Hiburu 3:3 - Nyindrou

³ Moses batah asiu doh bwe, iy amwenen i buku asiu doh. Arile to atudun nyara ndramak ta atah asiu badeh, udu bwele-en labai ta asiu le amwenen. Eme ma Kindrei atehei nyara Jises i tinan labai ja ta nyara Moses.

Hiburu 3:3 Referans Kwoze

1 Korin 3:9

Aru Apolos badeh, ta amekes gok hawe Kindrei, ya aha badeh a buku bilin ma asiu tan.

Hiburu 2:9

Arile taha ndranyolom Jises, iy akohok boto-on tan. Bwena mene iy udu bahandra tondrok tiri angelo luluwen bwe, iy imek ta akohok kon ta lau marakon, ma tikisiy ta Kindrei kameh winiyan sebenei iri lau marakon. Jises bwese maha-an tataha tinan labai ma iy imek. Arile na dah, Kindrei ndrasuruni iy, ma ndratehei lomadan nyaran ndra tinan labai udu bwele-e iri lakou marakon.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

Kolosi 1:18

Krais badeh, batun ta bada iri lau tan, iri doh badeh, lau ta Kindrei amwenen. Tasah, iy amwenen badeh, kati kohan handru tiri lau ta Kindrei mari doh. Iy le ari badeh, amak eme hamon eme awas ja udu bolo ndrokowa iri mwan ma badih mene ndramak ndra-au ndrasu-u. Eme ma, iy kadok amwenen, ma iy winiyan udu bwele-en ta atondrok lakou marakon.

Metiu 16:18

Ya jo tiye tam i buku doh: Ou Pita, ya jo kameh amekes iri mwan ma badih tek asahan i buku asiu salom tek, ya ou kameh aseben iri i buku ndru bek aseben asiu ales boto-on udu bwele-e munyak dah, ya Satan hawe boto-on ta imek kameh winiyan batohowei asiu salom tek doh bala andri bwe.

2 Korin 3:7

Bwena mene Kindrei torowenei sahou ta batanau malen badeh, udu bwele-e bek. Ma gok ta batanau doh leheya taha kameh amak le, tasah taha winiyan ba-en hamon handru ma akohok kohan mwasin bwe. Na len Kindrei edeu batanau ili mine Moses, lomada Kindrei badeh, asahan hawen, ma lomotani mada Moses labai. Eme ma, iri mwan ma badih badu Isra-el anoh, ma bwidi iri winiyan banyolom madan bwe. Ano, lomada sun nane udu mada Moses anya i bwisik, ma amak mara-ei.

Hiburu 3:4

Iri asiu marakon kede-eh lau atah. Arile Kindrei le ari bwidi iri lakou marakon.