Hiburu 3:5 - Nyindrou

⁵ Moses badeh, buku ndramak ta amekes lahou ta Kindrei, iy in hamon handru ta sahou ta Kindrei, ma iy amekes gok in asiu tan. Gok tan ta tiye iri lakou Kindrei asehek ta aliy kameh asahan hamon.

Hiburu 3:5 Referans Kwoze

Hiburu 3:2

Kindrei ndratehei gok doh ndrala tan, ma iy in hamon ta sahou handru ta Kindrei ta iri kandriyen i buku le ta Moses bwena mene amekes udu asiu ta Kindrei.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Hiburu 8:5

Gok tiri pris mene iri amekes in hamon ta koroha malawin le; lakou handru udu kandrah. Idoh i buku le bwena mene Moses alokou ta atah asiu balei le badeh, Kindrei batanau iy i buku doh: “Ou an hamon le ta koroha malawi tarou mene jo leheya i tam udu bwele-e mandrei.” Eksodus 25:40

1 Timoti 1:12

Jo edeu wurah i ta Krais Jises, Laban tataha, tasah iy le badeh, edeu boto-on eme tek. Iy anyolom jo badeh, ta anuhun sahou, eme iy atehei lahou tan eme kanik jo amekes dah.

Hiburu 9:24

Krais bala bolo asiu ndrabun nane lau atah na mine iri amwenen bwe, idoh malawi le asiu ndrabun handru ta Kindrei udu kandrah. Iy iu ili bolo kandrah amwenen. Iy ndrala mirihik hawe Kindrei, iy asehek taha i tan ma iy amekes gok ta aseben taha ale.

La-ukei ta Pol atorou ili tiri lau badu kon Rom 3:21

Arile, nadah, Kindrei ndraleheyaniy ndrame tataha ta san rasan ja, ta taha ka-en hamon ta aliy, ma iy kameh aloh taha lau mwasin. Iy basahan ta san ta a-en hamon ta batanau Kindrei edeu i ta Moses, bwe. Arile, buk nane Moses atorou ma buk iri propet atorou ale, iri asehek sahou i san doh, ta Kindrei ki-in hamon ta amekes taha kasahan mwasin.

Tarou ta Jon 5:39

Aha abo gok ta asilah sahou iri torowenei udu bolo buk ndrabun, tasah budon taha anya, iri sahou doh kameh adeu taha kohan handru udu le buku doh. Idoh mwasin, arile sahou iri ndratorowenei badeh, nyarak udu aliy, ma kohan handru ale badeh, udu ndra hawek.

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Tarou ta Luk 24:27

Eme iy asehek nyala lakou mari udu bolo sahou ta Kindrei i turu aleu labai, udu ndra kabatana Moses hawe tarou tiri propet, ano i turu.

1 Korin 4:2

Taha tanan, buku taha amekes gok ta ari ndramak, taha badeh, ka-en hamon le ta iri tanan tan.

Aposel 7:37

Iy Moses le doh mene adeh tiye i tiri lau badu Isra-el anya, ‘Kindrei kameh suni propet ari ewek taha i le buku jo badu bolo ado amwenen.’ Dutoronomi 18:15

Tarou ta Luk 12:42

Eme Jises tiye i hamon ja anya, “Are lau iy mwasin ta gok, ma iy budon mwasin? Iy don adeh, tinan tan kameh atehei iy ta atondrok iri lau tan ra-on ja an bahandran ta adeu niri nyamon na len ari, ari, iy le tanan.

Metiu 25:21

“Tinan tan anya, ‘Lohowan tek, ou ndramak mwasin, ou ndranyowo-ei lakou nadu bwisik, idah kameh jo mesekei ou atondrok lakou tinan; ou ala bolo kon tek ta sekesek.’

Metiu 24:45

“Are lau iy mwasin ta gok, ma iy budon mwasin? Iy don adeh, tinan tan ndratehei tondrok tiri lau tan ra-on ja ndra-en bahandran ta adeu niri nyamon na len ari ari, iy le tanan.

Hiburu 1:1

Bwena mene Kindrei asehek sahou ili ta tubu taha iri san solo-an, ma i san solo-an labai ili tiri propet.

Hiburu 3:4

Iri asiu marakon kede-eh lau atah. Arile Kindrei le ari bwidi iri lakou marakon.

Rebelesen 15:3

Iri badeh, ayah wari ta Moses, lohowan ta Kindrei torowenei, ma wari wariye Nadu Sipsip ta Kindrei, i buku doh, “Laban, ou Kindrei, ou tawi iri boto-on mara-ei. Iri gok mara-ei ou amekes, iri laba tinan labai, ma ahi ale anyolom, ma ahi abudon solo-an labai! Ou badeh, kabin ta boho kamen tiri mwan ma badih mara-ei, ma kandriyen tam badeh, amwenen mara-ei, ma handru labai!