Hiburu 3:6 - Nyindrou

⁶ Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

Hiburu 3:6 Referans Kwoze

2 Korin 6:16

Kili buku sah bah? Sebwe taha badeh, katehei asiu ndrok ta Kindrei, hawe asiu ta asumwe iri sukumada kei kili le ra-em, nadeh? Sebwe kameh winiyan bwe-en! Ma aha tanan, taha lau ta Kindrei, taha amwenen badeh, asahan buku asiu ndrok ta Kindrei kohan udu aliy, ta udu le buku doh. Ma iy winiyan manyah mwasin udu bolo asiu doh. Bwena mene Kindrei tiye i buku doh, “Jo kameh udu hawe iri ma edek bolo iri. Ma jo kameh asahan Kindrei tiri, ma iri kameh asahan iri lau tek.” Lebitikus 26:12; Jeremaya 32:38; Isikiyel 37:27

1 Korin 3:16

Aha marakon ndratanan ndramwenen ta aha badeh, asiu ndrabun handru ta Kindrei, ma Malawin Mwasin tan in hawe aha.

1 Pita 2:5

Aha ale buku none iri bek koha iri in aliy, ma, na boto-on ta Malawin Ndrabun, iy anya kamekes aha kasahan asiu ndrabun tan handru. Ma aha kameh asahan iri pris ndrabun handru ta Kindrei, ma, na nyara Jises Krais aha winiyan adeu koha aha i ta Kindrei buku none ari lakou ta asun i nyara salom iy aso-ok handru.

Hiburu 10:35

Aha sanoh! Buku aha ales boto-on are le ta budon taha, idah kameh aha winiyan akohok sihine aha tinan labai.

Hiburu 6:11

Budon tahi tinan labai ta aso-ok aha marakon kamekes gok boto-on ki buku le doh, winiya le len hamon. Buku aha amekes iri lakou i buku doh, saba lakou aha nane abe-en, kameh asahan handru.

1 Korin 6:19

Handru, bada aha badeh, taha le bwe. Bada aha badeh, buku asiu ndrok ta Malawin Ndrabun. Sebwe, aha babudon ta aliy bwe nadeh? Kindrei atehei Malawin Mwasin ndrawek taha, ma iy udu bolo oda aha. Eme ma aha taha le bwe, aha ta Kindrei ale.

Hiburu 10:23

Taha ndrasehek iri budon tataha ndrame len, eme ma taha atondrok iri lakou mwasin nane Kindrei anya kedeu keme tataha. Taha katawi kihis iri lakou doh, ma taha sanoh ta aliy. Tasah, taha ndratanan, lakou marakon Kindrei ndratandrakan ta amekes o edeu, idah kameh, iy bwidiy handru.

Hiburu 4:11

Taha kabadok ta akohok amunyau doh. Kora-on ari mwan o badih in hamon ta kandriyen ta tebelese boho Kindrei, i buku le iri Isra-el bwena mene amekes, ma iri taku.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

Rebelesen 3:11

Ndrame mirihik ai, ta jo kameh eme hamon eme kon munyak dah ja. Eme ma iri budon tek mara-ei aha ndratawiy, badeh, aha katawiy kihis. Kora-on iri lau rayah kawendreyani aha ma aha kamani iri ndramas nane, jo anya kedeu kili tiri mwan ma badih nane a-en hamon tek handru.

Hiburu 4:14

Tinan tiri pris tataha badeh, in aliy. Nyaran Jises, iy Nadu Kindrei. Iy ndra-au ndrala kandrah hawen. Eme ma taha katawi iri budon marakon nane taha ndrasehek ndrala tiri lau badeh, kihis mara-ei.

Hiburu 1:2

Arile udu bolo len tataha hamon kada-ah, Kindrei asehek sahou eme tataha i san ta nadun ari le mwan. Kindrei leheyani nadun doh ta akohok iri lakou marakon. Na nadun le, iy bwidi lakou marakon asahan.

1 Timoti 3:15

Arile, i buku none jo bawek suwi bwe, sahou udu bolo la-ukei dah, winiyan tiye nyala to ta kandriyen ta to kudu mada kindrei udu bolo lau ta Kindrei ki buku sah. To badeh, lau ta Kindrei, ya iy badeh, kohan handru ta udu le buku doh. Tasah, to badeh, tawi sahou handru ta Kindrei i buku to abe-ei i loke i buku bek, udu le buku doh.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

Metiu 10:22

Ya iri lau mari kameh baseken ado bwe, tasah ado badeh, an hamon ta sahou tek. Arile, are lau ales boto-on, ma baruwani budon tan ba-au tek bwe, winiya le len ta maha-an doh ano, Kindrei kameh andrei iy eme hamon.

1 Tesalonaika 5:16

Bolo iri len marakon aha kasekesek.

La-ukei ta Pol atorou ili tiri lau badu kon Rom 15:13

Ya jo aseken Kindrei, ndramak ta edeu lakou mwasin, kamesekei bolo oda aha kidih na sekesek, ma hawe oda aha kudu mwasin ki-in hamon ta budon taha handru in tan. Ya eme ma budon taha kameh abadok ta anyolom bohon i bwena ta lakou mwasin na boto-on ta Malawin Ndrabun.

Metiu 24:13

Arile, are lau tawiy ili isos munyak ano, Kindrei kameh winiyan akohok iy i hamon ja.

Rebelesen 2:25

Iri lakou marakon ale aha atehei budon taha, ma a-en hamon ta aliy badeh, aha katawiy kihis mara-ei, kili winiya le len ta jo kameh eme hamon eme kon munyak ja.

Rebelesen 2:18

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Tayataira. Sahou i buku doh: ‘Jo Nadu Kindrei, madak badeh, anya i buku jih nyarahan labai. Ma bada katik badeh, buku bras nyikilikin ma nyikadin labai. Eme ma, jo amwenen asehek sahou dah ewek taha lau batun ta nyala aliy:

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

La-ukei ta Pol atorou ili tiri lau badu kon Rom 5:2

Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

1 Pita 1:8

Handru, aha mara-ei badeh, batou Jises bwe le, arile aha aso-ok iy labai, eme ma na idah, aha batou iy bwe le, arile aha atehei ndrine aha ma budon taha mara-ei, ma sekesek taha laba tinan labai in tan. Sekesek doh badeh, sakalawi iri sekesek mari badu kon munyak mara-ei, ya taha winiyan basehek na boho taha bwe-en!

Galesiya 6:9

Eme ya, taha sawoyah ta amekes kandriyen mwasin; ya, i buku none taha baruwaniy bwe, badeh kameh, taha akohok ndramas ta aliy na len hamon. Idoh i buku ndramak ta bilin akohok sali nyamon ta lahou boto-on mene iy amekes.

La-ukei ta Pol atorou ili tiri lau badu kon Rom 11:22

Ya eme ou none seleya se, Kindrei amekes kandriyen mwasin labai i tiri lau, arile iy ale edeu maha-an i la-u iri ma tiye sahou nyarahan ale. Iy edeu maha-an i la-u iri mene taku, arile iy amekes kandriyen mwasin ewek tam, i buku ou adek amwenen ala le bolo kandriyen mwasin tan. Bwe kameh iy kasani ou ame andri ale.

Metiu 16:18

Ya jo tiye tam i buku doh: Ou Pita, ya jo kameh amekes iri mwan ma badih tek asahan i buku asiu salom tek, ya ou kameh aseben iri i buku ndru bek aseben asiu ales boto-on udu bwele-e munyak dah, ya Satan hawe boto-on ta imek kameh winiyan batohowei asiu salom tek doh bala andri bwe.

La-ukei ta Pol atorou ili tiri lau badu kon Rom 12:12

Na len ou anyolom bohon i bwena ta lakou Jises kameh edeu tam badeh, ou sekesek. Buku none maha ma isi katok tam, ou sanunu-uh ma ou ado le. Ma, na len mari, ou amekes salom ma ou ado le ta salom; ou sabudon anya Kindrei kameh winiyan bamesekei bwe, ndri-iy.

Galesiya 6:10

Eme ma, na madasan mari Kindrei sihiy, taha kamekes kandriyen mwasin ki ta lau mari. Arile, ma hutuwen badeh, i toro lau ta Kindrei le, ala budon toro ihis handru.

Epesus 3:12

Taha ndrahis hawe Krais na budon tataha. Jises badeh, san tataha ta ili asahan hawe Kindrei. Eme ma, taha winiyan banoh ta ame hawen bwe. Tasah, taha tanan iy kameh sekesek labai ta taha ame hawen.

Hiburu 4:16

Taha sanoh ta ala mirihik ta koyeu ta Kindrei, iy ndrinen mwasin ma iy ta tikisiy. Iy winiyan aseben taha, buku maha-an tataha tinan labai, ndrinen mwasin ma tikisiy tan kameh winiyan sebenei taha.

Hiburu 6:18

Sahou ma tandrakan, lakou ma la-uh doh winiyan batubuniy bwe, ma Kindrei ale winiyan bawendreya bwe. Ya, lakou ma la-uh doh bwidi ndrine taha abadok ta sakaliye ala hawe Kindrei ta aton are bahandra tondrok tan. Eme ma taha katawiy kihis kudu budon tataha, iri lakou nane iy ndratandrakan ta edeu eme tataha.

Hiburu 7:19

Iy babwidi ari lakou basahan bala mwasin bwe. Eme ma Kindrei sihi madasan rasan ja, idoh udu mwasin ja ta kandriyen malen. Taha atondrok madasan doh, eme ta madasan le doh, taha kameh winiyan ala mirihik ta Kindrei.

Hiburu 10:19

Ado nadu tine, ndraye Jises le badeh, ndrasikinei iri kandriyen ndra-in tataha ndrano ndra-au, eme ma taha sanoh ta ala bolo asiu ndrok ndrabun, ndrabun labai ta Kindrei.

Hiburu 10:21

Tinan labai tiri pris tataha udu aliy ta atondrok asiu ta Kindrei.

Hiburu 11:1

Kandriyen ta atehei budon ili le ta Kindrei i buku doh: Iri lakou nane taha atondrok Kindrei anya kedeu keme tataha, taha katawiy kihis kudu ndrine taha. Ndrine taha ndratanan, iri lakou marakon nane doh udu aliy handru, arile mada taha amwenen banyolom bwe.

1 Pita 4:17

Ya, aha mari kasekesek ki ta Kindrei, buku none iri lau badu kon munyak amekes ndra-in, ma adeu sisi-in ewek taha. Tasah, len ta Kindrei ta anuhun sahou ndrame ai, ya buku none Kindrei anuhun sahou tiri lau tan mwasin bwena, Kindrei kameh amekes saba lakou handru ili tiri lau ale banuhun sahou mwasin ta Krais bwe? Iy kameh anuhun sahou tiri ano, iri kameh ala bolo jih.

Rebelesen 2:26

‘Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, ma iri ale ta amekes lahou na so-ok tek winiya le gok tek ano; jo kameh edeu boto-on ili tiri, ma iri kameh asahan tinan are bwele-en labai ja tiri mwan ma badih badu kon munyak tinan mara-ei.