Hiburu 2:9 - Nyindrou

⁹ Arile taha ndranyolom Jises, iy akohok boto-on tan. Bwena mene iy udu bahandra tondrok tiri angelo luluwen bwe, iy imek ta akohok kon ta lau marakon, ma tikisiy ta Kindrei kameh winiyan sebenei iri lau marakon. Jises bwese maha-an tataha tinan labai ma iy imek. Arile na dah, Kindrei ndrasuruni iy, ma ndratehei lomadan nyaran ndra tinan labai udu bwele-e iri lakou marakon.

Hiburu 2:9 Referans Kwoze

Rebelesen 5:9

Iri ame ayah wari ari ha-un i buku doh: “Ou mwasin handru ta andrei buk doh, ma sudi tobwe marakon nane iu. Tasah, iri mene adai ou amak, ma na ndrayem amwenen, ou ndrakonohei iri mwan ma badih ndrame hamon, ta Kindrei. Ya, ou badeh, ndrakonohei iri mwan ma badih ndrame hamon ja. Iri lau doh badu boho kamen mari, ma boho kon rakon rakon badu kon munyak mari, ma iri lau bada iri randrah, randrah, ma badu kon munyak tinan mara-ei. Eme ma, nadah badeh, iri mara-ei ta Kindrei le ari kabwe.

1 Jon 2:2

Ya, Krais le badeh, i nyara salom ta sikine ma mani kandriyen ndra-in tataha mari iu. Iy amekes lahou doh badeh, ta aseben taha le bwe, iy amekes ta aseben lau mara-ei badu kon munyak.

La-ukei ta Pol atorou ili tiri lau badu kon Rom 5:18

Eme ma, taha kabudon kamwenen tiri sahou doh. Ndramak ari le bwena mene bwidi lakou ari ba-en hamon ta kandriyen ta batanau bwe, iy sakalawiy labai, eme ma, ta kandriyen ndra-in tan nane, Kindrei eme atehei taha lau mwan ma badih mara-ei ala ta mada sahou. I buku le, ndramak ari mene amekes lakou ari in hamon ta kandriyen mwasin labai, eme Kindrei anyolom ta idoh, ma iy eme aloh taha mara-ei lau mwasin labai ta madan, ma kohan handru udu tataha.

Aposel 2:33

Iy ales ili udu loboho lim salin ta Kindrei ma akohok Malawin Ndrabun udu mine taman mene tandrakan. Ma iy solowei Malawin Ndrabun eme, i buku none ado atou hawe anuhun dah. Lakou doh badeh, Jises edeu eme taso.

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

2 Korin 5:15

Handru labai, iy ndratubuni taha marakon, ma iy imek. Iy amekes i buku doh, ta taha mwan ma badih kameh akohok koha taha nane ha-un doh, taha sabudon taha le amwenen, ma sa-en hamon ta so-ok tataha, na len taha are ndra kon munyak dah. Arile, taha katehei budon tataha kili ta Krais le ari, iy mene tubuni taha, ma iy imek, ano iy amak eme awas ja. Eme ma, taha ka-en hamon ta kandriyen, iy amwenen aso-ok.

Hiburu 10:5

Eme ma Krais eme bolo kon munyak, iy asehek i buku doh i ta Kindrei: “Ou baso-ok kandriyen ta asun lakou ta salom, hawe adeu ndramas ta salom bwe, arile ou ndrabwidi badak ndrame awas.

La-ukei ta Pol atorou ili tiri lau badu kon Rom 5:8

Arile, taha mene are ndra bolo iri kandriyen ndra-in kahis le badeh, Krais eme akohok kon tataha, ma iy imek ta aliy. Ta san doh, Kindrei leheyani iri tikisiy ma so-ok tan eme tataha badeh, tinan labai ja.

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

Tarou ta Jon 12:32

Na idah jo udu kon munyak, arile hamon kameh iri tutuni jo ere loken, ma jo kameh aruwi iri lau marakon ame le hawek.” (

Hiburu 7:25

Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Hiburu 8:3

Iri tinan tiri pris marakon badeh, gok tiri ta atiye ndramas, ma ta adi iri lakou buku bulumakau i ta salom ili ta Kindrei. Eme ma Jises kamekes iri lakou doh ale.

1 Timoti 2:6

Iy le badeh, atehei kohan ta akunoh taha lau mari. Idoh asahan handru eme lewan amwenen le, ta Kindrei anya lau mari badeh, samak.

2 Korin 5:21

Iy Krais doh, iy tanan ta amekes kandriyen ndra-in bwe, arile Kindrei ndratukumwi kandriyen ndra-in tataha marakon ndrala le bwele-en, ma iy asahan i buku ari ndramak ndra-in handru. Iy amekes i buku doh, ta taha winiyan are hawe Krais, ma na le boto-on tan amwenen, taha winiyan asahan iri mwan ma badih mwasin ta mada Kindrei.

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

Aposel 3:13

Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

La-ukei ta Pol atorou ili tiri lau badu kon Rom 8:3

Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

Tarou ta Jon 10:17

“Katin ta tama aso-ok jo badeh, ta jo atehei ndrinek labai, ma jo banoh ta imek tiri sipsip tek bwe. Ano kameh jo andrei kohak eme hamon ja.

Tarou ta Jon 8:52

Ndrine iri Juwis irih ta sahou ta Jises, eme iri asehek sahou i buku doh, “Idah ahi ndratanan ndramwenen ai. Ou kede-eh malawin ndra-in udu bwele-em! Abraham ma hawe iri propet badeh, ndramak ndra bwena ndra-au. Arile ou anya ja, ‘Iy are lau iy anuhun ma iy in hamon ta leheya tek, iy winiyan bamak bwe.’

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”

Rebelesen 19:12

Madan badeh, anya i buku jih, ma barak tiri kabin solo-an labai badeh, udu batun. Bwilin badeh, iri torowenei nyara lakou ari udu aliy. Iri mwan ma badih badeh, bala tana iri ta moso nyara lakou doh bwe. Iy le ari amwenen badeh, tanan ai.

Hiburu 2:7

Kindrei, ou bwidi ahi, ma ou atehei nyara ahi udu bahandra nyara iri angelo tam ta luluwen bwe. Arile na dah, ou ndramasiye ahi, ma tutuni ahi ala are bahandra lomada nyaram.

Tarou ta Luk 9:27

Jo asehek sahou handru ewek tado. Lau ra-on ales ereu bolo to dah kameh winiyan bamak bwe, ya iri kameh anyolom tondrok ta Kindrei.”

Tarou ta Mak 9:1

Eme Jises asehek i toro i buku doh, “Jo asehek sahou handru ewek tado. Lau ra-on ales ereu bolo to dah kameh winiyan bamak bwe, ya iri kameh anyolom tondrok ta Kindrei ma hawe boto-on tan kameh asahan.”

Metiu 6:28

“Tasah handru ado abudon andra-i ta kolau ma awin? Ado kanone kanyolom iri kanyeu ateh ado ndrahune iri se. Ya iri babo gok bwe, ma iri bamekes kalawi iri bwe.

Tarou ta Jon 8:51

Jo asehek taha handru. Are lau iy anuhun sahou, ma iy in hamon ta sahou tek, iy kameh winiyan bamak bwe.”

Hiburu 1:9

Ou aso-ok kandriyen mwasin tinan labai, ou bwalem iri kandriyen ndra-in. Eme ma Kindrei tam amwenen ndranyahani ou ndrala loken labai, bwele-e oro lau tam mwasin. Ma iy mene solowei ndrelekei ta sekesek ndrawek bwele-em.” Wari 45:6-7

Hiburu 11:5

Inok atehei iri budon tan mara-ei ili le ta Kindrei le ari, eme bwidi iy bamak bwe. Iy udu ndra loken badeh, iy bwidi Kindrei sekesek, eme ma Kindrei andrei iy ma buruwen iu ili hawen ili kandrah. Ta idoh le, iri lau badu kon munyak banyolom sese badan bwe.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.