Tasah, taha mari badeh, ta amekes kandriyen ndra-in, ma taha asahan i le randra. Taha ataras mara-ei ta kalem mene Kindrei atehei ma taha winiyan bala bolo lomadan tan bwe.

Hiburu 12:25

Bale aha ki-in taha, kora-on aha katunuhun, ma aha ba-en hamon ta boho Kindrei bwe. Tasah, ma bwena mene Kindrei ere bwele-e mandrei Sainai asehek sahou boto-on ili tiri lau badu Isra-el are kabede mandrei doh, arile iri tebelese bohon. Eme ma, na bolo len bwena mene doh, iri winiyan batobwak ma bateleyani ndramas ta kandriyen ndra-in tiri bwe. Na idah, Kindrei udu kandrah, ma iy asehek sahou boto-on labai ja eme tataha. Buku taha atehei kona taha i tan, taha winiyan batobwak ma bateleyani ndramas ta kandriyen ndra-in nane doh bwe, handru en.

Hiburu 3:11

Eme ma ndrinek ibolosen ma jo tandrakan iri, ‘Aha winiyan bala bolo kon tek ta amunyau bwe.’ ” Wari 95:7-11

Metiu 24:48

Arile, buku none iy lau ta gok ndra-in katiye anya, ‘Ndramak ta asiu doh kameh winiyan bame suwi bwe,’

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

2 Korin 6:1

Ahi aposel badeh, abo gok hawe Kindrei, ma ahi tiye sahou boto-on ewek taha i buku doh, “Aha badeh, ndrakohok tikisiy ta Kindrei. Eme ma, kora-on aha karuwani laleyah.

Galesiya 5:4

Buku aha anya ka-en hamon ta batanau malen, ya, na san doh aha abudon Kindrei winiyan aloh aha mwasin mara-ei ta madan, aha ndrandra-i kede-eh! Aha winiyan bwe! Arile, ta kandriyen doh badeh, aha ndratehei kona aha badeh, ndrala ta tikisiy ta Kindrei, ma ta kandriyen ta Jises Krais mene imek udu ta kei tondreh, ta aseben taha mwan ma badih marakon.