Hiburu 3:13 - Nyindrou

¹³ Na len dah Kindrei aloh “Na dah” kahis le. Iy isan len eme tataha ta anuhun sahou tan. Eme ma ta len marakon, taha kadeu sahou mwasin kili ta nadu tine taha mwan ma badih, ta amekes budon tiri kabadok. Tasah, kora-on taha ari ka-en hamon ta kandriyen ndra-in ta wasai, ma tebelese hawe Kindrei.

Hiburu 3:13 Referans Kwoze

1 Tesalonaika 5:11

Eme ma, aha marakon kabwidi ndrine nadu tine aha iri ari, ari, ta sahou mwasin doh, ma katadau ndrine iri kili le se, i buku aha amekes dah.

2 Timoti 4:2

Ou atiye sahou ta Kindrei. Ya, ou abudon ta lakou doh kameh asahan, ma ou atiye sahou ta Kindrei kili. Buku iri lau alokou iri ta anuhun sahou, o, iri balokou iri bwe, ndri-iy ai. Len marakon ou abadok ta atiye sahou tan kili. Sahou tam badeh, korou ndrine iri ta asor iri ta tobolowe ndrine iri, ma karuwe kandriyen ndra-in. Ou suruni ndrine iri ta a-en hamon ta kandriyen ta Kindrei. Ou leheya iri ki buku doh, arile ou winiyan bandra-i hawe iri bwe. Ou abo gok le, ta leheya iri.

1 Tesalonaika 4:18

Handru, aha badeh, katadau ndrine aha kabadok, na sahou dah.

La-ukei ta Pol atorou ili tiri lau badu kon Rom 7:11

Tasah, kandriyen ta karei ma lomondra ndra-in badeh, silahei san tan eme mesekei jo amekes kandriyen ndra-in; eme ya i san le ta batanau malen badeh, karei ma lomondra ndra-in wasai jo ma idi jo imek.

Aposel 11:23

Ya eme na len iy isos badeh, iy sekesek tasah iy anyolom Kindrei atehei nyosowan i tiri, ma iy tiye iri mari kado handru le ta Laban na ndrine iri mari.

Jemis 1:14

Arile, ndrine taha mari ari ari badeh, atadau ma ariu taha. So-ok tataha ndra-in amwenen nane doh badeh, indrek taha ma wendreya taha ta amekes kandriyen ma lomondra ndra-in.

Epesus 4:22

Sahou ta Krais dah badeh, i buku doh: Bwena mene, aha a-en hamon ta so-ok ta bada aha le amwenen. Iy aso-ok labai, iri kandriyen ta wasai, ma madalakis laleyah, ma hawe kandriyen doh badeh, bokoro-ei iy le. Eme ma, aha karuwi kandriyen malen doh udu ndrine aha keme len.

1 Tesalonaika 2:11

Ma aha tanan, kandriyen mwasin tama nah amekes ili ta nadun. Aso badeh, amekes i buku le aliy ili taha ari, ari.

Hiburu 13:22

Aha nadu kawas tek. Jo aso-ok aha kanuhun kamwenen ta iri sahou jo ndratorowenei ndrawek taha ta amekes budon taha kabadok. Tasah la-ukei nane jo atorou ndrawek taha se lawe-en bwe.