Hiburu 2:4 - Nyindrou

⁴ Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.

Hiburu 2:4 Referans Kwoze

Aposel 14:3

Eme Pol uru Banabas are gwek luluwen sese, asehek sahou boto-on ta Laban. Eme Laban leheya sahou ta tikisiy tan, uru asehek i handru i san ta iy edeu boto-on i turu ta amekes kalem ma lahou tinan.

Epesus 1:5

Kindrei aso-ok taha tinan labai, eme ma ndra bwena handru, iy abudon ta atehei taha a buku nadun amwenen, na gok Jises Krais kameh amekes hamon. Ya, Kindrei abudon i buku aliy, eme ma, iy amekes eme tataha.

Tarou ta Mak 16:20

Eme ma oro au a len, ma atiye sahou ili bolo kon mari, ma Laban aseben oro ma amekes kalem asahan ta edeu boto-on i ta sahou toro.]

Tarou ta Jon 4:48

Jises eme tiye i tan i buku doh, “Buku aha banyolom lahou tinan hawe iri kalem bwe, aha kameh winiyan batehei budon taha bame tek bwe.”

Tarou ta Jon 15:26

“Seben kameh eme. Malawin Ndrabun iy eme ta nyowonya iri sahou handru ta nyala Kindrei. Iy badeh, udu hawe tama eme. Iy badu hawe tama, arile jo kameh suni iy amwenen ewek hawe aha. Ma iy kameh asehek taha ta nyala iri gok nane jo amekes ma hawe iri kandriyen tek.

Epesus 1:9

Kindrei bwetenei ndra bwena ta lakou iy anya kamekes ta gok ta Krais. Iy in hamon ta budon tan amwenen, ma iy leheya taha ta lakou tan doh, bwena mene aton mara-ei.

Aposel 4:10

idah kameh, ado ma hawe iri lau badu Isra-el katanan ta ndramak ales udu mada ado ndramwenen dah badeh, na boto-on ta nyara Jises Krais badu Nasaret. Iy mene ado atahi iy i bada kei tondreh ma iy imek. Ano Kindrei mete-ei iy amak eme awas ta imek tan.

Tarou ta Mak 6:14

Eme kabin Herot anuhun sahou nyala Jises ndraseker winiya le bolo kon. Eme iri lau ra-on anya, “Jon ta alomwa mene ndramak ja ereu bolo lek tan ndrame loken, eme ma boto-on tan bwena ndrame hamon ja, ya boto-on tan udu ta Jises, eme iy amekes lahou tinan.”

Aposel 5:32

Ya, eme aso dah badeh, anyolom lakou mari doh, na mada aso amwenen. Ma hawe Malawin Ndrabun ta Kindrei ale bwidiy aleu iri lakou doh. Kindrei badeh, winiyan edeu Malawin i tare lau, buku none iy anuhun bohon.”

Epesus 4:7

Handru, bada taha marakon ari le ta Krais. Arile, iy anyohan taha ari, ari na ndramas laba tinan labai ta i le winiya taha ari, ari ta amekes gok tan,

Hiburu 6:4

Iri lau mwan ma badih rayah mene ndrandrei tanan handru ta sahou ta Jises Krais. Eme ma iri ndratehei Jises le ari badeh, udu budon tiri, ma iri ndranone ndramas ta Malawin Ndrabun badu kandrah.